الفصل الخامس وعشرين - الدرس التاني - حوار ١
المذيع : القاهرة اتعرّضت انت حسيتي ب … زلزال امبارح ؟
المذيعة: الحمد لله ما حسيتش، يمكن كان يوم الجمعة ده يوم عائلي عند المصريين، بعض منهم بيخرجوا، لإن الجو كمان كان مختلف وحار، فكتير خرجوا للشوارع فيمكن ده قلال كتير من احساس... المصريين بالهزة الأرضية. لكن انت حَسيت بيها بقى ؟
المذيع: بس ده ما يمنعش إن القاهرة اتعرّضت هي والساحل الشمالي امبارح لهزة أرضية بقوة 5.8 بمقياس ريختر، مركز الهزة كان شرق جزيرة كريت اليونانية، وما تسبابش في أي خسائر في مصر، واستمر حوالي عشرين ثانية بس، حس بيها سكان المناطق الشمالية بالقاهرة والساحل الشمالي. المعهد القومي للبحوث الفلكية والجيوفيزيقية قال، إن محطات الشبكة القومية لرصد الزلزل بالمعهد ،عددهم حوالي 78 محطة، رصدت هذا الزلزال الساعة تلاتة وتسعة وعشرين دقيقة بالظبط .
