حياة عيلتنا: خلينا نساعد
سند، شو بتعمل؟
ششش، تعالي اسمعي
في أصوات بتخوف طالعة من بيت الجارة
شكلك كثير عم تحضر أفلام أكشن يا سيد سند
تعالي اسمعي انت يا ست سالي
شو هذا الصوت؟
آخ! الشنتة كثير ثقيلة
آآآآه
آه حبيبي، أنا هلا دخلت البيت
الولاد؟ لا لسا ما إجوا
إيه! هيهم هلا دخلوا
مرحبا ماما
أهلين ماما، آه شو كنت تقول؟
آه الجارة اللي تحت، شو مالها؟
آآه أوكي، طيب خلص خلص هلا بنزل وبشوف شو بتحتاج
ماشي، مع السلامة
ماما، مالها الجارة اللي تحت؟
الصبح طلبت من البابا مساعدة وكان متأخر عالشغل
بدها تعبي ورقة فطلب مني أنزل أساعدها
ماما قصدك الجارة اللي تحتنا؟
اللي بالضبط بالضبط تحتنا؟
آه الجارة أم خليل، شو في، شو مالكم؟ يلا تعالوا معي
يا ماما!
أهلا وسهلا بجيراني
مرحبا أم خليل، إنشاء الله ما أزعجناكي
إيجينا حتى نساعدك بتعباية الورقة اللي بتحتاجيها
الله يكثر خيركم، تفضلوا يا ميمتي
ارتاحوا خليني أجيب لكم شوية بسكوت
وأشياء زاكية للأولاد الحلوين
ما تغلبي حالك أم خليل
أنا وسالي وسند جايين عشان نساعدك
ما شاء الله عليهم، زي أحفادي، أنا مشتاقة لأحفادي كثير
استني شوي أجيب البسكوت وأضوي لكم الهواية
أكيد شوبانين
شكراً شكراً ما بدنا نغلبك
هذا الصوت اللي كنت تسمعه يا سيد سند
تفضلوا يا ميمتي
أنا متأسفة إني أزعجتكم، بس ما بحب أغلب حد
بس مثل ما بتعرفوا أنا ما إلي حد
ابني الوحيد خليل الله يرضى عليه
ساكن برة البلد هو وعائلته
بس إنتي على تواصل معه، صح؟
الله يخلي لي إياه هو ومرته وأولاده
بيحكوا معي كل يوم على النت
جابولي جهاز خصوصي عشان يضلوا يشوفوني
الله يرضى عليهم
الله يخليلك إياهم يا أم خليل
خليني أعبي لك الورقه
أول شئ، بدي الاسم وتاريخ الميلاد
تاريخ ميلادي...
سنة الثلجة ألف وتسعمية واشي
كيف حالكم؟ شو حبيبتي، قدرتي تساعدي أم خليل؟
شو هو الطلب اللي بدها تعبي؟
شكلها بدها تسافر عند ابنها
يا ريت، كان طلب التحاق مأوى عجزة
المسكينة ما لها حد هنا
معقول؟
بابا احنا كثير حبيناها، كثير طلعت لطيفة
خلينا نعزمها عنا
لهلا ما حكى خليل يعايد علي
هلا صارت عندهم ليل، معقول نسي؟
انشاء الله ما صار معهم شئ الله يحميهم
كل سنة وإنتي سالمة
سنة حلوة أم خليل، سنة حلوة أم خليل
سنة حلوة سنة حلوة
سنة حلوة أم خليل
يا ميمتي يا هلا يا هلا يا أهلا وسهلا فيكم
تفضلوا تفضلوا
بس إنتم كيف عرفتوا إنه اليوم عيد ميلادي؟
لما ماما كانت بتساعدك تعبي الطلب
أنا وسند لاحظنا تاريخ ميلادك
بس أنا لاحظته أول.!
وكمان
حكينا للماما والبابا إنه حابين نعمل لك حفلة
وهذا الطلب اللي عبيتيه، إنسيلنا إياه يا أم خليل
احنا كلنا ولادك
وقررنا احنا الجيران
إنه كل يوم رح يمر عليكي واحد منا يساعدك
ألو؟
ألو يما يا خليل، آه يا ميمتي
لا يا حبيبي مش سامعة التلفون برن
ولا يهمك يا حبيبي ولا تأخرت ولا شئ، هي ولادي عندي
إشي بسيط عملوا عائلة أبو سند غير حياتي
ولهلا كل الجيران بزوروني وبساعدوني، الله يرضى عليهم
وإنتو وعيلكم كمان بتقدروا تعملوا أشياء بسيطة
يكون لها تأثير إيجابي على الناس
واحنا حضرنالكم جدول فيه أفكار حلوة وبسيطة
نفرح فيها الناس اللي حوالينا
اكبسواعلى هذا الرابط عشان تقدروا تنزلوه
و ما تنسوا تعملولنا سبسكرايب
