Lyrics from Favorite Classical Artists

الرجل: الأغاني إلي أنا بسمعها هي الأغاني القديمة، مش الأغاني الجديدة، لأن الأغاني الجديده، بجميع المقاييس أغاني هبطت كثيرا باللغة والألحان، هبطت من كل المقاييس.إن أنا أحب أسمع أم كلثوم، وأحبلها أغاني معينه، زي أغنية أنساك، هجرتك، ألف ليله وليله. الف ليله وليله دي يعني جميله جدا....بتقول فيها...استني أفتكر طيب...يا حبيبي النجوم في السما والليل وقمره وإنتا وأنا يا حبيبي أنا والهوا آه منو الهوى سهران الهوى يسقينا الهوى ونقول للهوى يا حبيبي يلا نعيش في عيون الليل ونقول الشمس تعالي تعالي بعد سنه مش قبل سنه دي ليله حب حلوه بالف ليله وليله بكل العمر هو العمر آيه غير ليله. وعبد الحليم...عبد الحليم ليه أغاني جميلة جدا زي بتلوموني ليه زي خسارة زي سواح،ليه أغاني جميله جدا وليه أغنية بقول فيها: يا صحابي يا أهلي يا جيراني أنا عايز أخدكوا في أحضاني...لأن هو فعلاً كان بيحب مصر. أحب وديع الصافي وغنى لمصر عظيمة يا مصر يا أرض النعم. وديع الصافي داه مش مصري، لبناني. مصر وسوريا كانوا في وقت من الاوقات بلد واحده، مصر وسوريا كانوا في وقت من الأوقات بلد واحده، كان اسمها الجمهورية العربية المتحدة. وسوريا ولبنان يعتبروا دوله واحده من قديم، علاقتهم مع بعض قويه جدا، يكادوا أن يكونوا بلدا واحدا. فوديع الصافي وفريد الأطرش وشاديه ، فريد الأطرش هو أصله سوري إنما برضه جيه مصر لأن مصر من زمان جدا بلد الفن، بلد الجمال، بلد الحضارة، حضارة 7000 سنه. بس الأغاني إلي بسمعها هي الأغاني القديمه، مبسمعش أغاني جديده، الاغاني القديمه دي بحس فيها بالفن والكلمات والألحان وأحس فيها بكل شيء جميل، على عكس الأغاني الجديدة إلي فعلا هبطت بالمستوى الفني