Dinner - عشا

عشا

المحادثة الأولى: النشاط الأول:

هاني: نهلة أنا عايز أعزم بسام ومراته جمانة، على العشا بُكره.

نهلة: طبعا يا هاني يشرفوا، همَّ جم إمتى من لبنان؟

هاني : بس إمبارح، هيقعدوا أسبوع في مصر.

النشاط الثاني:

- في إيه للعشا؟

- في كُشري مصري مع الصلصة الحمية.

- الحلو إيه؟

- لُقمة القاضي بسكر البودرا.

- ليلى نباتية، بس أنا وأحمد بنحب اللحوم.

- ماجد، جرب الحمَام المحشي ده.

- حلوة أوي الفتة دي.

- العيش والرُز واللحمة ريحتهم بِتجنن.

المحادثة التانية: النشاط التالت:

نهلة: أهلا وسهلا، إتفضلوا، شرفتونا.

جمانة: شكرا يا نهلة، وحشتينا ووحشنا أكلِك المصري الحلو.

نهلة: مرسي يا حبيبتي، وإنتي كمان وحشتيني ياجمانة، أنا عملتلك أكل مصري هتكلي صوابعك وراه!

جمانة: إنتي عارفة أنا نباتية!

نهلة: طبعا عارفة، عشان كده أنا عملتلك كشري مصري، إحنا لسه بنتكلم، يلا على أُوضة السُفرة.

المحادثة التالتة: النشاط الرابع:

جمانة: يا نهلة ده أكل كتير أوي.

هاني: الكشري ده ليكي يا جمانة، بس أنا وبسام بنحب اللحوم.

نهلة: إتفضلوا يا جماعة، البيت بيتكُم، أنا مابعرفش أعزم.

هاني: بسام جرب الحمَام المحشي ده، نهلة بتعمله حلو أوي.

بسام: الأكل كله حلو، ... مممم حلوة أوي الفتة دي ريحية التوم والخل فيها تحفة.

نهلة: بالهنا والشفا.

المحادثة الرابعة:

هاني: إتفضلوا في الأنتريه عشان ناخد الشاي مع الحلو.

جمانة: مم ، لقمة القاضي مع الشربات والقرفة بتجنن.

بسام: والشاي كمان مظبوط، تسلم إيديكي يا نهلة.

نهلة: شكرا، دحنا اللي حصلتلينا البركة.

المحادثة الخامسة: النشاط الخامس:

أصحابك: شكرا يا سامي على عزومة العشا.

سامي: أهلا وسهلا، شرفتوني.

أصحابك: عملتلنا إيه للعشا؟

سامي: أنا عملتلكم أكل مصري هتكلوا صوابِعكُم وراه.

أصحابك: ده أكل كتير أوي يا سامي.

سامي: البيت بيتكُم، أنا مابعرفش أعزم.

أصحابك: مم، الكُشري ده تُحفة.

سامي: بالهنا والشفا.

أصحابك: الأكل كله حلو، تسلم إيديك يا سامي.

سامي: دنا اللي حصلتلي البركة.