حياة عيلتنا: صيفية ٢٠٢٠
عصام؟ شو في؟ قلقتني، ليش لسى مش نايم؟
شو مالك؟
هلأ دخلت على الفرشة
ما إنت عيارك ثلاث ثواني بتكون بلشت الأوركسترا
وصوت شخيرك بيكون معبي الدنيا
في إشي حبيبي؟ احكي لي
بدك الصراحة؟
بفكر بالفلافل الزاكي
اللي بشتريه من عند أبو عمر
آآهه، ييي!
أم إنصاف؟ مسافرة؟
وين؟ وكيف؟
عصام عصام، هو في سفر هلأ؟
بلشت مقطوعة بيتهوفن
أم إنصاف ما خبرتينا إنك مسافرة
يمة عليكي يا أم إنصاف
طمنينا عنك، في إشي؟
هاي صبايا، كيفكم؟
أنا وصلت اطمنوا
صراحة
منيح اللي طمنتينا كنا مش رح ننام من القلق
وين سافرتي يا أم إنصاف؟
وليش ما حكتيلنا عشان نودعك؟
رحلة العمر يا صبايا ستاي تيوند
هاي مسافرة عنجد، أبو يزن!
شو بتحكي؟
متى هالحكي؟
هو قال لك؟
بابا يلا جعنا
طيب طيب برجع لك
خلينا نشوف شو بدنا نعمل
ماما حطي لي بليز
أعطيني صحنك حبيبي
شو؟ شو صاير؟
أبو عمر خلص بدو يسكر محل الفلافل
يا حرام
بس ماهو بصراحة عصام الناس لسى خايفة تشتري أكل من برا
بس ماما أنا لما أمر من المطعم
بشوف كل اللي بيشتغلوا حاطين كمامات وكفوف
ومش بس هيك، كمان بيقول لي أبو يزن
إنهم عندهم كفوف خاصة للمصاري والحساب
وكفوف خاصة لتحضير الأكل وبيعقموا إيديهم بعد كل طلبية
حرام إنه مش كثير ناس عم بيشتري من هناك
مع إنهم ملتزمين بتعليمات السلامة
ماما جيبي لنا فلافل وحمص اليوم على العشا بايز
جبتيها سالي، احنا من يوم وطالع بدنا نشجع المحلي
مطاعم، شاورما، بيتزا، مناسف
مناقيش، محلات أواعي، أثاث
بدنا نشتري
خلص خلص خلص فهمنا
رح نشجع المحلي، سالي أتركي الموبايل من إيدك بدنا نوكل
شوفو لي هالمنظر يا صبايا
إشي بشرح القلب
واو ما أحلاه!
مش فاهمة ليش ما بدها تقول لنا وين راحت؟
شو أم إنصاف شكلك بأوروبا
هاهاهاها ما حزرتي ما حزرتي هاهاها
طيب شوفوا شوفوا صبايا شوفوا هالحلو هادا
يا الله شو إني متمنية إنكم تذوقوه معي، اللي ما جربه
راح عليه نص عمره، إنه لازم يتجرب
شكله بشهي وشوف المنظر اللي وراها
ما أحلاه، كيف مش بأوروبا؟ ولا وين؟
بلاد الوقواق يعني
وعشان ما تقولوا إني نسيتكم شوفوا
شوفوا شو جبت لكم شوفوا شو ألوانه حلوة ومفرفحة
يسلموا إيديكي كثير حلوين
نيالها
يسلمو هالإيدين أم إنصاف
إحنا ما بدنا غير تكوني مبسوطة
مبسوطة! هاهاها هو أنا مبسوطة بعقل
دينا
أنا بعثت لكل الجيران وللحارة اللي فوق كمان
واتفقنا إنو الكل يشتري من عند أبو عمر
ها ممتاز
وصى بالفلافل أبو عمر آه
وهي حبتين زيادة للمعلم أبو سند تفضل
يسلموا هالإيدين
الله ما يحرمنا من أكلك الزاكي والريحة الحلوة بالحارة
شو يا شباب وين وصل الدور؟
هسا بروح بشتري من محل ثاني ها
شو بتحكي يا رجل؟ أقول لك أعطيني دورك
هاهاها يا زلمة بمزح بمزح شكلو الوضع مش متحمل مزح
الله يبارك فيكم يا جماعة
أشكرك وأحمد فضلك يا رب
أم يزن هي ها وصلت وصلت
ألف الحمد لله عالسلامة يا أم إنصاف
كيف بلاد برا طمنينا
كيف سافرتي أصلاً
بلاد برا؟ ليش هو الطيران فتح أصلاً؟
أنا كنت رايحة سياحة داخلية هون بالبلد
شو؟ هادا كله عنا هون؟
آه هون عنا محلات أحلا من بلاد برا كمان
اللي ما بيعرف بيجهلك يا بلدي
والطبيعة الخلابة والأكل الزاكي
والهدايا الحلوة
هادي كلها هون ومن محلات صغيرة في المحافظات اللي زرتها
وشو بالنسبة للطيارة والمطار يا أم إنصاف؟
هاهاهاها يعني
حبيت أمزح معكم بعدين حتى يعني
بتعرفوا تطلع الستوري أحلا شوي
مش كل الناس بتعرف قديش بلادنا حلوة
قلت أفرجيكم إياها بطريقتي الإبداعية
هاهاهاهاها
شو يا إبداعية، إذا هيك
بدنا ترتبي لنا برنامج سياحة داخلية على
على كل المحلات اللي روحتي عليها ومنجيب أكلنا من هناك كمان
عشان ندعم المحلي
أكيد أكيد موافقة ما في أحلا من السياحة الداخلية
وما في أحلا من إنو نشجع المحلي
وبدنا نطلع سياحة داخاية
ونشتري من المخابز ومحلات الكهربائيات والدكاكين والحلاقين والنجارين والحدادين
ودراي كلين وصالونات الستاتي
يا جماعة بلادنا حلوة وبدنا نشجع المحلي
