حياة عيلتنا: خبي قرشك الأبيض
آخ يا إجري مش عارفة من وين بتيجيلك هيا الطاقة
شكراً ماما
يا الله هاي ما أحلاها
هدول رح تنهبل عليهم جود
يعطيكي العافية حبيبتي شكلك تعبانة كثير إنشاء الله توفقتوا بالمشتريات
الله يعافيك لفينا كثير المهم لقت سالي الكتب اللي حاببتهم وشرت أكم لبسة
بابا مش معقول! شوف! شوف الخيارات باللعبة الجديدة صحيح إنها غالية بس بتستاهل
أووف رهيبة! بظل ورا الإشي لحتى يجيبه
الله يخليلنا إياك يا أبو سند وتضلك ادللهم
ألو
مسا الخير أبو سند إنت اليوم روحت بكير راح عليك كثير
خير، شو في؟
شكلو قصة إعادة الهيكلة وتخفيض النفقات قلبت جد الله يستر
ليش شو صار؟
بلشوا بقسم المشتريات والدور جاي عالقسم عنا
إنشاء الله خير خلينا بكرا نشوف شو بصير
طمني شو صار؟
زي ما توقعت قعدت مع المدير وحكالي الوضع بالشركة مش مطمئن
الخبير الجديد بدو يعمل إعادة هيكلة وتخفيض نفقات لأنه ما في مشاريع جديدة
فقرروا يعطوني إجازة بدون راتب عبين ما تيجي مشاريع جديدة
إجازة بدون راتب؟ يعني لمتى؟
ما حدا بيعرف
ما في مشكلة حبيبي، ما يهمك، نشكر الله إنها إجازة
يعني بس تتحسن الأمور رح ترجع على شغلك
وهي أنا بشتغل وراتبي بكفي مصروف البيت
رح يتغير علينا أشياء كثيرة أنا لازم أدبر شغلة أعملها لحتى تخلص الإجازة
رنشاء الله خير، ما تقلق بس بدك نخبر الولاد؟
ما بدي يخافوا
خلص خليها علي أنا بحكي معهم على طريقتي
ماما في طلعة مع صحباتي بكرا وبدي أطلع معهم بليز
بكرا؟ لأ ما منقدر بكرا
طب بصير أعرف ليش؟ يعني ما في إشي صار كل شي لأ، بدي أطلع مع صحباتي "لأ"
بدي كرت لموبايلي "لأ"، بدي أطلع رحلة مدرسة "لأ"، كل شي "لأ لأ لأ"
ماما من زمان وأنا بقولكم بدي بوط جديد، متى رح تشتروا لي إياه؟
يا ولاد في إشي إنتوا لسا ما بتعرفوا عنه
شو في ماما؟
سالي، سند، إنتوا كبار وبتفهموا، الشركة اللي بيشتغل فيها البابا صار وضعها مش منيح
وأعطوا البابا إجازة بدون راتب عبين ما يتحسن الوضع
وإحنا لازم بهاي الفترة نتعاون مع بعض
ولا يهمك ماما خلص ما في داعي للمدرسة كلها أنا بدرس بالبيت
بلا هبل، أكيد ما رح تطلعوا من المدرسة
يعني قصدك خلص، ما في شوبينج ولا طلعات ولا جيات
ولا لعبة جديدة ولا بوط جديد
كمان لازم نوفر بالكهربا ما نخلي كلشي مضوا
نخفف أكل برا البيت ونقلل مصروف المدرسة
بدنا نفكر ونتساعد ونعيش باللي منقدر عليه
يعطيك العافية حبيبي، طمني، رح ترجع على الشغل؟
لسا الوضع مكركب، والمدير ما أعطاني لا حق ولا باطل
ولا يهمك إحنا أصلاً مدبرين حالنا
بابا أخذنا الشهادات، شوف قديش تحسنت علاماتي
وأنا بابا شوف الرياضيات ١٨ من ٢٠
برافو عليكم، خلص إنشاء الله رح أجيبلك أحلا لعبة يا سند، وإنتي يا سالي رح تطلعي شوبينج مع ماما
بس مش هلأ بدكم تستنوا شوي
بابا إحزر شو؟
شو؟
طلعت من خزانتي يمكن ٢٥ لعبة وحكيت لصحابي يشوفوا شو عندهم ألعاب
واتفقنا نصير نبدل مع بعض
يعني يمكن من هون لثلاث سنين ما رح أحتاج أشتري لعبة جديدة
وأنا اكتشفت إني بقدر أبدل كتب مع صحابي
وكمان طلع عندي كثير أواعي يعني ما في داعي للشوبينج
وبعدين صحباتي عمرهم ما انتبهوا على إشي جديد بلبسه، غريب صح؟
وبعدين بالنسبة لبوطي حابب أحكيلكم إنو ولا يمكن أغيره
اكتشفن إنو هاد أسرع بوط بشتريه بحياتي، شوفوا ما أسرعه
أنا فخور فيكم إحنا لازم نتصرف بطريقة حكيمة بالمصاري اللي معنا دايماً، مش بس بهالفترة
وعبين ما الله يفرجها، أنا قررت أعمل الإشي اللي طول عمري بحب أعمله
إمم، اشي إلو دخل بالرياضيات؟
رح أعطي دروس خصوصي بالرياضيات
أنا متأكد إنك رح تبدع
طيب هيك خلصت الحلقة خلينا نوفر شوي بالكهربا
سالي نسيتي تقولي اكبسوا هون عشان تعملوا سبسكرايب
آه صح، إذا بتحبوا تعملوا لنا سبسكرايب إكبسوا هون
وين هون؟
مش عارفة
