My Life - Lesson 6

مرحبا وأهلا وسهلا فيكم بحلقة جديدة من اللغة العربية إللي بنحكيها. أنا أماني واليوم رح أشاركم وحدة من تجاربي برة البلد. كنت بأول العشرينات لما نقلت على كندا, ومرة كنت بالقطار راكبة جنب سِتّ صغيرة. كنت زهقانة وبس كان نفسي أرجع على بيتي هداك اليوم. وأنا وهاي السِّت ما حكينا ولا كلمة مع بعض, بس بعد شوية وقت وقف القطار وبلشنا نتسائل شوفي. وطلع القطار موقف على إشارة ضوئية عشان يخلي السيارات تمر. وبعديها بلشنا ندردش وبطلنا حاسين بالزهق. ونزلنا من القطار بنفس المحطة بس كل وحدة فينا راحت من طريق. وبعد أسبوع, بلشت أروح على دورة المساء وكان أول حصة لإلي وكنت منرفزة شوي. وكمان كنت خايفة شوي لإنو كل إشي كان جديد وغريب علي. وفي القاعة التقيت كمان مرة بالست اللي شفتها بالقطار, وكنت كتير متفاجئة ومبسوطة لما شفتها. ورجتني وين صفنا, لإنو كان أول يوم لإلي وما كنت عارفة طريقي لسه. وكنا نشوف بعض بالاستراحات ونشرب فنجان قهوة. وصرنا صاحبات ولهلأ بنتواصل عن طريق الإيميل أكتر إشي.