Egyptian Postal Services - خدمات البريد المصري

خدمات البريد المصري

النشاط الأول:

- أنا بصرف المعاش من البوسطة.

- عايز أبعت حوالة بريدية لماما.

- الطرد ده فين؟

- عايز أعمل شيك بريدي

- عايز طوابع حكومية.

النشاط التاني: المحادثة الأولى:

الزبون: ممكن أبعت الطرد ده للأردن؟

موظفة البريد: طبعا ممكن، عايزُه عادي، ولا سريع.

الزبون: عادي، لو سمحتي. هياخد كام يوم عشان يوصل هناك؟

موظفة البريد: من خمس لسبع أيام، الحساب أربعين جنيه.

الزبون: إتفضلى الفلوس.

موظفة البريد: إتفضل الإيصال، مع السلامة.

النشاط التالت: المحادثة التانية:

موظفة البريد: رقم إتنين، أي خدمة؟

الزبون: لو سمحتي عايز أعمل شيك بريدي.

موظفة البريد: بكام؟

الزبون: بمية وعشرين جنيه.

موظفة البريد: إيه اسم الهيئة الحكومية؟

الزبون: المنطقة التعليمية بالجيزة.

موظفة البريد: عايز طوابع مهن تعليمية؟

الزبون: أيوه، من فضلك.

موظفة البريد: بكام؟

الزبون: بأربعة جنيه.

موظفة البريد: إتفضل، يبقى الحساب كله ميه خمسة وعشرين جنيه لوسمحت.

الزبون: إتفضلي، شكرا جزيلا.

النشاط الرابع: المحادثة التالتة:

موظفة البريد: أي خدمة؟

الزبون: عايز أصرف معاشي لو سمحتي.

موظفة البريد: ممكن أشوف البطاقة ودفتر معاشك لو سمحت؟

الزبون: طبعا إتفضلي .

موظفة البريد: إتفضل فلوسك. في أي خدمة تانية؟

الزبون: عايز أبعت حوالة بريدية.

موظفة البريد: دولية ولا محلية؟

الزبون: محلية.

موظفة البريد: لأي مكتب بريد؟

الزبون: لمكتب بريد سوهاج.

موظفة البريد: لو سمحت إملى الإستمارة دي، إكتب هنا الإسم الرباعي للمرسل إليه، وقيمة المبلغ المحول.

الزبون: إتفضلي.

موظفة البريد: الإسم سامية رياض تامر شرف، والمبلغ خمسمية جنيه!

الزبون: مظبوط.

موظفة البريد: الحساب، خمسمية وواحد جنيه، وخمسين قرش.

الزبون: إتفضلي.

موظفة البريد: إتفضل الإيصال، مع السلامة.

النشاط الخامس: المحادثة الرابعة:

موظفة البريد: أي خدمة؟

الزبون: عايز أبعت الطرد ده لكندا وعايز أعمل حوالة بريدية.

موظفة البريد: عايز تبعت الطرد في البريد العادي، ولا في البريد السريع؟

الزبون: في البريد السريع، لوسمحتي.

موظفة البريد:عايز تبعت الحوالة محلي ولا دولي.

الزبون: دولي من فضلك.

موظفة البريد: لأي مكتب بريد؟

الزبون: مكتب بريد عمان، الأردن.

موظفة البريد: عايز تعمل الحوالة بكام؟

الزبون: بخُمسُمية دينار أردني.

موظفة البريد: أي خدمة تانية؟

الزبون: لئه، شكرا.

موظفة البريد: مع السلامة.

الزبون: مع السلامة.