حياة عيلتنا: شو آخر أخبار عيلة أبو سند
بنحب نبدا الفيديو اليوم بانه نشكر كل من سأل عنا
واتطمن علينا وبعتلنا طبخة بهالمرضة
انتوا عيلتنا الحقيقية الكبيرة
خليتونا نشعر انه احنا مش لحالنا بهالمرضة
شعرنا بمحبتكم واهتمامكم
شكرا الكم والله يشافي كل مريض
سنة 2020 كانت كثير مختلفة وصعبة عالكل
بس كمان كان فيها أشياء حلوة
بتعرفوا شو اصعب سؤال انسألته هالسنة؟
سؤال ام سند في المقابلة اللي عملناها
متذكرينه
بدنا نعرف قديه بتعرف أم سند
أكلها المسكين
شو لون ام سند المفضل
ام سند بتحب كل الألوان
بس لونها المفضل
ممم بصراحة
كل الألوان حلوة عليها
كنت عارفة انه مش عارف لوني المفضل
اصلا اقول لكم انا بحب كل الالوان
ما في احلى من انه الواحد يعمل الاشي اللي بحبه
وانا اول السنة الماضية لحقت حالي قبل الكورونا
وعملت اشي ما رح انساه ابداً
ما رح انساه بحياتي
حمدالله على السلامة ماما
والف الف الف مبروك
المركز الرابع على مدارس العالم مش قليل
اشتقتلكم كثير
صح ما طلعنا الأوائل
بس بصراحة كانت أحلى تجربة بحياتي!
اقنعت الكل اني قدها وسافرت!
لحد هلا مش عارفة كيف الماما وافقت !
بصراحة
انا ما تفاجئت كثير من حالي اني سمحت لسالي تسافر
بس اكثر اشي فاجئني بالسنة اللي مرت
اني اكتشفت مين السوبر هيرو تبع سالي وسند
البطلة تبعتنا عندها قدرات خارقة ومميزة
بشغلها و ببيتها و بتربايتها
و علاقاتها مع الكل
البطلة تبعتنا علمتنا كيف نكون صادقين في كلامنا
مهتمين بغيرنا
و نفكر باللي حوالينا مش بس بحالنا
ماما..بما إنو عيد الأم قرب
اخترناكي انتي السوبر هيرو تبعتنا
اديش فرحوني الولاد
كانت لحظة مؤثرة
اتركوكم من اللحظات المؤثرة هذه
انا اهم اشي صار معي بال 2020
اني صرت ابو ابو سند
يعني ابو ابوي
تتذكروا شو عملت
ما بصير هيك تطفي لسى المسلسل ما خلص
صرلك ساعة بتقولي هلا بخلص
هلا بخلص هلا بخلص
ايه بعدين معك
طلع المسلسل طويل شو اعمل
بعدين شو ساعة
مش معقول المبالغة
اسكت يا ولد واحترام ابوك
شكرا
وصلت فاتورة الكهربا
ممتاز وشو المطلوب
انو عشان تدفعها
انت ماخذ دور الأب
انت ادفعها
يا حبيبي
من وين بدي أجيب المصاري
طلعنا منصرف كهربا كثير
ليش الغرفة مضوية وما حدا فيها
طفوا الكهربا يا ولاد
بصراحة كنت شديد كثير عليه
بس بيني وبينكم
اكتشفت اديش اهلنا عنجد بتعبوا عشانا
يعني صحيح انا ما كنت البس الكمامة
وكورنت واتشعتلت بال 2020
بس ما رح انسى انه استغليت الفرصة بالصيف
وفرجيت الكل اديش بلدنا حلوة
شوفولي هالمنظر يا صبايا
اشي بشرح القلب
واو ما احلاه
مش فاهمة
ليش ما بدها تقول لنا وين راحت
شو ام انصاف شكلك باوروبا
هاهاهاها ما حزرتي ما حزرتي
شكله بشهي
وشوف المنظر اللي وراها ما احلاه
كيف مش باوروبا ولا وين
بلاد الواق واق يعني
هذه بلدنا
اذا لسى ما بتعرفوا الاماكن الحلوة عنا
بشجعكم تزوروها
زمان كنا نقول الجار قبل الدار
وبهالسنة الصعبة حسيت اديش الجيران مهمين
ورجعت عشت هالمثل مرة ثانية
وهاي كياس أم خليل
جبت لها تشكيلة
شوية أجبان وألبان
وشوية خضار وفواكة وخبز
الله يعطيك العافية
هلأ بنظفهم بسرعة وبعقمهم
وبوديلها إياهم على باب البيت
الله يرضى عليهم
احلى عيلة
الكورونا خربتلنا خطط كثير السنة الماضية
بس تعلمنا بدل ما نزعل نكون مبدعين
وصدق طلع منا انا وسالي
هالسنة الكورونا قعدتنا بالبيت
لا جمعات ولا اعياد
لا الصبح ولا بليل
بس اللي ما بتغير ابدا
انه منحبك كثير
انا ما الي بالموسيقى
بس بتذكر اشياء مضحكة صارت السنة الماضية
وخاصة معي انا وسند
يا ولاد تعالوا تغذوا في معكرونا
كورونا
مين معه كورونا
معكروووونة
مالك يا زلمة ما بتفكر غير بالكرونا
وصحبتي أنا وسند لا يعلى عليها
والسنة الماضية كانت اثبات
انه ولا اشي بقدر يخرب صداقتنا
وما بنسى كمان كيف ضلينا انكت قدام الكاميرا
وعلى فكرة
شكرا لكل الناس اللي شاركونا نكت على اليوتيوب
مرة أخطبوط زعل
فراح حط اجر عإجر
عإجر عإجر عإجر
واحد بسأل وحدة شو اسمك
بتقول له يارا ياسين
انت شو اسمك
بقول لها يا سين يا صاد مش متأكد
مره فرشاة أسنان اتخنقت مع فرشاة أسنان
احزر شو قالتلها؟
أنا بفرشيكي
مرة في ولد بقول لامو
ماما شو في ببطنك؟
قالتلو الام: اخوك يا حبيبي
تاني يوم سالو الاستاذ:عندك اخوان؟
ولا هو بقوله: كان عندي بس ماما اكلتو
مرة ليمونة راحت تقدم امتحان
جابت عسرة من عسرة
أخطبوط عم ببكي.. ليش؟
لأنه مش عارف يده من أجره
اخيرا اجى دوري
انا اهم اشي صار معي
اني اكتشفت موهبة جديدة
يعني اذا جارت على الدنيا بصنعة الكهربجي
مش قلقان
تتذكروا شو هي
العيلة مش بس أهل
قرايبي وخواني
العيلة هي الناس اللي بتحبني وما بتنساني
إذا مريض بداويك
إذا ضعيف بتقويك
منفرح سوا منحزن سوا
دايماً سوا شو ما بصير
ابداع وتألق
اكيد انهبلتوا علي
بس بيني وبينكم
ما في احلى من المحبة
ينعاد الخير علينا وعليكم
تدوم الفرحة وتدوم صحتكم
كثير منحبكم ومنقدركم
انتوا عيلتنا واحنا عيلتكم
بالمحبة بالمحبة
الحياة أحلا بكثير
مزبوط ما في احلى من المحبة بين العيلة
وهالسنة احنا تعلمنا
وشجعنا ولادنا يتأقلموا مع الظروف الجديدة
ويبذلوا جهدهم وما يستسلموا
سالي نجحت بالكتابة وبالشطرنج
وسند كان صادق بامتحانات الاون لاين
واهم اشي انه ابو عمر ضل فاتح المطعم
وضل يعمل الفلافل الزاكية..
ما في احلى من انك تشجع اهلك وناسك
اخ على حبة فلافل هسا من ابو عمر
يا سلام والقلاية اللي عملتها
سمعت قلاية ... يمييي
ما في زي القلاية اللي بتعملها الماما
على فكرة انتو طلبتوا طريقة القلاية
وانا جاهزة اشاركها معكم
أول اشي لازم تستخدموا زيت الزيتون الاصلي
وبعد هيك
ماما ما ضل وقت للحلقة
يي! خلص بنخليها للمرة الجاي
استنونا بموسمنا الجديد قريبا
رح تشوفوا اشياء جديدة
ومفاجئات حلوة كثير
