حياة عيلتنا: سنة جديدة
اه لقيتها
متأكد رح تزبط
طيب المكان و الزمان؟
اترك الموضوع عندي
ساعة الصفر ستبدأ الآن.. إنتشروا
اوفف.. جننونا بدعايات سهرات راس السنة
كل سنة و انت سالم يا أبو سند
شوفلنا شوفلنا في إشي حلو و سعره معقول
ناااار يا حبيبي نار
يعني التذكرة من مية دينار و فوق
كثير كثير غالي
اوفف شو هادا
معقول هاي الأسعار؟
من متى بتحكي بالأسعار
سالي خلّي عنك.. مش انتو اللي بتضلكو بتقولوا...
المهم اللمة الحلوة و مش مهم وين
شو رأيكم نعزم أهل يزن و نسهر مع بعض بالبيت؟
بس يمكن يكونوا طالعين يسهروا بمحل...بلاش نحرجهم
لا مش طالعين محل.. أنا أنا سألت يزن
إذا شو رأيكم نعزم كل الجيران و كل واحد يجيب أكله و منسهر مع بعض
فكرة حلوة كثير
مش اتفقنا ما تتعبي حالك و كل واحد يجيب أكله
هيني خلصت ... و بعدين أنا بحب الطبيخ و ما بتعب منه
بس بتقدروا تساعدوني و تجهزوا الطاولة
هههههههههه ولا يهمك حبيبتي
رح أنادي الأولاد يساعدوني في التحضير
سند....سالي
سند
يلا تعال ساعدنا قبل ما يجوا الجيران
انت شو عم تعمل
هيهم إجوا... قوم قوم قوم بسرعة ساعدني بتحضير الطاولة
يزن شو صار معك؟ ما ضل معنا وقت
مية أهلا و سهلا بأحلى الجيران
زمان عن هالجمعة الحلوة
بالمهلي ايه متى العشا هههههههه
اهلا و سهلا بإم خليل اللي ما بتحلى اللمة بدونها
أحلى لمة بين ولادي و بناتي...سنة خير عليكم جميعاً
آآآخ من وين بدو يجي الخير يا حجة
قال شو...بتوقعوا أزمة إقتصادية جديدة السنة هاي
أزمة إقتصادية طب وللي إحنا فيه هسا شو هه
افففف ما صدقنا نخلص من هالسنة قد ما صار فيها مصايب
ول ول ول شو هالسيرة يا جماعة
كل سنة فيها الحلو و فيها المر
و بعدين إحنا بالعمارة شفنا كثير أشياء حلوة صارت، ولا لأ يا إم سهى؟
أكيد، نشكر الله
سهى صحتها منيحة كثير و راحت هي و زوجها على إستشارة أسرية
و زوجها قبل ترجع عالمدرسة
آآآه و إنصاف يا حبيبتي عم بنحوشلها للجامعة
مافي جيزة قبل ما تخلص جامعة
وقفتكم جمبنا يا جماعة ما رح أنساها كل عمري
ولو هادا واجبنا يا أم سهى
الجيران لبعض
و أنا ابني لما شاف قديش نفسيتي تحسنت هالسنة بعد ما صرتوا تهتموا فيي
صار حابب يجي يتعرف عليكو
و قرر يصير يزورني كل صيفية هو و مرته و الاولاد حبايبي
يييي تيتا هاد أحلى خبر
انتي و ابنك على راسنا من فوق يا إم خليل
صراحة أنا مش عارف شو بدي أقول ههه
مزبوط أنا بصلحلكو أشياء كثيرة بالعمارة و بشفط مصاريكو
و مرات اقتراحاتي بتجيب أجلكو
هههههههههههههه
على سلامتك أحسن كهربجي بالحارة
ما بخبي عليكو...بس آجي عندكو بحس حالي بين أهلي و عيلتي
آه شكرا لإنكو بتثقوا فيي و بتعتبروني واحد منكو
إحنا زي ما بتعرفوا جداد عالعمارة
لسا ما شفتوا خيرنا من شرنا
بس إحنا عم منتعلم منكم كثير
صح و إحنا قررنا الأسبوع الماضي إنو عالسنة الجديدة
يوم الجمعة يكون يوم للعيلة زي ما بعملوا عيلة أبو سند بالزبط
مافي بعد العيلة
يعني يا جماعة جوعتونا بعد هالقصص الحلوة
يلا اتفضلوا على أكل مرتي الزاكي
و إحزروا وين؟ على السطح!
الكل موجود؟ وين سند؟ وين يزن؟
أنا جاهز للإطلاق..هل انت جاهز؟
جاهز
اوووووه واااو ما أحلااااه
شوفوا شوفوا
Happy New Year!!
كل عام و انتو بألف بخير!!
خلينا نبدا هالسنة بتفاؤل
و نتذكر كل إشي منيح صار معنا و نشكر الله عليه
و إحنا منشكركم لأنكم انتو جزء مهم من عيلتنا
منتمنالكم سنة خير و بركة، و نشالله كل أيامكم حلوة
و كل عام و انتو بألللف خير!!
