رأس السنة المصرية القديمة 6259
وبت رنبت نفرت
وبت رنبت نفرت يعني بالهيروغليفي
كل سنة و انتم طيبيين
او سنة سعيدة
زي ما بنحتفل برأس السنة الميلادية
او رأس السنة الهجرية اللي هي السنة العربية
الفراعنة قبلهم هما اول ناس احتفلوا
برأس السنة المصرية القديمة
و رأس السنة المصرية القديمة كانت
بتعود من قبل عصر الأسرة الاولي
يعني احنا السنة دي بنكمل سنة 6259 أنتم متخيلين الحضارة !!! اننا بنحتفل برأس السنة
بسنة جديدة
من 6259
سنة
الفراعنة علشان كانوا مهتمين جدا جدا
بالزراعة و كانوا مسميين مصر كيمت
اي الارض الكاملة او
اللي فيها كل شيء او الجنة
لان ارض مصر كانت بتحتوي علي
الشمس .. القمر .. الماء
النيل .. الجو.. الحصاد
الحياة .. الموت ... البعث .. الخلود
كل الأمور دي كان المصري القديم
مهتم بيها .. المصري القديم
قدر انه يخلي السنة
يقسم السنة
الي 12 شهر كانت الأشهر
مختلفة ... الأشهر عبارة عن
راجعة اساميها لألهة
كل شهر متقسم ل 3 أسابيع
الشهر 30 يوم اه لكن في
الدولة المصرية القديمة
في عهد الدولة الفرعونية كان الشهر متقسم
ل 30 يوم و كل 10 أيام
بيمثلوا أسبوع ... اول شهر عندنا هو شهر
توت
و هو راجع من ( تهوب )
اللي كان إله العلم و كانوا الفراعنة
بيحتفلوا بالعيد ده و حتي يومنا هذا أخواتنا و حبايبنا الأقباط المسيحيين بيحتفلوا بيه اللي هو يوم
عيد النيروز ... تاني شهر عندنا
هو شهر ( بابه ) و راجع الأصل الفرعوني
او في اللغة الهيروغليفية الي
( بي ثب وت ) و هو اله الزراعة
لان في الوقت ده كانت الارض كلها بتغطي
بالمحاصيل الزراعية
تالت شهر هو شهر ( هاتور )
و هاتور راجع الي الهة الجمال
و الحب و العطاء
لان الأرض في الوقت ده أصبح اننا بدأنا
المزروعات في الشهر اللي فات و في هاتور يتتزين
الارض كلها بالجمال
اللي موجود علي أرض مصر القديمة
رايع شهر هو شهر ( كيهك)
و كيهك راجع الي ( كا ها كا )
باللغة الهيروغليفية و هو اله
العطاء
او الثور المقدس
خامس شهر عندنا و هو شهر الأمطار و المعروف
شهر ( طوبة ) و طوبة راجع من اللغة الهيروغليفية
الي
( طوبيا )
و طوبيا هو اله الأمطار
و من اسمه اشتق اسم
الفراعنة سموا اسم طيبة
طوبيا ... طيبة ... سادس شهر
شهر ( امشير ) و راجع الي
الي الإله ( مخير ) و مخير
هو اله العواصف ... معروفة
جعابيب مخير يعني عواصف امشير
سابع شهر عندنا هو شهر
( برمهات ) و برمهات راجع الي
( بامونت ) بالمونت باللغة الهيروغليفية
يعني الحرارة و الدفء
و هنا بتنضج ثمار الزرع
و بتبتدي تبان بشاير الخير في الشهر ده
ثامن شهر هو شهر ( برمودة )
و برمودة راجع ليوم عيد الحصاد
او عيد جني المحصود اللي هو في اللغة
الهيروغليفية اسمه
( رنودة )
و هو عيد حصاد الزرع
تاسع شهر عندنا هو شهر ( باشنس )
و باشنس راجع في اللغة الهيروغليفية
الي الاله ( باخنس ) اللي هو اله الظلام
و هما بيعتقدوا انه في الشهر ده
بيمشي الظلام و بتكون مدة النهار أطول من مدة الليل عاشر شهر هو شهر ( بؤونة ) و بؤونة راجع الي
( با اوني ) بالهيروغليفي اللي هو
اله المعادن و بيكون سبب في
ان الأحجار و المعادن بتستوي
في الشهر ده حتي بيسموه بؤونة الحجر
باللهجة العامية ....( هوبا )
( هوبا ) بالهيروغليفي يعني أبيب بالقبطي و ابيب هو شهر 11 و هوبا يعني فرحة السماء و الفراعنة
ان ( اوديس ) ( اله الشمس )
انتقم الي ابوه ( أوزريس )
من ( ايفون) عدوه اللدود
( هوبا ) هو شهر ابيب اللي هو الشهر ال 11
الشهر ال 12 و الأخير هو شهر ( مسري)
و هو مشتق من ( مسو رع)
و هو الشهر اللي ولادة الاله ( رع)
كده إحنا اتكلمنا عن ال 12 شهر .... مصر
هي ( كيمت ) هي الارض الفاضلة .. هي
الارض الكاملة... المصريين القدماء
هما اول من عملوا التقويم
و كل سنة و المصريين طيبيين
و كل سنة و شعوب الارض كلها
بكل مختلف دياناتها... بكل مختلف الوانها
بكل مختلف شعوبها بخير و طيبيين
و أتمني يكون الفيديو عجبكم ... و ماتنسوش
تشتركوا بالقناة .. و تدوسوا لايك و شير
و أشوفكم علي خير
سلام عليكم
