سالي وجلال عايزين يشتروا بيت جديد عشان عيالهم الاتنين بيكبروا .
للأسف ،بقي صعب تجيب بيت جديد لأن تمن البيوت عمال يزيد أسرع من المرتبات .
عشان يقدروا يشتروا بيت جديد ,بقالهم سنين بيحوشوا فلوس .
لو عايزين يشتروا بيت عيلة لوحده ,هيبقى لازم يعيشوا بعيد عن المدينة .
ودي مسافة كبيرة بين البيت وبين شغلهم هما الاتنين .
هما بصوا عالشقق ,بس يا اما كانت صغيرة أوي , يا اما في مناطق ماعجبتهمش .
هما عارفين رغم انهم بيشتغلوا كتير ومش بيبعزقوا الفلوس وخلاص ,الا انهم مش عارفين يشتروا بيت يعجبهم .
هما في مرة فكروا يأجروا بيت ,بس نفسهم بجد يبقى عندهم بيت ملك .
في الاخر ,قرروا يعزلوا في مدينة أصغر .
هما كانوا حاسين انهم هيعيشوا حياة بسيطة هناك, وهيستمتعوا بحياة أسرية أحسن.
إحنا كنا عايزين نشتري بيت جديد عشان عيالنا الاتنين كبروا .
للأسف ،بقي صعب تجيب بيت جديد لأن تمن البيوت عمال يزيد أسرع من المرتبات .
عشان نقدر نشتري بيت جديد ,كان بقالنا سنين بنحوش فلوس .
لو كنا عايزين نشتري بيت عيلة لوحده ,كان هيبقى لازم نعيش بعيد عن المدينة
ودي مسافة كبيرة بين البيت وبين شغلنا احنا الاتنين .
احنا بصينا عالشقق, بس يا اما كانت صغيرة أوي, يا اما في مناطق ماعجبتناش.
احنا كنا عارفين رغم اننا كنا بنشتغل كتير ومكناش بنبعزق الفلوس وخلاص , الا اننا مكناش عارفين نشتري بيت يعجبنا .
احنا في مرة فكرنا نأجر بيت ,بس كان نفسنا بجد يبقى عندنا بيت ملك .
في الاخر ,قررنا نعزل في مدينة أصغر .
كنا حاسين اننا هنعيش حياة بسيطة هناك, وهنستمتع بحياة أسرية أحسن.
هقرا كام سؤال عن القصة دلوقتي :
واحد: سالي وجلال عايزين يشتروا بيت جديد عشان عيالهم الاتنين بيكبروا.
سالي وجلال عايزين يشتروا بيت جديد ليه ؟
سالي وجلال عايزين يشتروا بيت جديد عشان عيالهم الاتنين بيكبروا .
اتنين :هما بقالهم سنين بيحوشوا فلوس .
بقالهم قد ايه بيحوشوا فلوس ؟
بقالهم سنين بيحوشوا فلوس .
تلاتة :لو عايزين يشتروا بيت عيلة لوحده ,هيبقى لازم يعيشوا بعيد عن المدينة .
ايه اللي هيحصل لو هما عايزين يشتروا بيت عيلة لوحده ؟
هيبقى لازم يعيشوا بعيد عن المدينة .
أربعة :هما بصوا عالشقق ,بس يا اما كانت صغيرة أوي , يا اما في مناطق ماعجبتهمش .
الشقق اللي بصوا عليها ماعجبتهمش ليه ؟
يا اما كانت صغيرة أوي, يا اما في مناطق ماعجبتهمش.
خمسة :إحنا كنا عايزين نشتري بيت جديد عشان عيالنا الاتنين كبروا .
احنا كنا عايزين نعمل ايه ؟
انتو كنتوا عايزين تشتروا بيت جديد عشان عيالكم الاتنين كبروا .
ستة: احنا في مرة فكرنا نأجر بيت.
احنا في مرة فكرنا في ايه؟
انتو في مرة فكرتوا تأجروا بيت .
سبعة :بس كان نفسنا بجد يبقى عندنا بيت ملك .
احنا كان نفسنا في ايه ؟
كان نفسكم بجد يبقى عندكم بيت ملك .
تمانية :في الاخر ,قررنا نعزل في مدينة أصغر .
في الاخر قررنا نعمل ايه ؟
قررتوا تعزلوا في مدينة أصغر .
