اسمي سامر ،و عمري خمس وعشرين سنة .
وبسكن مع أهلي في عمان .
درست إدارة أعمال في الجامعة .
وبعد ما تخرجت ،قعدت فترة أدور على شغل .
كنت بدي شغل يساعدني أتعلم وأتعرف على ناس جداد .
مش بس شغل أروح عليه كل يوم وأرجع على البيت .
خلال هاي الفترة ،كنت أقدم على شغل كثير .
وأحياناً أروح على مقابلات عمل .
بس ما كنت ألاقي الشغل المناسب إلي .
بعد فترة ،لقيت شغل في فندق قريب من البيت .
بالبداية كنت متوتر .
لأنه كانت أول مرة إني أشتغل مع زباين بشكل مباشر .
أول يوم وصلت بكير .
وتعرفت على زملائي .
وكانوا لطيفين معي .
المدير شرحلي شغلي .
وبعدين قعدت مع موظف أقدم مني عشان يساعدني .
وشرحلي شو لازم أعمل .
بأول أسبوع غلطت أكثر من مرة .
مرة أعطيت زبون معلومات غلط .
ومرة نسيت أعمل شغلة مهمة .
بس ما زعلت من حالي .
وحاولت أتعلم من كل غلطة .
زملائي كانوا يساعدوني .
وأنا كنت أسألهم باستمرار .
مع الوقت ،صرت أتعامل مع الزباين براحة أكبر .
وصار عندي ثقة بنفسي .
كمان اكتشفت إني بحب الشغل اللي فيه تواصل مع الناس .
و حبيت إني كل يوم أتعرف على أشخاص جدد .
هاي التجربة غيرتني كتير .
قبلها كنت أفكر إني لسه مش جاهز للحياة العملية .
بس بعد ما اشتغلت ،فهمت إني بقدر أتعلم أي شغلة .
إذا أعطيت حالي وقت وحاولت .
عشان هيك .
لما حدا يسألني عن أهم تجربة بحياتي ،غالبا بحكي عن أول شغل إلي .
