Moroccan Arabic - آكرا
آكرا (ب توي: نكران - ب داݣباني: آنكارا - ب ݣا: ݣا ولا ݣاݣا) هي لعاصيمة ديال غانا و أكبر مدينة فيها.
تيسكنو فيها شويا كتر من 2،5 مليون د الناس، و تقريبا 5 د لمليون د الناس إلا جمعناها مع النواحي ديالها.
لمدينة جات ف لجنوب لغربي د لبلاد وتاطّل على لمحيط لأطلسي.
فيها لأغلبية ديال لأنشطة لإقتصادية ديال لبلاد بحال لمالية و لإتصالات و الصناعة و لبني و لمركوب و الصيد.
اللغة اللي كاتهضر ف لمنطقة د آكرا هي اللغة د ݣا،
و لكن ماعندها تا وضع رسمي. اللغة الرسمية ف آكرا هي نفسها اللغة الرسمية ف لبلاد كاملة، و هي لينݣليزية.
آكرا فيها مطار دولي (لمطار د كوطوكا) و هو أكبر مطار ف غانا، و لمطار الدولي لوحيد فيها (كيتخدّم للطيارات لمدنية و لعسكرية).
