حياة عيلتنا: النت مش للبنات
زبط معك ؟؟
لا لسى
جربي هلا
زبط زبط
وأخيرا
شو بعملوا هدول البنات على هالصبح
ومين هذه اللي معهم!!
انا بدي اشترك
صرلهم يومين معلنين عن الدورة
وخايفة ما يضل لي محل
خدي دورة ما في مشكلة
بس خدي اشي يفيدك بالمستقبل
دورة طبيخ ..تجميل.. صلصال
بعدين يابا ما احنا كل يوم بنسمع قصص
عن مخاطر النت والكمبيوتر عليكم
أي احنا ناقصنا
بس انا بحب البرمجة!!
وبابا حتى لو بدي اتعلم طبيخ وتجميل وصلصال
كل شي هالايام بده انترنت
ولازم نفهم بالتكنولوجيا
وعفكرة بحتاج جهاز كمبيوتر كمان!
كمان جهاز كمبيوتر
لاااا كيف يعني
انا طلبت جهاز قبلك
وتبعي أصلاً سماعاته خربت وبدي واحد جديد
انا شايفة انه البرمجة مش مناسبة للبنات
شو !! انا لحالي مش مكفيني النت
دورة البرمجة هذا بدها نت
وانا كل يوم عندي من الساعة ٥-٧ دوري قدم
أونلاين مع الشباب
يا سلام
يعني انا ما اسجل بالدورة عشان انت حضرتك بدك تلعب
أكيد لا
بس يا ولاد
انا اكثر من هيك باقات نت ما بقدر اوفر
خلص دبروا حالكم
بس انتو وعدتوني العب هذا الدوري
سالي ماما
انت ركزي هاي السنة على الدراسة وبس
اذا مصرة تشتركي
خلصي كل شغل الكمبيوتر بالمدرسة
ما بدي تضيعي وقتك بالبيت
يا الله كنت عارفة انه هيك رح يصير زي دايماً
هذول البنات مش قلال
ابصر لشو عم بخططوا
وليش بضلوا يجوا هون
أنا شايفته هذا المشهد بشي فيلم
أخ منهم بس هالبنات
معقول رح يسرقوا البنك؟
شو، ايش بدها المديرة منك؟
طلع عندي خطأ بجرد المستودع كمان مرة
ليروحوا يشكّوا فيك يا أبو يزن!
لا، يشكوا فيي؟
لا أبداً ولو
قالتلي المديرة انه احنا واثقين فيك كثير
بس يعني ما بزبط يكون في اخطاء
وقالتلي معك لاخر الشهر تزبط وضعك
تزبط وضعك !!
شو قصدها؟
ما تقلقي
اديش صرله ابو يزن معهم بالشركة!
ما رح يقدروا يستغنوا عنه
بس كمان همة بدهم شغلهم يكون مزبوط
حقهم، والا لأ
اكيد اكيد
بس ابو يزن شاطر بدبر حاله
أوفف
بعدين معه هالرقم هاد
بضله يبعتلي مسجات مزعجة
أي خلص حل عني!!
شو هالزناخة هاي!!
شو في شو صاير معك؟
لا لا انسي ولا اشي..!!
هاي ناس فاضية أشغال
شو بدي اسألك ام سند
انت عم توخدي معك سالي شي على البنك هاليومين
سالي؟
لا ليش اخدها معي ؟؟
لا هيك .. بس عم بسأل
غريب!
شو رمز تحقق وما رمز تحقق!
شو هاد؟
اشربوا اشربوا قهوتكم قبل ما تبرد
شو عم تعمل؟
قلت اجلي هالجليات..
ما علي اشي
يسلمو ايديك حبيبي
انا داخلة اريح شوي
عصام!!!!
معقول يا ام سند
وانا بقول عنك بتلقطيها على الطاير
شفتي هذه قلة الانتباه هيك بتسوي
حتى الرقم السري بطل زابط!
بس انا ما غيرته!!
على اساس مسؤولة بالبنك وكذا
معقول هيك يصير معك
شكلك بتفرودي مسجات من ارقام غريبة
مسجات!!
بس انا ما اجاني مسجات من ارقام غريبة
ستنى شوي
بس اجالي مسج منك
مني ؟؟
الحقي يا ام سند
اتهكرنا احنا الاثنين
سنننند
سند الحقنا يابا
احنا الاثنين اتهركنا شو نعمل
روحوا عند سالي
هي ام البرمجة والحلول
يلا يلا باسي باسي!!
مش هييييييك يا زلمة!!
صراحة
ما بصدق انكم فرودتوا المسجات
كيف؟
ابوك السبب
معقول ما فكرتي
"ان ابعث لك رسالة باللغة العربية الفصيحة"
صحيح عمرك ما عملتها !!
خلص هيك الوضع تمام
هيني بلغت عن الهاكر
لوحدة الجرائم الالكترونية
ولازم نستنى شوي حتى نحط رقم سري جديد
ماما أحسن تحطي عالسوشال ميديا تبعك
انو تلفونك تهكر
عشان ما يصير الهاكر يبعت لصحابك
يطلب منهم مصاري مثلاً
يسعدها سلسولة!! يسعدها
two step verificationوعملتلكم
يعني تحقق باتجاهين لتدخلوا أكاونتكم
مشان ما ترجع هاي المشكلة تصير مرة ثانية
يابا من وين بتعرفي كل هذا انا مش فاهم
ألو مرحبا
حضرتك سيد مدير البنك؟
آه نعم نعم الموضوع خطير خطير جداً
بس سؤال
انتوا بتعطوا جوائز لكشف مؤامرات سطو على بنككم
شو مالك ليش هالقد قلقان ؟
لسى معك وقت تزبط الشغل
شو!معي وقت
اليوم الشركة منزلين اعلان قال ايش
مطلوب خريجين جدد بفهموا بالشغل
على الكمبيوتر للعمل في المخازن
شو!!!
هدول شكلهم رح يستغنوا عن خدماتك!!
رنا ... هون بندخل كل الارقام
مش معقولة انت بيسان !!
كيف حلتيها ..رهيبة
ضل انا ازبط المعادلة وبتكمل الخطة
خطة شو يا سالي !!
قلتلكم
قلتلكم صرلي شهر براقب فيهم
وعندي صور واثباتات كمان
دقيقة يا مدام ليلى
لولو ناديني مدام لولو
لطفاً
انتو شو بتعملوا هون يا صبايا
احنا...احنا
يلا قولي بسرعة اشوف
احنا عم نتعلم كودينغ بالمدرسة
وعم نشبك على الانترنت المجاني تبع البنك
عشان نكمل شغلنا!
وبالبيت ما عم بطلعلنا دور نشبك عليه!
اشوف شو عم تعملوا
احنا عم بنصمم تطبيق
بس هلا عم نعمل برنامج بسيط
بحسب كمية البضاعة الموجودة في مستودع
عشان شغل البابا
وبطلّع تقرير يومي
وشكلنا هلا قدرنا نعمل تقرير شهري وسنوي كمان
شكله المكافئة مش الك يا مدام ليلى
المكافئة لهدول الصبايا اللي عم بستخدموا وقتهم صح
علوم الكمبيوتر هي المستقبل
وانا من جهتي، رح اعطيكم اشتراك انترنت مجاني
بس ببيوتكم عشان تشتغلوا براحتكم وفي مكان آمن
ياااي عنجد شكراً
سالي
بما انك شاطرة بالكمبيوتر والتليفونات
والنت وهالقصص
شوفيلي هالرقم
هذا بضله يبعتلي مسجات مزعجة كثير
سهلة! بنعمله بلوك
وبتعرفي انه بتقدري تشكيه لوِحدة الجرائم الالكترونية
وما تخافي آنتي
اذا احتجتي أي مساعدة من حدا مختص
في كمان تطبيق اسمه آمالي نزليه على موبايلك
انا عندي إياه كمان بيسان حكتلي عنه
هيك بنصير نعرف اديش عندنا بضاعة بالمخزن في اي وقت
وبكبسة وحدة
ومش محتاجين الورقة والقلم
هذا هو الحكي الصحيح
واخيرا يا ابو يزن عملتها
بس مين اللي ساعدك؟
بصراحة هذه بنتي
بنتي وصحباتها شاطرين كثير بشغل الكمبيوتر
صدقني يا أبو يزن لازم بناتنا يتعلموا التكنولوجيا
والكمبيوتر من وهم صغار
عشان بالمستقبل يكون عندهم وظائف محرزة
ويبدعوا
ما أنا هذا اللي طول عمري بحكيه
ترى رنا بنتي طول عمري بدعمها بهالمجال
بتعرف عصام اني فخورة كتير بسالي وصاحباتها
معك حق
مبدعات
بكفي أنقذوا شغل أبو يزن
انتي ناسية قديش ساعدونا وقت الحجر
انضل عتواصل عالنت مع العيلة
معك حق
مش بس هيك
البنات لما يتعلموا عالكمبيوتر والتكنولوجيا صح
ويستخدموا النت بسهولة
رح يقدروا يوصلوا لمعلومات مهمة وفرص بتفيدهم
بصيروا يعرفوا كيف يحموا حالهم
ويساعدوا غيرهم كمان
لو تشوف كيف ساعدوا ام انصاف اليوم
لو تشوف قديش كانت مبسوطة
