003 Sagunti vastatio

Saguntī vastātiō

Post prīmum bellum Pūnicum Poenī in Hispāniam nāvigant, parātī terram magnam et pulchram et frūgiferam expugnāre.

Post excidium nōnnūllōrum oppidōrum parvōrum Saguntum oppugnant, oppidum nātūrā et mūrīs firmum. Saguntīnī frētī dīs et causā iūstā diū fortiter pugnant. Tandem Poenī per ruīnam mūrī in oppidum intrant. Misera est fortūna oppidānōrum: magnum numerum Poenī gladiīs obtruncant; nē puerōs tenerōs quidem et fēminās imbēcillās cōnservant. Exempla:

Vulgus indoctum lūdī magnopere dēlectant.

Aegyptus admodum fēcunda est. Cyprus multīs et pulchrīs oppidīs clāra est. Corinthus, oppidum magnum et opulentum, inter Peloponnēsum et Atticam sita est. Humus Siciliae nōn minus fēcunda est quam Aegyptī. Umbra fāgōrum rāmōsārum agricolās fessōs recreat. In viīs magna cōpia prōcērārum pōpulōrum est. Cūnctīs cārus est locus, ubi nātī sunt. Multa loca Ītaliae nātūrā amoena sunt. Magnopere, Quīntilī Vāre, Augustus cōpiās suās dēsīderat.