سامح كان متعود يصحى بدري يوم السبت .
كان متعود يبص برة عشان يشوف الجو .
في العادي ,الجو كان بيبقى لطيف و شمس .
ولما الجو كان كده, كان بيقرر يروح البحر.
البحر على بعد ساعة تقريبا بالعربية .
في كل مرة ،بيدور أول حاجة على بدلة السباحة .
في كل مرة بيبقى صعب يلاقي بدلة السباحة .
و غالبا سامح بيلاقي البدلة في الدولاب بتاعه .
ساعات على بال ما يجهز ,فجأة الجو بيقلب ويغيم .
و بيتمنى انه يروح البحر تاني يوم .
ودي نفس القصة بيحكيها سامح بنفسه :
أنا بصحى بدري يوم السبت .
أنا متعود أبص برة عشان أشوف الجو .
في العادي الجو كان بيبقى لطيف و شمس .
ولما الجو بيبقى كده, غالبا بقرر أروح البحر.
البحر على بعد ساعة تقريبا بالعربية .
في كل مرة ,أول حاجة بدور عليها هي بدلة السباحة .
و في كل مرة بيبقى صعب الاقي بدلة السباحة .
غالبا بلاقيها جوة دولابي .
ساعات علي بال ما اجهز, الجو فجأة بيقلب ويغيم.
و بتمنى اروح البحر تاني يوم .
الأسئلة :
دلوقتي فيه شوية أسئلة .حاول تجاوب عليها ،أو اسمع الاجابات .
واحد :سامح متعود يصحى بدري يوم السبت .
هو سامح متعود يصحى متأخر يوم السبت ؟
لأ ،سامح متعود يصحى بدري يوم السبت .
اتنين :سامح بيبص برة عشان يتأكد من الجو .
سامح بيعمل ايه عشان يتأكد من الجو ؟
سامح بيبص برة عشان يتأكد من الجو .
تلاتة :الجو كان لطيف و شمس .
هو الجو كان شمس ؟
أيوة، الجو غالبًا لطيف وشمس.
أربعة: سامح غالبا بيقرر يروح البحر.
سامح قرر يعمل ايه؟
سامح قرر يروح البحر.
خمسة: البحر كان على بعد ساعة تقريبا بالعربية.
البحر كان فين ؟
البحر كان على بعد ساعة تقريبا بالعربية .
ستة :سامح الأول بيدور على بدلة السباحة بتاعته .
ايه اول حاجة سامح بيدور عليها ؟
سامح الأول بيدور على بدلة السباحة بتاعته .
سبعة :هو غالبا بيبقى مش عارف يلاقي بدلة السباحة بتاعته .
هو سامح بيلاقي بدلة السباحة بسهولة ؟
لأ ,هو غالبا بيبقى مش عارف يلاقي بدلة السباحة بتاعته .
تمانية :عادة سامح بيلاقي بدلة السباحة بتاعته في الدولاب .
سامح في الاخر بيلاقي بدلة السباحة بتاعته فين ؟
عادة سامح بيلاقي بدلة السباحة بتاعته في الدولاب .
تسعة :ساعات الجو بيقلب ويغيم .
هو الجو دايما بيبقى لطيف وشمس ؟
لأ ،الجو مش دايما لطيف وشمس .
ساعات الجو بيقلب ويغيم .
عشرة :سامح بيتمنى يروح البحر بكرة .
سامح نفسه يروح البحر امتى ؟
سامح نفسه يروح البحر بكرة .
