حياة عيلتنا: سالي غيرانة
شو؟ كلهم شافوها؟ فيش"شكراً" ولا "حلو" ولا "يعطيكي العافية"؟
سند؟ يساعدني بالرسم؟ شو قصدهم؟
سند حبيبي
إيش هادا؟
بديش أسمع ولا كلمة صار لي ساعتين برسم فيها
ساعتين؟ ما بتوخذ مني عشر دقايق وبتطلع أحسن من هيك كمان
بدون فلسفة سيد سند. بتقدر تعمل لي الرسمة ولا لأ؟
بس على شرط، بتروحي بتجيبيلي كاسة عصير وقطعة كايك بسرعة
افففت أوكي
أهلاً أهلاً ماما
تيتا اشتقنى لك كثير
مرحبا تيتا
حبايبي أنا اشتقت لكم وما بطلع غير إذا بدي أزوركم
سند طولان حبيبي شوي وبتصير أطول من أختك
زيحوا يا ولاد خلوا تيتا تدخل أول تفضلي ماما تفضلي
هادا أكيد رسم سند
آه ماما في مسابقة بكرا وبده يقدم عليها
يا حبيبي يا سند شاطر بكل إشي، إشي رياضة، وإشي رسم، ومبدع بدراسته
الله يحميه طالع لجده الله يرحمه
وسالي كمان شاطرة بكثير شغلات، شاطرة بالدراسة والكتابة وبتعمل أزكى-
زي بنت أخوكي زينا بأمريكا هديك بلوة بلوة بالكتابة بتكتب بمجلات وأخذت جوائز كثير
هادا غير الطول والحلاوة والشعر الأشقر الحرير يما عليها بتاخد العقل
آه حبيبتي رينا شطورة التنتين شاطرين و سالي سالي كمان بتشارك بمسابقات الكتابة
لا لا بس هديك هديك إشي تاني
اسم الله عليه سند شاطر بكل شي ورينا بتوخد العقل وشقراء. أنا اللي بشعة اللي ما بفهم بإشي يعني
سالي هاي نشفت اللوحة، ممكن تساعديني أدخلها عالكيس عشان ما تخرب؟
عشان ما تخرب آه آه أكيد مش لازم تخرب أبداً
هيك بكون جاهز لأشلمها للمسابقة بكرا هلا بقدر أساعدك بمشروع العلوم
سالي بابا
وصلني مسيج من المدرسة إنو بكرا بينتهي التسجيل لمسابقة الكتابة، سجلتي حبيبتي؟
مش رح أشترك فيها
ليش سالي؟
إنتوا بتفكروني بنت صغيرة؟ أنا فاهمة كلشي وسامعة كلشي إنتوا بس هيك بتحكوا إني شاطرة عشان ما أزعل
بس أنا عارفة إنو أنا مش شاطرة بولا إشي
بابا سالي شو هالحكي هاد؟ من وين جايبتيه
سند حبيبي كثير شاطر بكل إشي مبدع مبدع ورينا يا حياة قلب التيتا
فيش زيها أشطر وحدة بالكتابة والجوائز والدنيا
ماما أنا بعرف إنو في كثير ناس بتقارن بين الخوان، أو القرايب، أو الصحاب
إحنا ما منقدر نتحكم بالناس شو بتحكي بس منقدر نتحكم بردة فعلنا تجاه هالحكي
إنتي كم مرة فزتي بمسابقة الكتابة؟ قديش مرة تفوقتي بالرياضيات؟
قديش بتهتمي بالناس ومحبوبة بين صحابك، إنتي مميزة بشخصيتك وبمواهبك
وما بدنا إياكي تكوني غير زي ما إنتي
طيب بشوف
شو يابا؟ طمنا، كيف كانت المسابقة؟
جبنا المركز الأول
كثير منيح برافو، بس "جبنا"؟ مين إنتوا؟
شوفوا شو صار، روحت أسلم اللوحة ولقيت سالي حاطيتلي كرت صغير
جواته مكتوب فيه شعر فأنا عارف إنها ما بدها تشترك بالمسابقة
فروحت قدمت الشعر باسم سالي، واحزروا شو صار؟
فزت بالمركز الأول بالشعر وسند فاز بالمركز الأول بالرسم
سند كل منا لديه شكل وسمات مميز بمواهب وصفات لنتجاوز جميع المقارنات
ونقول الأهم بأجمل الكلمات أنت أخي ورفيقي ونعيم الحياة
أفتخر بك في كل الحالات وأدعو لك بمزيد من النجاحات
أختك التي تحبك... سالي
إذا بتحبوا تكتبوا شعر شاركونا بأشعاركم بالكومينتس وما تنسوا تعملوا سبسكرايب
