التعامل مع الطعام
الكل سمع في الفترة الاخيرة عن حالات تسمم كثيرة واللي سببت بوفاة بنت زغيرة عمرها ثلث سنين وكثير من الناس خاصة الكبار بالسن لساتهم بالمستشفيات تحت العلاج المكثف وحالة بعضهم خطيرة؛ عشان هيك رح نخصص اجتماعنا اليوم عن هذا المرض اللي ممكن بكل بساطة نتجنبه اذا اتبعنا الطرق الصحيحة باعداد الاكل والمثل المشهور بقول درهم وقاية خير من قنطار علاج من فضلكو اسألوني اسئلة بتشغل بالكو. من فضلكو اسألوني اسئلة بتشغل بالكو.
- شو سبب التسمم الغذائي؟
- بحدث نتيجة تناول طعام ملوث بالبكتيريا.
- شو هي اعراض هذا المرض؟
- اعراض هذا المرض هي : استفراغ؛ غثنيان اسهال؛ مغص حاد؛ حماوة وكريزة.
- وينتة بتظهر هاي الاعراض؟
- بتظهر هاي الاعراض بين ساعتين وثمانية وأربعين ساعة من تناول الاكل وهذا بعتمد عانوع التسمم.
- كيف ممكن نعرف انو هاي الاعراض هي نتيجة التسمم الغذائي؟
- اذا إنصاب اكثر من شخص بالبيت فجأة بهاي الاعراض خاصة اذا أكلوا بنفس المطعم.
- كيف ممكن نتجنب هذا المرض؟
- النظافة الخصية مهمة جداً؛ غستلوا ايديكو منيح بالمية والصابون لمدة عشرين ثانية قبل ما تحضروا الأكل وخلال تحضير الأكل وقبل تناول الاكل. حافظوا عانظافة كل شي وعقموا محل تحضير الأكل وكل الادوات اللي بتستعملوها بتحضير الاكل.
تأكدوا انو جميع انواع اللحوم انطبخت منيح فوق درجة حرارة واحد وسبعين درجة منوية وحطوا بقية الأكل بالثلاجة بعد ساعتين من طبخو.
تأكدوا من نظافة المية واذا كان عندكو اي شك بنظافة المية فلازم تغلوا المية لمدة خمس دقايق وتبردوها وبعدين تستعملوها.
احكوا لأولادكو مايشتروش اكل من البياعين المتجولين لأنو اكلهم في معظم الاحيان مكشوف ومعرض للحشرات.
