時裝 The World of Fashion (2Dialogues )

呢 頂 帽 嘅 設計 唔 錯 ，顏色 又 好 ：可惜 太 貴 嘞 ！

小姐 ，試 吓 呢 頂 喇 ：係 最新 運 到 㗎 。

我 唔 鍾 意 佢 嘅 質地 ， 我 覺得 太 硬 嘞 ， 戴 起 嚟 好 唔 舒服 。

小姐 ，再 試 吓 呢 兩 頂 啦 。 佢哋 都 唔 錯 㗎 。

係 ，佢哋 都 唔 錯 ，但係 呢 兩 頂 帽 都 係 舊年 嘅 款式 ，你哋 仲 有 冇 啲 新款 嘅 呀 ？ 。。。咦 ！ 呢 頂 唔 錯 啵 ，又 新款 又 大方 。 等 我 試 吓 ！

真 係 好 靚 ！

你 都 話 靚 吖 ！ 唔 知 要 幾多 錢 呢 ？

九 百 五十 蚊 。

佢 都 冇 價錢牌 ，你 點知 呀 ？

小姐 ，你 戴住 嘅 帽 正 係 我 嘅 ！

太太 ，今晚 我哋 參加 嘅 時裝 展覽 酒會 你 一定 覺得 好 開心 嘞 。

唔係 啵 ！ 啱啱 相反 ，我 覺得 好 唔開心 。

唔係 丫 ：我 睇見 你 坐 喺 梳化椅 處 ，唔停 咁 同 張太太 ，何太太 ，王小姐 佢哋 傾偈 。 你 仲 大聲 讚 王 小姐 件 衫裙 好 靚 ，又 讚 張 太太 件 外套 嘅 款式 好 新 。

我 係 被迫 要 唔 停 咁 大聲 傾偈 啫 ，實在 我 唔 想 㗎 。

點解 呢 ？

因為 我 著 嗰 套 衫裙 嘅 顏色 同 花樣 ，同 啲 梳化椅 嘅 布料 一樣 。 我 坐 喺 梳化椅 處 ，如果 唔 講 嘢 ，有 人 經過 以為 有 一 張 空 椅 ，想 坐 落嚟 添 ！