حياة عيلتنا: مش عاجبنا العجب
مرحباً انا نورا الموظفة الجديدة. كيفك؟
الحمد الله تمام، مبروك وأهلا وسهلا فيكي
إسمعي بدي أسألك عن المدير، شكلو كثير نكد
كل شيء لازم يمشي على مزاجو
المدير؟! لأ ليش؟
مديرنا أبو زيد كثير محترم
ما بعرف، هلأ قال لي الشاب في المكتب الثاني إنو كثير مفلسف
وأنا حاسه إنو مش سهل ابداً يعني مش زي ما يبدو عليه
لا ما تخافي أنا صار لي سبع سنين بشتغل هون وكل شيء تمام
أهلاً ابو زيد
آه شكراً كثير، إن شاء الله بكرة الصبح ببعتلك كل شيء
شايفه؟ هيو المدير الي بتحكي عنو شافني الصبح تعبانة
وقلي بقدر أروح وأكمل شغلي بكرة
يمكن شافك قاعدة لا شغلة ولا عملة
وقال أحسن تروحي بدل ما تحسبي عليه يوم دوام
يلا سلام سلام
شو حبيبتي شكلك تعبانه، بدك مساعدة؟
أبو سند اليوم كان المدير بقابل ناس جداد
وشكلو بدو يعين حدا في القسم عنا
وانا شاكه انهم بدهم يضعو حدا محلي
مين قل لك هالحكي؟
نورا الموظفة الجديدة
بتعرف كل الأخبار
اتركيكي من نورة، بعدين وين بدهم يجدوا احسن منك
هاتي اساعدك
يسلمو
كل هاد الشغل عليكي؟! غريب كيف ساكتة ومتحملة
انتي متى بخلص عقدك؟
بعد شهر بس هم دائماً بجددو معي، ليش عم تسألي؟
يعني بس بسأل
أهلاً حماتي...
لا لا ما تغلبي حالك انا اليوم بس ارجع رح اطبخلهم شئ سريع
شكراً حبيبتي ما بدي اغلبك
مع السلامة
آخ على شغل الحماوات
أكيد زوجك شاكيلها مرتي ما عم تطبخ مرتي مش فاضية
وهي استغلت الموقف عشان تكسب ابنها
لا حرام حماتي كتير منيحة
خليكي على نياتك، صارلي شهر بوعيكي وانتي مش هون
لازم تلبسي نظارة عشان تشوفي الحقيقة
بلاش بكرة تدخل أهل زوجك يدمر بيتك وحياتك
انا قلتلها ما بدنا أكل،
انا اصلاً مجهزة حالي اطبخ اليوم ومنزلة جاج من الفريزر
معلش حبيبتي، هي حاسة إنك هالفترة تعبانة وحبت تساعدك
تساعد! ليش أنا شكيت من شئ؟ هذا اسمه تدخل
بما اني قلتلها ما بدنا يعني ما بدنا
خلص كلو انتو أنا مش جعانة
دينا شو مالك؟ انتي صارلك فترة مش مزبوطة
فهميني شو في؟
بالعكس، انا هلأ صرت مزبوطة وفهمت كلشي
اففتت شو هالأزمة ! معقول هيك صايرة السواقة؟ شئ بقرف
الواحد مش لازم يطلع من بيتو هاي الأيام
اففتت البيت أصلاً زهق ومش حاسين إنو صاير صغير علينا
اه اه .. بابا شو رح ناكل
هلأ الماما بتيجي بتطبخ بس اتأخرت عندها اجتماع مهم
بابا جبلنا أكل من الخارج
صاير أكل الماما بزهق دائماً بتعيد نفس الطبخات
اه مزبوط نفس الطبخات هلكتنا
بدكم اياني اطلع مرة ثانية... ولا يمكن!
اذا بدكم منروح مشي علي المطعم الي جنبنا
انا ولا يمكن اطلع بهاد الجو
ايش مالو الجو؟ منيح اليوم
بعمل لي حساسية وبزعجني كتير
يا سلام! طيب ما دام هيك ما في غذاء اليوم
اوكيه!
اي شو هالجيل هذا
مرحبا
اهلين يعطيكي العافية
اتأخرتي بالاجتماع، الأولاد جاعو شو صار معك؟
لو تشوف شو صار معي اليوم
حكا معي المدير بدو يشوفني بآخر الدوام
فأنا رحت كتبت إستقالتي
وقلت رح اتغذى فيه قبل ما يتعشى فيي
ولما يحكي لي انو انتهى عقدي ورح يجيبو بدالي
بقلو اصلاً انا مش مبسوطة
وانا علي شغل كثير ومضغوطة وأرمي له الاستقالة
اه هيك بدي اياكي! وشو صار؟
دخلت واعدت واحزر شو؟!
قعد المدير يمدح بشغلي وقديش بتحمل الضغط
و أعطاني ورقة ترفيع وزيادة على الراتب
عنجد؟! الف الف مبروك
شو رأيك نطلع نحتفل
الدنيا برة كثير أزمة وسالي متحسسة من الطقس
طب شو رأيك نعزم اهلنا؟
إحنا قررنا انو ما بدنا يدخلو بخصوصياتنا
طب وين الولاد اخبرهم؟
معطردين على اكلك وما بدهم يطلعو من غرفهم
معطردين على أكلي؟!
انت ملاحظ شو صاير فينا؟
كيف هيك صرنا كتير سلبيين؟
اظن اني أنا انعديت من سلبية نورة وعديتكم كلكم
معك حق، انا ملاحظ على حالي وعلى الولاد
صرنا نتأفأف ونعصب من كل شيء
ومش عاجبنا العجب
وأنا بعتذر
شو رأيك تروح تجيبلنا فول وحمص
وأنا برتب الطاولة على السطح ناكل غماس؟
وأنا هلأ رح ادخل واحكي مع الولاد
طيارة!!
الحياة فيها كتير أشياء حلوة
ما تسمحوا للسلبية تمنعكم تشوفوها
وحاولو تطلعوا على النص المليان من الكاسة
الإيجابية بتخلي الحياة ممتعة والعلاقات مريحة وبتطول العمر كمان
ديرو بالكم من السلبية من هالمرض المعدي، خلينا إيجابيين
