حياة عيلتنا: مشروع سند
مرحبا يا ولاد، سموري كيفك ماما؟
مرحبا ماما يعطيكي العافية
الله يعافيكي حبيبتي، كيف الدراسة؟
منيحة، عندي امتحان قواعد بكرا
ضل علي ورقة عمل بس صار لي ساعة بدور عليها
وين سند؟
سند طلع عند يزن عشان يشتغلوا على المشروع
مش فاهمة إيمتى بدو يخلص هالمشروع صالهم أسبوعين بيشتغلوا عليه
هو قال من أول الفصل إنو هالمشروع كبير
وعليه علامات كثير
ماما مش لاقية الورقة بدي أطلع عند رنا أشوف إئا عندها إياها
أوكي حبيبتي
قولي لسند ما يتأخر
هاي رنا، عندك ورقة المثنى؟ قلبت الدنيا عليها مش لاقيتها
آه آه عندي هلأ بجيبلك إياها يلا تعالي
يلا أسرع أسرع
هيني لحقتك
يا زلمة مش هيك
شو سيد سند، بتلعب ولا بتدرس قاعد
إيه؟ سالي؟
عأساس عم تشتغلوا على المشروع
عم نوخد استراحة شوي ورح نرجع نشتغل
سند يلا إطلع إطلع
سالي هاي الورقة خديها أنا درستها
وبكرا بترجعيلي إياها بالحصة
شكراً رنا أحسن صاحبة بالدنيا
سند وقف لعب واشتغل على المشروع
ماما رجعت من الشغل وبتقول لك ما تتأخر
إي إي
هذا من وين طلع؟
إي ركز سند رح تخسرنا
أما شو غلبناكم غلب مبارح خمس ساعات لعب
ما قدرتوا تفوزوا ولا مرة ولا مرة
ولا شو يا يزن؟
ماهو النت ضل يفصل عنا واللعبة تعمل لاغ حظكم حلو
ههه شو حظ
صرنا غالبينكم ميت مرة
ههه إحنا كنا منتسلا اليوم بعد المدرسة منتلاقى أونلاين
ومنشوف اللعب الصح
ليش بعد المدرسة منقدر هلأ
هلأ؟ بس عنا حصة رياضة
يعني هلأ اللي منعملو باللعبة مش رياضة؟ تعالوا تعالوا
خليني أفرجيكم محل نتخبى فيه
يلا شباب جيبوا موبايلاتكم وإلحقونا
غسلتوا إيديكم منيح؟
غسلنا عشرين ثانية وأكثر
برافو أعطيني صحنك
أعطيني حبيبتي عنك أعطيني
شو يا ولاد كيف المدرسة؟
منيحة وأخيراً خلصنا امتحانات
طب شو رأيكم اليوم نروح نزور التيتا وجدو
أنا ما بدي أروح
صار لك ثلاث مرات ما بتيجي معنا التيتا بتضل تسأل عنك
إنتي شو دخلك فيي
بكرا عندي تسليم المشروع ومش ملحق
طب خلص بكفي تتناقروا، سند ليش ما عم توكل ماما
أنا مش جوعان أكلت في المدرسة
شو اللي عم بصير للولد
حتى تدريب القدم ما عم بيحب يروح عليه
شكله مضغوط من هالمشروع يلا بكرا بسلمه وبرتاح
يي المدرسة؟ خليني أصف على جنب
ألو؟ أهلاً مس غادا، آه أكيد تفضلي، في إشي؟
سند؟ مش معقول!
بس هو اشتغل كثير على المشروع
معقول؟! ناسخه من النت؟
بس هو بيعرف إنو هذا مش مقبول
طيب خلص أنا هلأ بشوف شو القصة وبكرا بكون بمكتبك
مرحبا، وين سند؟
من أول ما إجى من المدرسة وهو زعلان مسكر على حاله الباب
وقال ما حد يدخل عنده
سند ماما أنا عارفة إنك متدايق
خاص ما حدا يفوت هون
شو مالك ماما؟ كلشي منلاقي له حل
كلكم اختفيتو ما حدا عم بيساعدني
ماما إحنا كلنا هون عشان نساعدك
خلص ادمرت راحت علي
ماما شو هالحكي؟ معلش تخلينا نعرف شو القصة ونحل الموضوع
تعالوا تعالوا بسرعة تعالوا ساعدوني
آه هيك هيك خلص هيني هيلت شكراً شباب
سند!
شو؟ جهز الغدا؟ جيبي لي إياه هون
بدي أكمل اللعبة يا ماما
إنت مش ملاحظ على حالك شو عم بصير معك مؤخراً
ليش شو عم بصير؟
متى آخر مرة روحت على تدريب كرة القدم؟
ما بعرف زمان
التيتا وجدو مبارح حكوا مشتاقين لك كثير
بس النت عند تيتا كثير بطيئ ما بقدر ألعب عندهم
سند سامع حالك شو عم بتحكي؟
خلصت مشروع المدرسة تبعك؟ حطيت فيه جهد كافي؟
اليوم المدرسة حكوا معنا وقالوا لنا إنك ناسخه كله من النت
سند ماما هاي سرقة جهد حدا تاني
مش جهدك إنت
يابا إحنا خايفين عليك وإحنا مش ضد تلعب ألعاب إلكترونية
بس لازم نحدد وقت معين للعب
عشان حياتك تكون متزنة ويصير عندك وقت لأشياء تانية
صح بيحكي أبوك عشان هيك شو رأيك
نتفق مع بعض على قوانين للألعاب الإلكترونية عنا في البيت
وأنا بدي إياك إنت اللي تقترح هاي القوانين
أنا بعتذر مزبوط إنو
عم بزودها شوي بس أنا ما كنت ملاحظ على حالي
وبكرا رح تروح معي على المدرسة تعتذر لمعلمتك
وهي حكت يمكن تعطيك فرصة تانية تشتغل على المشروع من أول وجديد
وعشان تقدر تشتغل على المشروع صح
ما في ألعاب إلكترونية لمدة شهر
حتى نعمل توازن في حياة ولادنا
حضرنا مع سند وسالي هذا الميثاق العائلي
اللي في تنظيم لوقتهم على الألعاب الإلكترونية
بنصحكم كلكم تنزلوه رح يسهل حياتكم وحياة ولادكم
أنا وقعت عليه وقررنا إنو ما ألعب ألعاب
خلال الأسبوع إلا ساعة وحدة باليوم
وأخلي اللعب لعطلة نهاية الأسبوع
وأنا كمان وقعت وقررنا
إنو الماما والبابا دايماً لازم يوافقوا على الألعاب الإلكترونية
قبل ما ننزلها عشان يتأكدوا إنها مناسبة لعمرنا
اكبسوا هون عشان تنزلوه
