حياة عيلتنا: شكراً يا نشامى
يلا يا أبو يزن رح تتأخروا
يلا يلا، الولاد جاهزين؟
جاهزين. شو هادا الكيس؟
آآه؟ ولا شي شوية أغراض لأنه اليوم عندي ضغط كثير بالشغل
ويمكن كمان أتأخر، يلا نادي الولاد بلاش نتأخر
رنا! يزن! يلا البابا عم بيستناكم
جاهزين
صباحو أبو يزن
صباح الخير
أقعد أبو يزن رح أشرح لك كل شي
مش قلت لكم ما تتأخروا عند الجيران هالقد عيب ماما أهلهم بدهم يرتاحوا
ماما إنتي قلتي لي بس يجي أبوهم منروح
وأبوهم كثير عم بيتأخر بالشغل
غريب، عاد أبو يزن عادة بخلص شغله بكير
يزن بيقول لي أبو عم بيرجع تعبان كثير
الله يعطيه العافية
كل الأهل بيهلكوا عشان ولادهم
أهم إشي إنه رجع أبوهم جايبلهم كل إشي طلبوه
هدايا وأشياء زاكية نيالهم
شو قصدك يعني؟
ههه بمزح إنت أحسن أب بالعالم
أسكتي يا أم سند إنصاف عم تبدع بالمدرسة
طلعت الأولى يا حبيبتي. قولي لي سالي شو ترتيبها بصفها؟
علاماتها منيحة كثير
أنا دايماً بقول لهم المهم تعملوا كل جهدكم ومش مهم العلامة
إيه؟ هذه أم يزن خليني أروح أفتح لها
مرحبا يا أحلا جارات
ميت أهلا وسهلا زمان عن هالجمعة الحلوة
مزبوط بس أنا قلت أكيد أم يزن بتكون مشغولة
الله يكون بيعونك على اللي صار معك
عن شو عم تحكي؟
يوه؟ عن شغل أبو يزن
مهو ابن خالي تامر صاحبه طلع بيشتغل مع أبو يزن
صاحبه مدير قسم ما شاء الله عليه
مدير وضله مدير، هو حكالي القصة
قصة شو؟
مزبوط إنو أبو يزن بعد ما كان مدير مستودع قد الدنيا
نزلوا له وظيفته ليصير يحمل وينزل بظاعة؟
لا مش مزبوط حكيك!
أبو يزن كل يوم بلبس البدلة الصبح وبيطلع على شغله كالعادة
ما في إشي جديد
إييه، طب يا جماعة شو بتحبوا تشربوا؟
معلش أنا لازم أطلع هلا بوصلوا الولاد
بس أم يزن ما لحقنا نشرب أي إشي، بصير هيك تطلعي؟
خيرها بغيرها أم سند يلا سلام
ييي لا تكون زعلت
شو هالحكي أم إنصاف ما بصير نحكي إشي مش متأكدين منه
وإفرضي الحكي مزبوط الشغل مش عيب
ما بصير نعي حدا بشغله
بعدين مبين أم يزن ما عندها علم بالموضوع
أنا مش قصدي بعدين يعني شو أنا جايبة الحكي من بيت أهلي
هيك بيقولوا يا سلام
أنا لازم أروح أشتري شوية أغراض، أم سند إذا عرفتي شي قولي لي ها؟
أول ما نوصل على البيت كلنا لازم نغسل إيدينا منيح
سند ما تحط إيدك بفمك قبل ما تغسل
يييي أهلين بالولاد الحلوين
يزن ورنا قدروا تعب أبوكم
طول نهاره عم يعتل ويحمل عشانكم
ألف سلامة عليك، في وجع؟
لا الحمد لله أحسن بس أول ما وقعت كنت مش قادر أدعس عليها
أنا مش فاهمة، ليش ما قلت لي شو صار معاك بالشغل؟
ما كنت بدي إياكم تحسوا بأي تغيير ولا كنت بدي أزعجك
بس يا أبو يزن ما بصير ما تخبرني شو بصير معك
أنا لازم أكون أول وحدة بعرف
معقول أسمع من الناس؟
مزبوط معك حق سامحيني الموضوع كان صعب علي
إنو أكون مدير وأرجع بالسلم الوظيفي لورا مش إشي سهل
فاهمة عليك فاهمة
وإنتي عارفة كيف الوضع الاقتصادي
قلت وين هلا بدي ألاقي شغل ثاني
فلما قالوا لي إنو بدهم يسكروا القسم
وإنو في شاغر واحد بقسم التحميل والتنزيل
وإنو ما رح ينزل راتبي إذا بداوم كل يوم ساعات أطول فقبلت
مزبوط كان لازم أقول لك
يعطيك العافية حبيبي قرارك كان صح
هلأ المهم إني عرفت ليش صاير توسخ أواعي كثير وكندرتك دايماً مغبرة
ههههههه
مرحبا جايين نشرب عندكم فنجان القهوة اللي ما شربناه الصبح
أهلا وسهلا بأم سند وأبو سند تفضلوا
تعالي أم سند نعمل قهوة تعالي
أبو يزن إنت اللي عملته مية بالمية صح
عشان عيلتك وولادك
آآخ بس ما إنت شايف كيف صارت الناس تحكي فيش إشي بيتخبى
أي أنا عشان ولادي وعيلتي مستعد أشتغل أي شغلة
ما في بالشغل عيب
وما ترد على الحكي الفاضي
هسا مش عارف شو بدي أعمل مع إصابتي برجلي
تفضلوا أحلا فنجان قهوة
يسلموا أم يزن، مش الدكتور أعطاك إجازة؟
المشكلة إنو عندي بكرة تنزيل حمولة وإذا ما سلمتها رح يجيبوا حدا بدالي
خايف أخسر الشغل
ولا يهمك الموضوع عندي الحمولة رح تنزل وما رح تخسر شغلك
أيوة هدول الكراتين حطوهم هون
حاضر معلم، شيل
شو هذا؟ كثير ثقيلة
يا زلمة شد حيلك
هيني شادد
عرفنا أنكم عم بتحملوا وجايين نساعدكم
هات الدفتر أسجل أرقام الكراتين
شكراً يا نشامى شكراً يا أحلا جيران
منحب نحيي كل الأهل اللي بيشتغلوا وبيتعبوا
عشان يوفروا حياة كريمة لعيلتهم وأولادهم
وما تنسوا تعملوا لنا سبسكرايب
