9.4 Pagbabasa - Cubao

Taong 1967, at nag-aaral ako ng kindergarten sa Stella Maris College. Nasa Cubao ang eskuwelahan ko. Malaki ang eskuwelahan ko, at maganda at malinis ang Cubao. Nakasuot kaming mga estudyante ng puting blusa na may “sailor collar” at asul na palda. May maliit na simbahan sa loob ng eskuwelahan namin.

Malapit sa eskuwelahan namin ang maraming tindahan at restawran. Bumibili kami ng school supplies sa Vasquez at ng sapatos sa Gregg's, kumakain ng siopao at mami sa restawrang Ma Mon Luk, at ng manok sa Kobe chicken; at nanonood ng sine sa sinehang New Frontier.

Sa Pasko, nanonood kami ng Christmas display sa C.O.D Department store at ng “Holiday on Ice” sa Araneta Coliseum. Madumi at maingay na ngayon ang Cubao, pero iba ang Cubao na naaalala ko.