A First Year High School Student

أنس: مرحبا سلام. سلام: اهلين. أنس: إحكيلي شو بتقري بالمدرسة؟ سلام: أنا بالصف الأول ثانوي العلمي، يعني في كثير مواد منها احياء، فيزياء، كيمياء، رياضيات. في أشي سهل وفي إشي صعب. يعني عهوى المادة، فمادة الفيزياء مثلا صعبة كثير، يعني قليل البنات إلِّي بمشّوا فيها، مادة الرياضيا هاي الفصل سهلة شوي، يعني إمشيين فيها مليح. وفي مادة العربي سهلة، ومادة الإنجليزي سهلة. يعني إمشيين فيهن. ماشي الحال. أنس: طيب يا سلام قوليلي، كيف اليوم العادي عندك، يعني لما بتصحي الصبح، لما بتروحي من المدرسة، شو الشغلات إلِّي بتساويها؟ سلام: بنصحا الصبح، بنغير، بنفطر أمرار، أمرار بنفطرش يعني على هوى الوضع، بنروح بنغير، بنلبس أواعي المدرسة، بنروح على المدرسة، مظعم..يعني أغلب الأيام عنا ستة حصص، بنروح على الساعة وحدة ونص، يعني كل يوم بيختلف عن الثاني طبعا. بنروح على الساعة وحدة ونص، بنتغدى، بنصلي، بنبلش ندرس، بعديد يعني أمرار بنّام بدري، أذا كان عنا ثاني يوم دراسة، امرار بنّام متأخرين. وبنصحى ثاني يوم تقريبا يعني، بنروح على المدرسة، وبنرد نرجع نقرا... أنس: طيب سلام الوظايف إلِّي بعطينك إياها المعلمات، والأمتحانات إلِّي بعطينك إياها المعلمات، شو طبيعتها؟ يعني كيف الوظايف وكيف الإمتحانات؟ سلام: يعني الوظائف،الواجبات البيتية، يعني أغلب الأمرار بتكون يعني مجرد حل مسائل أو أسئلة أو نجيب انشطة خارجية إما الانترنت أو من وسائل خارجية أو من المكتبة أو يعني بنحل واجبات وهيك. أما الامتحانات، إنو بتكون بعينولنا إياها قبل بأسبوع، عشان يعني نحضر نفسنا إلها، بتكون إمتحانات ..يعني تقريبا الإمتحانات النهائية يعني بتكون بدها وقت وبدها دراسة، أم الإمتحانات اليومية يعني بستغرقش وقت وبتكون سهلة. أنس: طيب يا سلام شو أكثر بتحبيه في المدرسة؟ سلام: أكثر مادة بحب الرياضة، بحب مادة الرياضيات. أنس: طيب مثلا ليش يعني بتحب الرياضيات، يعني شو السبب أنو بتحبي الرياضيات؟ سلام: لأنو الرياضيات بدها يعني أنو نفكر، وبدنا نشغل عقلنا، بنا يعني نعمل أشياء. وبالإضافة إلى انو مادة الرياضة برضوا يعني بنشغل جسمنا، بنحرك عضلاتنا. أنس: طيب سلام شو أكثر إشي بتحبيهوش عن المدرسة؟ سلام: مادة الفيزياء. أنس: ليش بتحبيش مادة الفيزياء؟ سلام: لأنو مادة بتعقد. يعني أنو صعب نفهمها وصعب..يعني بنحاول بنحاول نفهمها، بس يعني مهما نحاول بظلّها صعبة بالنسبة إلنا. فيعني صعبة مادة الفيزياء. أنس: طيب شو أكثر إشي يعني تعلمتيه من جديد وأعجبك كثير، يعني شغله بقت مميزة بالنسبة إلك، يعني تعلمتيها في المدرسة؟ سلام: مادة التكنولوجيا عنا مادة جديدة وحلوه كثير يعني بعرفونا على الكمبيوتر، أسياسيات الكمبيوتر، مواد جديدة بالكمبيوتر. يعني أول سنة بدرّسوها، بما أنو منهاج جديد، فمادة يعني إستمتعنا فيها شوي لأنو إشي جديد بنتعرف عليه، يعني أول سنه بنتعرف عليها هاي المادة. أنس: طيب شو أصعب إشي. أصعب موضوع جديد تعلمتيه، يعني صعب صعب، بقى يعني..بغض النظر بأني مادة يعني بقى صعب عليكي تفهميه، موضوع معين يعني؟ سلام: هي برضوا بمادة التكنولوجيا عِنَّا موضوع قواعد البيانات، إنو موضوع صعب، وأنو بدو طلاب جامعة يفهموه وهيك. يعني حاطين إلنا إياه على أساس مادة قصير، وهي مادة بتحتاج إنو شرح اكثر من هيك. فلذلك يعني صعب أنو استوعبناها. انس: طيب سلام إنتي لما تروحي على المدرسة وبتروحي، شو الشغلات تساويها لَمَا تنامي؟ سلام: اول إشي يعني بصلّي، وببلش..يعني أول إشي..يعني بتفرج أمرار على التلفزيون، بعدين بروح ببلش أقرأ. بس بقرى، بقرى لحد أنو أزهق من الدراسة، بروح يا إما بخرف مع اهلي، بوكل، بتفرج على التفزيون، وبعدين برجع إذا كان على قراي ومخلصتهاش برجع أقرى، وبنام أغلب الأمرار بدري.