Umm Kulthum

المرأة: أم كلثوم تعتبر يعني زي الأهرامات، شخصية أثرت في حياة المصريين، وفي حياة مصر وفي حياة الوطن العربي كلو. أغانيها كانت كلها أغاني شعراء كبار جدا إلي كتبوها، وإلي لحنوها ملحنيين كبار أوي. وأم كلثوم ماتت من سنين طويلة بس ما زالت لغاية النهار داه أغانيها طبعا كل الناس بتحب تسمعها لأنها بتسمع شعر جميل، أحاسيس حقيقية صادقة، كلمات حب جميلة جدا...

المرأة خلف الكاميرا: ممكن تديني مثل.

المرأة: مثلا أغنية أنتا عمري، فكروني، أنا بنبسط جدا لما بسمعلها أغاني...أم كلثوم سافرت العالم كلوا، غنت على أكبر مسارح العالم. غنت في باريس مثلا في الأوليمبيا. تعتبر سفيرة من أكبر السفيرات المصريات إلي قدموا أو كانوا صورة جميلة أو مشرفة لمصر...

المرأة خلف الكاميرا: في أي وقت...في أي...

المرأة: في وقتها طبعا، لأن مصر عدت في أوقات، كان في أزمات جامدة، كان في حروب. وهي إنسانة ساعدت ناس كثير وعملت مشاريع خيرية كتير جدا، وأثرت في حياة المصريين بطريقة مباشرة وغير مباشرة، لدرحة إنها لغاية النهار داه، أي حد يسمعلها أغنية بيسمعها بكل أحاسيسوه، بينبسط لما بيسمع كلام حلو، كلام جميل، ولحن حلو، صوت كمان طبعا.