بنتي بتروح عالمدرسة كل يوم ،
وهي بتحب المدرسة كتير ،
وكمان شاطرة بالدراسة .
المعلمات كتير بحبو بنتي ،
وفي عند بنتي كتير صاحبات ،
صديقة بنتي المفضلة اسما منى .
منى بتحب الرياضيات والعلوم .
بنتي بتحب الإنجليزي والتاريخ .
بنتي ومنى بساعدوا بعضن بالواجبات ،
و بيدرسوا مع بعض عشان يكونوا شاطرين بالمدرسة .
هاي هي نفس الئصة منئالة بطريئ مختلفه .
أنا بروح عالمدرسة كل يوم ،
وبحب المدرسة كتير،
وكمان شاطرة بالدراسة.
معلماتي كتير بحبوني ،
وفي عندي كتير صاحبات ،
صديقتي المفضلة اسما منى .
منى بتحب الرياضيات والعلوم .
أنا بحب الإنجليزي والتاريخ .
أنا ومنى بنساعد بعض بالواجبات ،
وبندرس مع بعض عشان نكون شاطرين بالمدرسة.
الأسئلة :
واحد :البنت بتروح عالمدرسة كل يوم .
بتروح البنت عالمدرسة كل يوم ؟
أي ،البنت بتروح عالمدرسة كل يوم .
اثنان :البنت بتحب المدرسة .
بتحب البنت المدرسة ؟
أي ،البنت بتحب المدرسة .
ثلاثة :البنت شاطرة بالمدرسة .
كسولة البنت بالمدرسة ؟
لأ ،البنت مش كسولة ،البنت شاطرة بالمدرسة .
أربعة :المعلمات بحبوا البنت .
بحبوا المعلمات البنت ؟
أي ،المعلمات بحبوا البنت .
خمسة :صديقة البنت المفضلة اسما منى .
شو اسم صديقة البنت المفضلة ،رزان ؟
لأ ،صديقة البنت المفضلة مش رزان ،اسم صديقتا المفضلة منى .
ستة: منى بتحب الرياضيات والعلوم.
بتحب منى الإنجليزي والتاريخ؟
لأ، منى بتحب الرياضيات والعلوم.
سبعة :البنت ومنى شاطرين بالمدرسة .
شاطرة البنت بالمدرسة ؟
أي ،البنت شاطرة بالمدرسة ،وصديقتها منى كمان .
