今日 講 劉璋 見 馬超 帶 兵 嚟到 ，威脅 佢 要 立即 投降 ，嚇到 劉璋 當堂 暈咗 喺 地 嚟 。
左右啲 官員 手忙腳亂 救返醒 佢 。
劉璋 話 喇 ： 啊 ， 啊 ， 哎 我 真 係 蠢 咯 ， 唉 我 都 悔之無及 咯 ， 哎 ， 不如 開門 投降 ， 救返 全城 百姓 罷啦 。
董和 就 勸 佢 話 喇 ：主公 呀 ，而家 益州 城 內 仲 有 三萬 幾 兵 ，錢財 糧草 足足 可以 支持 一年 ，點解 要 投降 呢 ？
哎 ，我 父子 喺 西蜀 三十多年 ，對 老百姓 冇 做過 咩 嘢 好事 。
吖 打咗 三年 仗 ，死傷 咁 多人 ，都係 我 嘅 罪過 啊 ，我個心 ，點得 安樂 吖 。
不如 投降 ，等 老百姓 ，唔使 受苦 好過 咯 。
大家 聽見 劉璋 噉 講 啊 忍唔住 都 流起 眼淚 嚟 。
呢個 時候 ，有 個人 行 出嚟 話 喇 ：主公 呢番 說話 正合 天意 呀 。
大家 一 睇 ，原來 講說話 嘅 係 譙周 。
譙 周別字 允南 啊 ，佢 啊 素來 識得 睇 天文 嘅 。
劉璋 就 問 佢 天意 點 啊噉 。
譙周話 ：我 晚上 觀察過 天象 ，見到 群星 聚集 於 蜀郡 ，其中 有 粒 大星 ，光 如 明月 ，但係 帝王 之 象 啊 。
誒 ，誒噉點呢 ？
況且 ，喺 一年 之前 ，有 一首 童謠 噉樣 話 ：
若果 吃 新飯 ，須 待 先主 來 。
呢個 係 預兆 嚟啊 ，天道 唔能夠 逆 㗎 。
嘿呀 黃權 同 劉巴 ，聽 譙 周 講 啲 噉 嘢 就 嬲 到 不得了 ，當堂 發起 火 嚟 想 殺 咗 佢 。
劉璋 就 攔住 佢哋 ，唔準 佢哋 亂嚟 。
正喺度亂晒龍嘅時候 ，有報告嚟 話 嘞 蜀郡 太守 許靖 呀 ，已經 擒 墻 出去 投降 喇噉 。
唉 ，大勢 已去 咯 ，大勢 已去 咯 ！
劉璋 放聲 大哭 ，𡃀𡃀聲噉 喊住 返 住宅 。
第日 ，啲 人 嚟 報告 話 劉皇叔 派 佢 嘅 幕賓 簡雍 喺 城外 叫 門 。
劉璋 話 開門 接佢 入嚟 啦 。
簡雍 好得戚 啊 ，坐 喺 架 車 處 ，左顧右盼 神氣 非常 。
突然間 有 個人 ，掹出 把 劍 大聲 噉 喝佢 話 ：
小人 得志 旁若無人 ！你 敢 藐視 我哋 西蜀人 係 嘛 ？
簡雍 慌忙 落車 向 佢 行禮 ，請教 佢 嘅 姓名 。
原來 呢個 人 係 廣漢 綿竹 人 ，姓 秦 名 宓 ，字 子敕 。
簡雍話喇 ：哈哈 ，唔認得 賢兄 ，請你 原諒 。
噉 簡雍 就 同 佢 一齊 入去 見 劉璋 。
講清楚 劉備 嘅 為人 ，寬宏大量 ，一啲 都 冇 傷害 嘅 意思 。
於是 劉璋 決心 投降 嘞 ，留 簡雍 喺度 過夜 ，好好 噉 款待 佢 。
第日 ，劉璋 親自 捧住 大印 、證件 ，同 簡雍 坐埋 一部 車 出城 投降 。
劉備啊 出到 營寨 外 便 迎接 。
劉備 好 激動 啊 ，佢 流住 眼淚 揸住 劉璋 隻 手 話 ：
唔係 我 不仁不義 ，乃係 迫於 時勢 不得已 先至 噉做 咋 。
佢 請 劉璋 入去 中軍帳 ，交過咗 大印 同 證件 ，然後 呢 ，一拍噉 騎住 馬 入 城 。
劉備 進入 成都 呀 ，啊 ，巴閉 咯 。
老百姓 點起 晒 燈燭 ，擺起 香花 夾道 歡迎 。
噉劉備嚟到辦公大廳 ，升堂坐落 ，郡裏便所有嘅官員啊 都喺大廳叩頭行禮 ，參拜劉備 。
哈 ，唯獨 黃權 同 劉巴 兩個 呀 閂埋 屋企 大門 根本 唔 嚟 噃 。
劉備 手下 啲 將官 個個 都 嬲 啊 ，都 話 要 去 殺咗 佢哋 。
劉備 慌忙 傳令 落去 話 ：如果 有人 傷害 呢 兩個 ，就 滅 佢 三族 ！
第日 ，劉備 親自 登門 ，請 佢哋 兩位 出嚟 做官 。
噉佢 兩個 畀 劉備 呢種 誠懇 嘅 態度 感動咗 ，終歸 應承 出嚟 做事 嘞 。
過咗 冇 幾耐 ，孔明 對 劉備 建議 話 ：
主公 ，而家 西川 已經 平定 ，唔應該 有 兩個 主人 啊 。
請 主公 你 將 劉璋 送去 荊州 啦 。
噉呀 ，誒 我 剛剛 得到 蜀郡 ，一下 就 送 劉璋 去到 咁 遠 ，唔好嘅 。
主公 ，劉璋 之所以 喪失 基業 ，皆因 佢 太過 軟弱 啫 。
主公 你 如果 以 婦人之仁 ，做事 冇 決斷 呀 ，恐怕 呢個 地方 ，亦 難住 得 長久 㗎 。
噉誒 ，好啦 。
劉備 接受 咗 孔明 嘅 意見 ，擇 咗 個 日子 ，大排筵席 同 劉璋 餞行 。
請 劉璋 收拾好 自己 嘅 財物 ，領 振威 將軍 嘅 大印 ，帶齊 妻子 兒女 、奴僕 ，搬去 南郡 公安 居住 就 即日起 行 。
劉備啊 接管咗 西川 ，就 冇 經過 朝廷 嘅 任命 ，自己 噉 就 接受咗 益州牧 嘅 職務 嘞 。
對 歸降 過 嚟 嘅 文武 官員 呢 都 重重 賞賜 ， 封 佢 哋 官爵 。
點 封法 呢 ？ 嚴顏 做 前 將軍 ， 法正 做 蜀 郡 太守 ， 董和 做長 軍 中郎將 ， 許靖 做 左 將軍 長 使 ， 龐義做 營中 司馬 ， 劉巴 做 左 將軍 ， 黃權 做右 將軍 。
其餘 好似 吳懿 、費觀 、彭羕 、卓膺 、李嚴 、吳蘭 、雷銅 、李恢 、張翼 、秦宓 、譙周 、呂義 ，霍峻 、鄧芝 、楊洪 、周群 、費禕 、費詩 、孟達 等 總共 六十幾人 ，全部 都 加以 提拔 任用 。
噉 又 封 諸葛亮 做 軍師 ，關雲長 做 蕩寇將軍 、漢壽亭侯 ，張飛 做 征虜將軍 、新亭侯 。
趙雲 做 鎮遠 將軍 ， 黃忠 做 征西 將軍 ， 魏延 做 揚武 將軍 ， 馬超 做 平西 將軍 。
孫乾 、簡雍 、糜竺 、糜芳 、劉封 、吳班 、關平 、周倉 、廖化 、馬良 、馬謖 、蔣琬 、伊籍 ，及 往日 荊州 、襄陽 嗰 一班 文武 官員 個個 都有 升 有 賞 。
而且呢 ，仲派咗 一名 特使 ，帶住 黃金 五百斤 、白銀 一千斤 、錢 五千萬 、蜀錦 一千匹 ，送去 荊州 賞賜 畀 關雲長 。
至於 其他 嘅 文武 官員 ，都 按照 等級 給予 不同 嘅 賞賜 。
又 殺 牛 劏 馬 ，舉行 盛大 嘅 勞軍 盛會 ，同時 又 開 倉 賑濟 百姓 。
噉 一嚟 呀 ，軍民 個個 都 心情 歡暢 啊 更加 擁護 劉備 嘞 。
當時 劉備 本來 想將 成都 嗰 啲 好 嘅 有名 嘅 田宅 地產 啊 ， 要 嚟 賞賜 畀 啲 有功 嘅 官員 嘅 。
趙雲 就 勸 佢 話 喇 ：主公 ，益州 人民 經歷過 多次 兵災 ，田宅 都 荒廢 嘞 。
當前 ，正 應該 歸還 畀 百姓 等 佢哋 安居樂業 ，噉 民眾 先至 心服 㗎 。
如果 夾硬 將 啲 田宅 充 咗 公 ，攞 嚟 賞賜 畀 啲 功臣 就 唔 適宜 喇 。
啊！ 趙雲 就 諗得到 啊 ！
作為 一個 軍人 ，有 噉樣 嘅 愛民 嘅 見解 就 更加 難得 喇 你哋 話 係咪 呢 ？
噉啊劉備好高興噉接受咗佢嘅意見 。
同時啊 ，仲 叫 諸葛軍師 制定 治國 條例 ，條例 議 咗 出嚟 之後 ，刑法 呢 就 幾 重 嘅 。
法正啊 同 孔明 話 喇 ：從前 ，高祖 攻下 咗 秦國 嘅 首都 咸陽 之後 ，同 民眾 約法 三章 ，將 秦國 其餘 嘅 苛刻 法例 都 廢除 晒 ，噉 啲 黎民百姓 都 對 高祖 感恩戴德 。
所以 ，好 希望 軍師 寬刑 省法 ，令到 民眾 滿意 啊 。
孔明 話 喇 ：先生 ，你 只 知 其一 不知 其二 啊 。
當初 ，秦朝 以 法治國 非常 暴虐 ，搞到 百姓 怨聲載道 。
故此 ，高祖 用 仁政 得 民心 ，但 現在 劉璋 就 不同了
但係 而家 劉璋 呢 就 唔同 嘞 喎 ，劉璋 太過 軟弱 。
佢 統治 西川 咁 多年 ，做唔出 好嘅 成績 。
法紀 鬆弛 搞到 君臣 之道 漸漸 都 唔 能夠 維持 ，上下 都 不思 振作 。
對下屬 一味 用 官爵地位 ，用 種種 好處 嚟 籠絡 人心 ，唔得 嘅 。
當 地位 好處 一下 唔 能夠 滿足 佢 哋 ， 佢 哋 就 變心 嘞 。
所以 劉璋 終歸 弊病 叢生 ，搞到 失敗 ，原因 就 喺 呢處 嚟 。
我 而家 呢 ，實行 嚴正 嘅 法律 ，使到 大家 有所 畏懼 。
有賞有罰 ，賞罰分明 ，大家 就 知道 恩德 。
爵位 要 嚴加 限制 ，一旦 升官 進爵 ，佢哋 就 覺得 榮耀 嘞 。
總之 ，恩榮 並濟 ，上下 有節 ，呢個 就係 治國 之道 喇 。
法正 服晒 孔明 啊 。
嗱 大家 話 啦 ，孔明 呢 一套 使得 唔 使得 ，係 使得㗎 。
自從 實施 孔明 制定 嘅 法例 之後 呢 ，西川 嘅 軍民 就 十分 安定 ，秩序 照常 ，一啲 都 冇 發生過 變亂 。
同時 對 四十一州 嘅 地區 ，都 分兵 去 佔領 駐扎 就 全部 平定 。
呢啲呢 ，就 唔多講 喇 。
噉 啊講 下 嗰 位 法 正 啊 ， 佢 係 做 咗 蜀 郡 太守 吖 。
哈凡 係 平時 邊個 對 佢 有 過 啲 多 好處 嘅 ，佢 都 報答 返 ，噉 呢點 係 好吖 係嘛 ？
但係噉喎 ，凡係 平時 邊個 對佢 有過 多少 對唔住 嘅 呢 ，佢 就 嚟 報復 喇 。
嘿 ， 真 係 唔 覺意 踩親 下 佢 隻 腳趾 ， 佢 都 要 兜 返 你 一腳 嘅 ， 記性 又 好 噃 冇 件 漏 嚹 嘅 。
有啲人 睇唔過眼 ，就 走去 講畀 孔明 知 話 ：孝直 個人 太過份 喇 ，應該 話下 佢 至 得 啊 。
孔明話 ：從前 ，主公 困守 荊州 ，北便 就 怕 曹操 ，東便 就 怕 孫權 ，全靠 孝直 幫 佢 手 先至 有 今日 。
而家 ，孝直 佢 想 順住 自己 嘅 意思 做啲嘢 ，又 何必 制止 佢 呢 ？
因此 孔明 啊並 冇 過問 過法 正 嘅 事 。
噉 收尾法 正 聽講 咯 ，對 自己 嘅 所作所為 亦 有所 收斂 約束 。
有一日 ，劉備 同 孔明 喺度 傾緊 閒計 。
關平 奉 佢 父親 關雲長 嘅 命令 啊 ，喺 荊州 嚟到 答謝 劉備 嘅 賞賜 。
關平 拜見咗 佢 大伯父 呈上 書信 嘞 佢 話 ：
父親 聽講 馬超 武藝 過人 ，想 嚟 西川 同 佢 比賽 一下 ，分 個 高低 ，叫 侄兒 稟告 伯父 知道 。
哎呀 ，如果 雲長 嚟 西川 同 孟起 比武 ，噉 就 會 搞到 勢不兩立 嘞 噃 。
孔明 話 喇 ：哈哈哈 ，唔 要緊 嘅 ，等 我 寫 封 信 回覆 佢 啦 。
劉備 真係 怕 關雲長 性急 ，話嚟就嚟 ，嘿嚟到 就 難做咯 。
佢 叫 孔明 快啲 寫好 回信 ，交畀 關平 ，打發 佢 盡快 趕返去 荊州 。
關平 返到去 ，關雲長 就 問 佢 話嘞 ：
我要 入 西川 同 馬超 比武 嘅 事 ，你 同 大伯父 講 咗 冇 啊 ？
講咗喇 ，軍師 有 封信 畀 父親 你 啊 。
關雲長 接過 信 打開嚟 睇 ，裡頭 話 ：我 聽講 將軍 要 嚟 同 孟起 比武 ，分 個 高低 。
我諗 ，孟起 雖然 係 武藝 高強 啊 ，不過 係 一員 猛將 啫 ，佢 可以 同 翼德 並駕齊驅 ，奮勇爭先 。
但係 佢 點 都 及唔上 美髯公 你 嘅 絕倫 超群 嘅 。
現時 將軍 受 主公 嘅 委託 ，守衛 荊州 ，責任 不可謂 不重 啊 。
倘若 一 入 西川 ，萬一 荊州 有 失 ，罪過 就 大咯 ，請 將軍 考慮 。
關雲長 看完 信 ，劣下劣下 把 長鬍子
哈哈哈哈哈哈哈 ，孔明 真係 了解 我 啊 。
佢 仲 將 封信 畀 佢 啲 賓客 睇 ，噉樣 呢 ，就 打消 咗 入 西川 嘅 意思 嘞 。
而家 講返 下 東吳 孫權 啊 。
孫權 知道咗 劉備 已經 併吞咗 西川 ，將 劉璋 趕咗 去 公安 住 ，就 搵 張昭 同 顧雍 嚟 商量 喇 ，佢 話 ：
哼 ！當初 劉備 借 我 荊州 嘅 時候 ，講過 話 攞咗 西川 就 還 荊州 畀 我 。
而家 佢 已經 得咗 西川 四十一州 嘞 ，我哋 就 應該 問 佢 攞返 荊州 各 郡 咯 喎 。
如果 佢 唔肯 還 ，就要 起兵 打 佢 㗎喇 。
張昭話 喇 ： 主公 啊 ， 我 哋 東吳 而家 啱 啱 至 得到 安寧 就 不宜 動兵 喇 。
我 有 一條 計策 ，可以 使到 劉備 將 荊州 雙手 送還 畀 主公 嘅 。
哦 ？點呢 ？
劉備 所 依靠 嘅 係 諸葛亮 啫 嘛 ，而家 佢 嘅 大哥 諸葛瑾 啊 就 喺 我哋 東吳 做 官 啦 。
我哋 就 將 諸葛瑾 嘅 一家老少 拘留 起嚟 ，叫 諸葛瑾 去 西川 見 諸葛亮 ，要 佢 勸 劉備 交還 荊州 。
話 如果 唔 還 呢 ，就 連累 我 一家 老少 㗎 喇 噉 。
諸葛亮 念在 同胞 手足 嘅 情分 ，必定 會 應承 嘅 。
你 說 噉 好唔好 吖 ？主公 。
好就好啊 ，之 諸葛瑾 係 個 誠實 君子 ，我 又 點 忍心 拘留 佢 嘅 家人 呢 ？
噉好易做啫 ，話明 佢 聽不過 係 計策 唧 ，又唔係 真正 捉起嚟 坐監 嘅 噉 佢 就 放心 啦 嘛 。
孫權 就 聽 張昭 噉 話 ， 叫 咗 諸葛瑾 一家 老少 嚟 ， 收埋 喺 自己 嘅 府 內 。
然後 寫咗 封信 交畀 諸葛瑾 ，叫佢 帶 去 西川 。
諸葛瑾 長途跋涉 ，去到 成都 ，首先 啊 使 個人 去 報告 劉備 。
劉備 就 問 孔明 喇 ：令兄 咁 遠 嚟到 ，係 咩嘢 事 啊 ？
哦 ，嚟攞 荊州 啫 。
噉點樣 回覆 佢 好 呢 ？
主公 ，你 如此如此 啦 ，噉 就 得㗎喇 。
商量好之後 ，孔明 就 出去 城外 迎接 諸葛瑾 。
接到之後呢 ，唔返去 自己嘅 住宅 ，而係 直頭 送到 賓館 ，見過 禮 ，諸葛瑾 就 放聲 大哭 。
孔明 話 喇 ：兄長 你 有事 即管 講 啦 ，點解 要 喊 得 咁 淒涼 呢 ？
唉 我 一家老小 ，呢趟 呀 冇 命 咯 。
啊 我 知道 嘞 ，實係 為咗 唔 還 荊州 嘅 事 係 唔 係 呢 ？
哎 為咗 小弟 嘅 緣故 連累 兄長 嘅 一家 大細 ，小弟 個 心 好 不安 啊 。
兄長 你 不必 憂慮 嘅 ，小弟 自然 有 辦法 歸還 荊州 就係 嘞 。
諸葛瑾 啊 當堂 歡喜 返 ，即刻 同 孔明 一齊 去 見 劉備 ，呈上 孫權 嘅 書信 。
劉備 睇完 信 就 嬲 起上嚟 話 ：
孫權 將個 妹嫁 咗 畀 我 ， 又 趁 我 唔 喺 荊州 嘅 時候 ， 偷偷地 接返 個妹 扯 真 係 情理難容 啊 。
我 正係 要 出動 大軍 殺去 江南 ，嚟 出 我 呢啖 氣 呢 ，佢 仲 想 嚟 攞返 荊州 添 呀 。
孔明 喊住 跪喺 地下 嚟 話 喇 ：
吳侯 拉咗 我 兄長 一家 老小 去 坐監 ，如果 唔 還返 荊州 ，我 兄長 就 會 全家 被 斬 㗎 喇 。
兄長 一 死 ，我 又 點 能 偷生 人世 吖 ？
希望 主公 睇在 我 嘅 份上 ，將 荊州 還畀 東吳 ，顧全 我 兄弟 之情 啦 。
劉備 硬係 唔肯 應承 。
孔明 一味 喊住 噉 猛 咁 𠼮 ，𠼮得多 喇 ，劉備 慢條斯理 噉 話 ：
既然噉樣 ，睇在 軍師 面上 分 一半 荊州 嚟 還 啦 。
誒 將 長沙 、零陵 、桂陽 三個 郡 還 畀 佢 喇 。
孔明 話 ：噉啊 真係 多得 主公 咯 。
請 主公 寫 封 信 畀 雲長 ，叫 佢 交割 三個 郡 啦 。
劉備 話 ：可以 嘅 。
子瑜 你 去到 荊州 ，對 我 二弟 要 好好 講 至得 。
事關 我 二弟 性 如 烈火 ，我 都 怕 佢 幾分 㗎 ，你 務必 小心 在意 至好 啊 ！
諸葛瑾 攞到 封信 ，辭別 咗 劉備 、孔明 就 起程 趕路 直 去 荊州 。
到埗嘞 ，關雲長 請 佢 入去 中堂 。
賓主 彼此 見過 禮 ，諸葛瑾 攞出 劉備 封信 交畀 關雲長 嘞 佢 話 ：
關將軍 ，皇叔 應承 將 三個 郡 歸還 畀 東吳 先 ，請 將軍 即日 交割 ，等 我 好 返去 見 吳侯 啦 。
關雲長 霎時間 變咗 面色 ：我 同 我 兄長 桃園 結義 ，發誓 要 共同 匡扶 漢室 。
荊州 ，本來 係 大漢 嘅 疆土 ，點能夠 立亂 畀過 人 㗎 ？一尺一寸 都 唔得 ！
何況 將 在 外 ，君命 有 所 不受 。
雖然 兄長 有 信 嚟 ，我 就係 唔 還 ！
關將軍 呀 ，而家 吳侯 拉咗 我 一家老少 去 坐監 ，如果 得唔返 荊州 ，佢哋 實 會 被 殺 㗎 。
希望 將軍 你 憐憫 下 佢哋 啦 。
呢啲 無非 係 吳侯 嘅 詭計 ，點 呃 得過 我 吖 ？
哎呀 ，關將軍 ，你 點解 咁 唔 講 情面 㗎 ？
關雲長 撐噉 拔出 寶劍 ：唔好 多 講喇 ，我 呢一把 劍 ，係 唔 講 情面 嘅 ！
關平 喺 旁邊 做好做歹 噉 話 ： 請 父親 唔 好 嬲 請 父親 唔 好 嬲 喇 ， 如果 唔 係 ， 軍師 嘅 面子 過唔 去 啊 。
關雲長 對 諸葛瑾 話 喇 ：哼 ！唔係 睇在 軍師 嘅 面子 ，我 就 叫 你 唔返得 東吳 ！
哎 ，搞到 諸葛瑾 滿面 羞慚 ，周身 唔好意思 。
急忙 告辭 就 落船 再次 趕去 西川 搵 孔明 啦 。
哈點知 去到 嘅 時候 ，孔明 就 已經 出咗 去 視察 地方 。
冇修吖 ，諸葛瑾 就 唯有 再 去 求見 劉備 。
流住眼淚噉 講畀 劉備 聽話 關雲長 呀 爭啲 要 殺咗 佢 啊 噉 。
劉備 就 話 喇 ：係啊 ，我 二弟 性情 好 急 㗎 ，極 難 同 佢 講 說話 㗎 。
誒噉啦 ，子瑜 你 暫時 返去 先 。
等 我 攞 到 東川 、 漢中 各個 郡 咯 ， 噉 啊 調雲長 去 守 嗰 啲 地方 ， 到 其時 我 就 可以 將 荊州 交割 畀 你 嘞 。
諸葛瑾 啊 冇 到 辦法 嘞 ，唯有 死死地 氣 返去 東吳 將 交涉 嘅 經過 報告 孫權 。
孫權 激到 不得了 喇 ，佢 話 子瑜 你 呢次 去 來回 咁 奔走 ，莫非 又 中 咗 諸葛亮 嘅 詭計 ？
唔係嘅 ，孔明 亦都 喊住 噉𠼮 求 劉備 啊 ，佢 先至 肯 歸還 三個 郡 先 。
收尾 ，係 因為 關雲長 恃惡 唔肯 還 嘅 啫 。
好啦 ，既然 劉備 講過話 要 歸還 三個 郡 先 嘅 ，我哋 直情 委派 官員 去 長沙 、零陵 、桂陽 三個 郡 上任 ，即管 睇下 佢 點 啦 ！
係啊係啊 ，主公 你 噉樣 講 啊 冇錯 嘞 。
孫權 叫 諸葛瑾 接返 佢 嘅 家人 返 屋企 。
同時 呢 ，委派 咗 官員 ，真係 去 三個 郡 上任 嘞 噃 。
過咗 一段時間 ，委派 去 三個 郡 上任 嘅 官員 冚𠾴 唥 畀 人 趕扯 ，趯 返嚟 報告 孫權 話 ：
關雲長 唔 承認 我哋 啊 ，即刻 就 將 我哋 趕走 ，話 走 遲啲 都 要 殺 喎 。
嘿！ 激到 孫權 肚 都 爆 ，噉 啊 派 人 去 叫 魯肅 嚟 責罵 佢 ：
子敬 ，你 以前 同 劉備 做 擔保 借 我 嘅 荊州 ，而家 劉備 已經 得 咗 西川 咯 ，仲 唔 肯 還返 荊州 畀 我 ，子敬 你 點 能夠 坐視 不理 啊 ！
我 已經 諗掂咗 一條 計 ，正係 想 稟告 主公 啊 。
咩嘢 計吖 ？
我哋 嘅 兵馬 而家 駐扎 喺 陸口 ，誒 ，派 人 去 請 關雲長 嚟 赴宴 。
如果 佢 肯 嚟 ，我 就 好言好語 噉 同 佢 講 ，要 佢 歸還 荊州 。
如果 唔肯 呢 ，就 埋伏 定 刀斧手 殺咗 佢 。
倘若 佢 唔肯 嚟 赴宴 ，噉 我哋 立即 進兵 ，同 佢 決 個 勝負 ，搶返 荊州 返嚟 就係 嘞 。
嗯 ，你 噉 諗 就 合晒 我 意思 喇 ，立即 進行 啦 ！
闡澤 知道咗 呢 就 去 勸 孫權 嘞 ：
主公 ，關雲長 乃係 當代 虎將 ，勇猛 絕倫 ，唔係 一般 嘅 人物 。
如果 稍有 唔妥 就 反遭 其 害 㗎喇 ，唔好 噉 做 啊 ！
唔 好 唔 好 ， 如果 唔 係 噉 做 呀 幾時 先 至 攞 返 荊州 啊 ！
孫權 唔 聽 勸 ，一於 叫 魯肅 快啲 依計 行事 。
於是 魯肅 立即 趕去 陸口 ，叫埋 呂蒙 同 甘寧 嚟 一齊 商量 過 。
就 決定 喺 陸口 兵營 外 便 嘅 臨江亭 上 ，大 排 筵席 啊 宴請 關雲長 。
魯肅 寫好咗 請帖 就 派人 送去 荊州 。
關雲長 收到 請帖 ，就 應承咗 嘞 。
使者 走咗 之後 ，關平 話 喇 ：魯肅 請 飲 必定 唔係 好意 啊 ，父親 點解 仲 應承 去 呢 ？
關雲長 笑住 話嘞 ：你 估 我 唔知 咩 ？
必定係 諸葛瑾 返去 報告 孫權 ，話 我 唔肯 交還 三個 郡 ，故此 叫 魯肅 請 我 去 陸口 赴宴 ，嚟 向 我 索取 荊州 。
我 如果 唔 去 ，就 會 話 我 膽怯 㗎 喇 。
嗯 ，等我 聽日 ，坐 一隻 小船 ，淨係 帶 十幾個 親隨 ，單刀赴會 ，睇下 魯肅 又 奈我 乜嘢 何 ！
父親 你 何必 冒噉嘅險 ，以 萬金之軀 親自 入去 虎狼 嘅 巢穴 呢 ？
噉樣做 ，恐怕 大伯父 知道咗 亦 唔會 同意 㗎 。
怕咩嘢呢 ！我 喺 千槍萬刃 之中 ，矢石 交加 之際 ，匹馬 縱橫 如 入 無人 之境 ，使 乜 怕 江東 呢 一群 鼠輩 啊 ！
馬良 亦 都 勸 佢 話 喇 ： 關將軍 ， 魯肅 呢 個人 ， 平常 睇 佢 雖然 係 個 忠厚 長者 啊 。
不過 而家 事情 緊急 ，亦 唔到 佢 唔變心 㗎 ，關 將軍 唔好 隨便 去 啊 。
關雲長 話 ：
戰國嘅時候 ，趙國 嘅 藺相如 手無搏雞之力 ，但係 佢 喺 澠池 會上 ，面對 不可一世 嘅 秦國 君臣 ，簡直 當 佢哋 唔係嘢 。
何況 我 呢個 學過 兵法 嘅 軍人 呢 ？
既然 我 已經 應承咗 ，就 唔能夠 失信 嘞 。
馬良話喇 ：就算 將軍 去嘞 ，亦 應該 有所 準備 至好 。
我 自有 分數 ！
關平 。
父親 。
你 準備 快船 十 隻 ，上 便 裝載 五百 名 精壯 水軍 ，要 隱蔽 好 ，喺 江 上 等候 。
睇住 我 嘅 認旗 一 升起 ，就 過江 嚟 接應 。
孩兒 遵命 ！
關平 接受 咗 命令 就 立即 去 準備 嘞 。
