Lesson 5 Palestinian Arabic
A: يا يوسف، تعال لهون!
B: شو فيه، يا بابا؟
A: روح، جيب الدكتور منشان أختك.
B: شو؟ هيّ مريضة؟
A: لا، مش مريضة، بس مش مبسوطة شوي. روح قوام لعند الدكتور،قول لدكتور: تعال لعندنا (عنّا) مريم مش مبسوطة
B: طيّب
A: وين الدكتور؟
B: هايّو
A: تفضل يا سيّد إلياس، فوت! كيف حالك؟
B: الحمدلله، كيف حالك أنت؟ وكيف حال بنتك؟
A: يعني، تعال شوف أنت، وقول لي كيف حالها
B: وينها؟
A: هون، في الأوضة تفضّل فوت!
A: يا مريم، تعالي! روحي جيبي كرسي مشان إمّك
B: وين الجريدة؟
A: عالكرسي؟
B: لا، يمكن عالطاولة
A: لا عالكرسي ولا عالطاولة
B: ماعليش
A: بدك أجيب جريدة من عند الجيران؟
B: أيوى، هاي فكرة كويسة.
A: بدي أروح إسّة(هلّق) أجيبلك هالجريدة
B: لا، بلاش ما تروح إسّة، بتروح بعدَين
A: امبلى، بَروح إسّة
B: (بدّه يروح إسّة عشان بدّه يشوف أولاد الجيران) طيّب روح، بس قوام!
