حياة عيلتنا: مش من مستوانا
جوووول
شو؟ هذا جول؟ هذا مش جول
كيف يعني مش جول؟
احنا متفقين إنو من هون لهون الجول، هاي الحجار
بس هاي إجت جنب الحجر يعني بالعارضة، هذا الجول مش محسوب
شووو؟
مرحبا دينا
يعطيكي العافية، شو؟
شكله كان يومك متعب
كثير كان عنا ضغط بالشغل اليوم، شو وين الولاد؟
راحوا يلعبوا بالحارة
طمنني، شو صار مع المديرة الجديدة؟
مش عارف
ليش؟ مالها إشي؟
مش قلت عندها خبرة ومعها دكتوراة وفهمانة كثير
مزبوط بس اممم
بس شو؟
أنا عارف، الشباب في المكتب منزعجين كثير
ومش عاجبهم الشغل معها
وإنت شو رأيك؟
هم مش عاجبهم إنو مديرتهم ست
بس بدك الصراحة من يوم ما إجت وضع الشركة كثير تحسن
والأمور تربت، بدك الصراحة؟ أنا شايف إنها أحسن بكثير من المدير القديم
آآخ بس، إيمتى الناس رح تبطل تحكم بهاي الطريقة؟
أنا هذه آخر مرة بلعب معهم
هاه، شو صاير يا ولاد؟
بعد ما دخلنا جول، أما شو جول بابا
قال ما حسبوه وخسرنا
مين هم؟
ولاد الحارة اللي فوق
وليش إنتوا أصلاً روحتوا تلعبوا معهم؟
بابا، عمو أبو يزن مش عاجبه إنهم لعبوا معهم
بحكي إنو سكان الحارة الفوق مش زينا
بس هم شاطرين كثير لعبهم حلو
وبعدين مع هالحكي، شو يعني زينا ومش زينا؟
من متى منميز بين الناس حسب وين ساكنين؟
يلا أدخلوا غسلوا إيديكم، أنا والبابا رح نحضر لكم الأكل
أنا بقول الحل إنو نعمل مبادرة
ونزبط الملعب ونشتري مرمى جديد
أيوا، مشكلتنا إنو مش قادرين نحدد الجول صح
عشان هيك منضل نتخانق
بس زهالينا إذا شافونا عم نعمل إشي مع بعض رح ينزعجوا
بعدين من وين أصلاً رح نجيب مصاري نشتري جول؟
مش مشكلة، شو رأيكم نعمل بازار ونبيع فيو كل الأشياء اللي ما منحتاجها؟
وممكن نعمل كيك وعصير
أنا أختي بتعمل كيك كثييير زاكي
واحنا إذا منتساعد رح نزبط الملعب ورح ننبسط كل الصيف
ورح نعمل دوري كل يوم ورح نضل نغلبكم
هاهاهاهاهاها
يلا يلا
هاها ما أحلى الولاد كيف بسلوا حالهم
هه! بس مين هدول الولاد اللي معاهم؟
يسلموا إيديكي على هالقهوة الزاكية
مممم ما أحلى ريحتها
صحتين وهنا
بتعرفي يا أم يزن شكلو هدول الولاد من الحارة الفوقنية
هه! ما بدكم تعرفوا شو سمعت
بيقولوا، بيقولوا إنو في عيلة من الحارة الفوقنية
بدهم يسكنوا بالشقة الفاضية اللي بالعمارة
يييي!
شو مالك نقزتي؟
شو؟ يصيروا جيراننا يعني؟ بس مهم بالمرة مش زينا
ليش لازم يكونوا زينا يا أم يزن؟
لا لا يعني يمكن يكونوا مناح
بس عادي يعني ولادهم يلعبوا مع ولادكم؟
ييي، شو فيها يعني؟
أي اشربوا القهوة بلاش تبرد
رايحة أجيبلكم هريسة بتشهي بس بليز
إذا طلعوا الولاد نادوني بسرعة خليني أستجوبهم
هاهاها، حاضر حاضر يا برج المراقبة
أم إنصاف أم إنصاف
إجوا إجوا؟
هاها لا لا بس بدي أقول لك إنو ما بدنا نغلبك
إيه، ولا غلبة ولا إشي تفضلوا تفضلوا
يا علي، من اللخمة جبت الشوكة والصحن الغلط
ليش شو مالهم؟ خلص خلص مناكل بأي إشي
لا بس يعني هم هدول اللي بخليهم للبنت اللي بتيجي بتنظف لي البيت
ما تآخزيني ما إنتم لخمتوني لما نادتوني هيك
يعني مش فاهمة إنتي ما بتجليهم؟
لأ طبعاً بجليهم بس يعني
وبعدين مع هالبس
ما بطوقعها منك يا أم إنصاف
ممم بتشهي هالهريسة
خاصة بهالشوكة وهالصحن
أيوا يزن روح روح
جووووول!
برافو يابا، لعب حلو ورائع بدعتوا
وشبه الفريق التاني كمان بدعوا
يعني إحنا حتى لو مختلفين بأشياء
بس في كثير أشياء بتجمعنا وهذا الأهم
كلنا لازم نحترم بعض
ونطلع على الأشياء الحلوة المشتركة
ونكون إيد وحدة حتى نقدر نبني مستقبلنا مع بعض
وما تنسوا تعملوا شير وسبسكرايب
