رحلة الى وادي رم.
الزوج : اليوم أئريت عالنترنت عن رحلة تخييم في وادي رم. شو رايك نروح هناك لعطلة هالسنة؟
الزوجة : هادي فكرة كتير حلوة. ايش لازم نوخد معنا؟
الزوج : لازم نشتري خيمة كبيرة وسليبنج باغز، وبنوخد معنا مخدات وحرامات ولوكسات.
الزوجة : وايش كمان؟
الزوج : لازم نوخد كبريت عشان نعمل نار.
الزوجة : شو لازم نوخد اكل؟
الزوج : بالنسبة للاكل بنوخد لحمة وبنعمل كباب وبنشوي عالنار وبنوخذ كمان خبز ومعلبات كتيرة .
الزوجة : واي مشروبات بدنا نوخد؟
الزوج : بنوخد مية كتير ومشروبات غازية وقهوة وشاي.
الزوجة : شو ممكن نسوي ونحنا هناك عشان نستكشف المنطقة؟
الزوج : بنستأجر سيارة دفع رباعي وبنوخد دليل عشان بعرف الطريق في الصحرا.
الزوجة : وايش كمان؟
الزوج : بنقدر نركب عالجمل لمدة سعتين عشان نتعرف على المنطقة.
الزوجة : وبالنسبة للمشي؟
الزوج : اه. طبعاً بنقدر نمشي مسافات طويلة ولما بنشوف بدو بنقعد معهم وبنشرب فنجان قهوة او شاي.
الزوجة : وايش ممكن نعمل عشان نتعرف عالبدو اكتر؟
الزوج : البدو بعملو استعراض لعرس بدوي بنحضرو وبنستمتع بالموسيقى البدوية.
الزوجة : شو حلو.
الزوج : وبعد العرس بنوكل عشا بدوي تقليدي. عادة بشو اللحمة على نار طبيعية وبطبخو زرب.
الزوجة : في عندك كمان أفكار؟
الزوج : اة طبعاً. ازا بتحبي بنحضر عرض لبالونات الهوا. الزوجة : فكرة ممتازة.
الزوج : وعندي فكرة رومانسية. الزوجة : شو هية؟
الزوج : بنتفرج على غروب الشمس بلونها الاحمر البوخد العئل. الزوجة : شو حلو. يللا نروح نخييم.
