مرحبا، أنا حسن.
اليوم رح نعمل شيء جديد.
اليوم عندي ضيفة محبوبة ومهضومة
كثير اسمها مها.
مها عندها قناة على اليوتيوب
اسمها Levantine Arabic with Maha
لتعليم اللغة العربية تحديدا اللهجة
اللبنانية عن طريق الاستماع.
مها بتعمل فيديوهات على اليوتيوب
وكمان عندها بودكاست بودكاست كثير
حلوة وكثير مفيدة لتعلم العربي
واللهجة اللبنانية عن طريق الاستماع.
أهلا وسهلا مها شرفتنا.
ميرسي، أهلا فيك.
ميرسي كتير، ميرسي
أهلين فيكي.
ميرسي كتير ميرسي
كثير مبسوط بحضورك وهي يعني
أنا أول مرة بعمل هذا
النوع من الفيديوهات على قناتنا
Arabic all the time.
فاليوم أول شي حابب هيكي
نتعرف فيكي أكتر.
إذا ممكن تحكي لنا عن
حالك وشو بتعملي لتعليم اللغة
العربية؟
أكيد أكيد قبل ما بلش
بس بدي أقول ميرسي لك
مرة تانية لأنه تواصلت معي
وأجتك هيدي الفكرة أنه نعمل
فيديو مع بعض.
أول حدا يعني بيحكي لنا
نعمل هيك شي كوننا اثنيناتنا
بنفس المجال.
فمرسي.
أهلا وسهلا.
وأنا كثير كنت مبسوط يعني
أنه يعني عدد الناس اللي
بتعمل محتوى سهل وبسيط باللغة
العربية بدون ترجمة هو ماله
عدد كبير يعني كثير ناس
قليلين وانتي قناتك أكيد يعني
من أهم القنوات بالمجال تحديدا
للهجة الشامية لهجة بلاد الشام.
ما بعرف إذا فينا نقول
أهم القنوات.
مرسي مرسي.
فاحكي لنا شوي عن حالك.
مين مها وشو بتعملي هيك إذا
بتعطينا لمحة أكتر.
أكيد أكيد أول شي اسمي
مها.
أنا من لبنان.
عمري 32 سنة وحالياً عم
بشتغل بمجال تعليم اللهجة اللبنانية
تحديدا يعني اللي بتندرج تحت
اللهجة الشامية أكيد.
صراحة ما صار لي زمن
بهالمجال يعني بلشت تقريباً من
أقل من 3 سنين.
بس حبيته بالصدفة يعني فتت
بهالمجال.
قبل ما بقى أعمل اليوتيوب
تشانل بلشت أتعلم.
بلشت أتعلم على بلاتفورم يعني
بلشت أتعلم اللهجة اللبنانية.
وبالصدفة وبعدين حسيت أنه
عنجد في كتير ناس بدهم
يتعلموا هيدا اللهجة.
اتفاجأت صراحة.
ما كنت عارفة قديه في
ناس حابين يتعلموا هاللهجة.
وهيك شوي شوي صار يجيني
تلاميذ أكتر وأكتر.
وصرت أكتسب خبرة يعني كوني
أنا جديدة بالمجال.
ما كنت قبل علّم وكنت
بمجال مختلف كلياً.
بس يعني بعد شي سنة
تقريباً من التعليم بلشت لاحظت
أنه مظبوط ما في كتير
محتوى باللهجة الشامية أو
اللبنانية على اليوتيوب أو غيره.
ما في، يعني من تلاميذ
أنا صرت أقول لهم للتلاميذ
أنه ما بيكفى.
تاخدوا دروس.
ما بيكفى هذا درس واحد
بالأسبوع مرة بالأسبوع يعني كتير
قليل.
مفروض أنه أنتوا تعاملوا شي
كل يوم كرمال تتعرفوا أكثر
على هيدي اللغة.
تعودوا حالكم تسمعوا هيدي اللهجة.
لأنه إحنا هيك منتعلم يعني
ساعة بالأسبوع أبداً ما شي.
فصاروا يقولوا لي ما في
وما عم نلاقي وما في.
وكتير بيحكوا بسرعة مثلاً البودكاستات
المعروفين الكبيرة بيحكوا كتير بسرعة.
لأنهم مش معمولين للتعليم.
معمولين للناس يعني خاصة للمجتمع
العربي.
فصرت فتش لقيت أنه
عنجد معن حق ما في.
وقلت ليش ما بعمل أنا
هيدا الشي.
يعني ليش ما ببلش أنا
باخد هالخطوة.
ببلش أخلق محتوى سهل.
بحكي عمهلي بطريقة واضحة.
ليقدروا التلاميذ عن جد يفوتوا
بجو اللغة.
ويكون يعني حدا عم بيحكي
وقت مش إنه 5 دقايق
10 دقايق.
على القليل 20 دقيقة.
عن موضوع معين.
وتخيل أنت بهال 20 دقيقة
قدام فيه كلمات.
ومش بس رح يتعلموا كلمات.
يعني رح يتعلموا عن الثقافة
تبعنا.
رح يتعلموا عن الطريقة اللي
إحنا بنحكي فيها.
يعني شخص طبيعي عم بحاول
أنا أحكي قد ما فيه
بطريقة طبيعية.
قلت له أنا بحكي بحياتي.
بس شوي أسهل يعني أكيد.
ليقدروا التلاميذ يسمعوا ويلقطوا كلمات.
على البطيء.
فهيدي هي الفكرة.
من هيك بلشت.
حلو حلو حلو كتير كتير.
هلأ أول شغلة اكتشفتها أنا
هلأ بالميتينج.
نحن من نفس العمر.
ما بعرف هاي الصدفة.
آه والله.
آه والله.
أنا عيد ميلادي بآخر الشهر.
رح أصير 33.
آه يعني أنت أكبر مني
أكبر مني
لا عم بمزح أنا بتموز (يوليو)
آه بتموز
يعني أكبر بشوي.
كل سنة وأنت بخير.
على قبال المية نحنا بنقول
باللبناني.
وأنت بألف خير يا رب.
تسلمي تضلي بخير.
وشكراً كتير إلك.
هلأ أنت قلتي ذكرتي أنه
يعني أنت بلشتي وصرتي تتعلمي
يعني من يعني بعد ما
بلشتي تعملي فيديوهات اكتسبتي خبرة
من التعامل مع الطلاب.
فشو بدي أسألك شو هو
يعني شفتي أكبر يعني غلط
بيعملوه الطلاب وهني عم يتعلموا
العربية وأنه يمكن كمان أنت
اذكرتي لي مرة أنه عم
تتعلمي اللغة الروسية.
كيف يعني فادك هذا الشيء
بتجربتك انتي الخاصة بتعلم اللغات.
ايه.
حلو هالسؤال.
أول شيء أول سؤال شو
الغلط يلي أكتر شي بيعملوه
الطلاب هني وعم يتعلموا لغة
جديدة مش بس عربية يعني
أي لغة.
أنه دايماً دايماً لما بدون
يحكوا بيحاولوا براسهم يترجموا
من لغتهم الأساسية للغة يلي
هني عم بيتعلموها.
بالنسبة لي عن جد هيدا
أكبر غلطة لأنه عطول عطول
لما نعمل هيدا الشي مستحيل
ما نعمل شي غلط لأنه
كل لغة إلها طريقتها.
ما فينا نقارن يعني ما
في أنا جيب جملة من
الإنجليش أو من الفرنسي وترجم
كلمة كلمة للعربية.
جملة بالأخير رح تطلع مش
منطقية.
فلما نتعلم لغة جديدة هون
الصعوبة.
بدنا ننسى لغتنا عن جد
منسى لغتنا ونفكر بهيدي اللغة
الجديدة يلي إحنا عم نتعلمها.
يعني وهيدا الأصعب لأنه هيدا
الشي ما فينا نعمله بيوم
بيومين.
هيدا بياخد كتير وقت.
يعني إحنا خلص بدنا نحط
Arabic mode.
بدنا ننسى عن جد كل
الكلمات بدنا نحن عم نعرفهم
طريقة اللي بنحكي فيها طريقة
اللي بنفكر فيها.
بدنا نحاول أنه نعتبر حالنا
أنه نحن عن جد شخص
عربي وبيحكي عربي.
وهي أول خطوة تقدر نحكي
مظبوط بالنسبة لألف.
بصراحة نصيحة رائعة جدا جدا
وأنا اتفق معك مية بالمية
يعني هذا يمكن من أكبر
الأغلاط الشائعة وهو شائع لأنه
يعني الناس بتترجم دائما لما
نترجم نحن عم نحدد معنى
محدد للكلمة.
وغالبا الكلمات أو الأصوات اللي
بننتجها لما نحكي اللغة هي
ما لا مرتبطة بمعنى واحد
هي مفاهيم واسعة هي مفهوم
كامل هذا المفهوم لا يمكن
اكتسابه من ترجمة مباشرة هذا
الفهم الكامل بيجي من سماع
الكلمة بسياقات مختلفة وهذا يعني
تكرار الاستماع بسياقات مختلفة هو
بيطور هذا المفهوم فأنا اتفق
جدا بأنه نسيان اللغة الأم
أو اللغات اللي الواحد بيعرفها
ويبلش فعلا كطفل يعني باللغة
اللي حابب يتعلمها بالزبط هي
شغل كتير كتير مهمة كيف
هالشيء هذا ساعدك بتعلم اللغة
الروسية يعني كيف اخترتي تستفادي
من هالخطأ هذا ليتعلم اللغة
الروسية صح بصراحة كمان ما
قلت لك انا انه اول
سبب اللي اعملت التشانل كان
انه التلاميذ لفتوا لي نظري
انه ما في كتير محتوى
يعني بالنسبة للاستماع انه ما
في فالسبب الثاني كان اللي
اتشجعت اكتر انه اعمل التشانل
كمان انه انا لانه انا
عم بتعلم روسي بلشت طريقة
تقليدية اشتريت كتب وبلشت اعمل
تمارين على الورق والقلم استفدت
اكيد ما بقلك لا بس
حسيت انه الموضوع رح يكون
كتير صعب ورح ياخد كتير
كتير وقت وحسيت انه فيه
شي غلط يعني ما بقدر
اتعلم بهيدي الطريقة انه كتير
كتير معلومات وكيف بده تركز
كل هالمعلومات براسي فبلشت هيك
بالصدفة لقيت حدا على اليوتيوب
اسمه Russian with Max حسيت
انه المحتوى هو طبعه بركز
كمان على هيدا النقطة انه
نحنا لما بدنا نتعلم لهو
بدنا نسمع ونسمع ونسمع ومرة
واثنين واثنين والمحتوى طبعه مفهوم
واضح ما بيحكي بسرعة بيستعمل
كلمات بيستعملوها يعني سكان هيدا
المنطقة اللي بيحكوا هني لغتهم
الاصلية اللغة الروسية وهيدا الشي
ما بتلاقي بالكتب يعني الكتاب
ما رح يكتبلك انه العبارات
اللي بيستعملوها يوميا هيدا ما
بتلاقي بولا كتاب فحسيت انه
عنجد هالطريقة بس بلشت اسمع
كل يوم لو عشر دقايق
يعني مش ضروري وقت طويل
كنت انه عم بتعلم عم
باستفيد هيك شوي شوي مثل
السلحفاة بس بلشت اسمع هيك
نطيت فجأة وحسيت انه انا
عنجد تقدمت بفترة قصيرة من
هون كمان اجتني فكرة لتشانل
فهيدا الشي كتير ساعدني كرمال
هيك عنجد انا كتير بآمن
بهيدا الطريقة طريقة يعني التعلم
لغة عن طريق الاستماع وعن
طريق انه نحنا نغمس حالنا
يعني بهيدا اللغة كلياً لازم
نعمل كل يوم شي بهيدا
اللغة كل يوم كل يوم
لو كان وقت قصير لو
عشر دقايق ربع ساعة بس
هيدا الطريقة كتير فعالة يعني
انا جربتها وعنجد مآمنة فيها
و احسن من مية يعني
تمارين وكتاب مثل ما انت
قلت قبل شوي يعني الطفل
كيف بيتعلم لغته لانه بيتعرض
لهيدي اللغة لوقت كتير طويل
ساعات وساعات وساعات بلش دماغه
يلقط النمط تركيبة الجملة بدون
ما يفكر يعني بده تكون
شغلة اوتوماتيكية لا ارادية اوتوماتيك
يعني انا اذا هلا عم
بدرس من كتاب وبده احكي
بدي يمكن شي ربع ساعة
لاركب جملة بدي افكر بكل
كلمة شو لازم اقول وهيدا
شو القاعدة وهيدا ليش هيك
يعني ما حدا رح يسمعني
ما فيه احكي بهالطريقة مية
بالمية يعني ما حدا رح
ينطرني خمس دقايق لقول جملة
تلات اربع كلمات فلازم تكون
الشغلة اوتوماتيك كيف بتصير اوتوماتيك
لما احنا نسمع ونسمع ونسمع
خلص دماغنا بصير معاش بيفكر
بصير خلص يحفظ هيك هيدا
اللي انا اكتشفته يعني صحيح
صحيح صحيح انا باتفق عنجد
يعني انا متفاجئ انا
اتوقعت انه يكون فيه شوية
يعني اختلاف بالرؤية ما حكينا
احنا بشكل كافي ما حكينا
هذي تاني مرة بس ومنحكي
مع بعض صح اول مرة
كانت قصيرة صحيح يعني
انا اتفق معك مية بالمية
يعني ما عندي اي اختلاف
بالعكس انا بأكد وانا كمان
بدي اذكر انه اللي خلاني
بلش بهذا المشروع Arabic all
the time حاليا هو كمان
كانت تجربة تجربة سيئة بتعلم
اللغة الانجليزية كانت تجربة صعبة
عن طريق حفظ الوكابولاري والقواعد
شيء بيؤدي لكتير من التوتر
والواحد بيفكر بكل كيف بدو يركب
الجمل بصير بيكره يحكي اللغة
صح وتجربة كانت كتير جيدة
مو بس جيدة كانت غيرتلي
حياتي هي اللي خلتني بلش
بهذا المشروع واللي هي كانت
تجربتي مع اللغة الاسبانية انا
يعني بلشت انا ما كنت
يعني بعرف ولا كلمة باللغة
الاسبانية وما فتحت اي كتاب
ما بلشت انا ما اخذت
صف كنت يعني خلصت كنت
تروماتايزت من تجربتي بالانجليزية
لهل درجة.. اي والله كتير يعني
انه خلص انه انا لا
ما بدي اتعلم لغة بس
بالصدفة اكتشفت يعني هذا اللي
يسمى بالمحتوى المفهوم او الكمبيهنسبول
امبوت صرت شوف انه فيه
فيديوهات بالاسباني مخصصة لانه للواحد
يفهمها حتى اذا ما بيعرف
ولا يعني ولا كلمة باللغة
انه بس اركز بالفيديو واستمع
استمع تفهم الفكرة ما رح
تفهم الكلمات من اول مرة
بس اذا فهمت الفكرة مع
التكرار بتصير تفهم الكلمات بتصير
تميز الكلمات بالبداية يمكن حتى
ما بتعرف وين الكلمة بتبلش
وين الكلمة بتنتهي بس مع
الاستمرار بالاستماع كل هذا بيكتسب
ووصلت انا عن طريق الاستماع
لمستوى كتير منيح باللغة الاسبانية
لسه عم بيكتسب اللغة بس
يعني بعتبر حالي high intermediate
او يعني مستوى قريب جدا
من المتقدم بحكي بطلاقة وبحب
يعني بحكي بمتعة لما بحكي
بالاسبانية ما بفكر بحس يعني
الاسبانية بالنسبة لي هي مثل
العربي الانجليزية صارت مثل العربي
بس اخذ الموضوع سنوات طويلة
كتير فلا بس يعني بالاسبانية
انا عشت هالتجربة فورا يعني
خلال يعني سنة ونص سنتين
من تعلم اللغة انا وصلت
لمستوى فيي اتواصل مع الناس
فقط عن طريق الاستماع فيه
انا باتفق معك كتير
هلأ انا كنت بدي اسأل انه
نحن عم نحكي على الاستماع
بس في مشكلة حقيقية بانه
ما في كتير محتوى متوفر
للمبتدئين شو يعني انت شو
رأيك هل فكرتي بهذا شي
الان احنا بعربيك all the
time عم نحاول نغطي هذا
الفراغ يعني عم نعمل فيديوهات
تستهدف المبتدئين جدا بس حابب
افهم يعني من وجهة نظرك
انت من منظورك كيف هل
كان في عندك طلاب تشتكي
من هذا الموضوع انه انه
انا بالبداية ما في شي
مفهوم يعني صح كله رح
يكون صعب لما الواحد بيبلش
بيتعلم اللغة صح صح صراحة
تلاميذ لا ولا مرة سألتهم
هالسؤال يعني يمكن هيدا الفرق
شوي بين ال channel تبعيتي او
قناتي والchannel تبعيتك انا ال channel
تبعيتي شوي لا ما بدي
مش المتقدمين لانه انا عندي
تلاميذ يعني بعضهم يعني مش
انه مبتدئ مية بالمية وما
بيعرف شي انه اخد اول
خطوة وعم يفهموا لانه انا
بس لانه انا يعني هيدا
مختلفة عن الchannel عندي عن
الchannel تبعيتك انه انا يعني
باعتمد على الترجمة كمان هلق
انا نفس الفكرة انا وياك
متفقين علي انه المحتوى بده
يكون مية بالمية بالعربة ما
فيه يقول انا ساعة بده
اقول كلمة بالانجليزي ساعة بده
اقول كلمة بالعربة يعني كيف
بده يتعلم هايك التلاميذ ما
بتزبط عنجد راسه ما رح
يستوعب يعني رح يضيع بده
يكون كل شي كل شي
بالعربية عنجد هو يفوت بهيدا
الموضوغ ويفوت بهيدا الجو فمع
الترجمة هون انه بتسمح لهم
حتى لو كانوا هن بعدهم
مبتدئين او باول الطريق انه
فيهم يشوفوا الترجمة بتساعدهم شوي
بس طريقة يلي انت عم
تعتمدها كتير حلوة لانه كمان
مش موجودة ما شفت انا
قبل هيك شي بالعربي ومتل
ما عم بتقول حتى لو
ما فيه ترجمة تلاميذ رح
يفهم لانه انت بتعتمد عالصور
وهذا كتير هذا واحد هذا
اثنين هدول ثلاث كتب هدول
اربع كتب هدول خمس كتب
هدول خمس كتب عم تقلله
للتلميذ انه انا هلا عم
بشرب ماي انا هلا عم
بحكي مثلا شوفي بالصورة فيه
رجال فيه مرأة هيدا الطريقة
يعني مش بحاجة تلميذ فيها
لترجمة كمان نفس الفكرة ونفس
المفهوم ايه للمبتدئين يلي ما
بيعرفوا ولا كلمة فيهم يبلشوا
يتعلموا بهيدا الطريقة صحيح صحيح
وبالعكس انا يعني من خبرتي
بهالمشروع اللي هي يعني مشروع
جديد يعني يعتبر انا جدا
سعيد بهالتجربة بصراحة لانه لما
بشوف انه حدا عم بيشوف
هالفيديوهات وما بيعرف ولا كلمة
ما بيعرف شيء وبيفهم الفكرة
وبيطلع بيخلص الفيديو هو عم
بيقول اخضر اصفر فنجان كتاب
يعني بيعطيني سعادة كتير كبيرة
لانه عم نكسر هاي الصورة
النمطية التقليدية انه العربي هي
لغة صعبة هي لغة الشعر
لغة القرآن هي صحيح هي
لغة الشعر هي لغة القرآن
بس هي كمان لغة عادية
هي بتستخدمها الناس ليحكوا عن
نهارهم ليحكوا عن مشوار ليحكوا
عن لياكلوا شاورما لأمور بسيطة
هي مو كلها شعر أو
يعني او نصوص معقدة او
شيء يعني فانا بالنسبة لي
هي يعني انه لما عم
نعمل هذا الشيء عم نكسر
هالصورة التقليدية وعم نورجي يعني
انه العربي هي لغة مثل
اي لغة تانية ممكن تكتسبها
بس تحتاج انك تستمع تكون
عندك الدافع وتقضي وقت اذا
عندك الدافع وعم تقضي وقت
بالاستماع فهذا كل شيء بتحتاجه
لانك تتعلم العربي بطريقة سهلة
وممتعة صح صح بدي اقلك
شغلة انه اكيد اللغة العربية
من اصعب اللغات معروفة بس
انه اللي ناس ما بتعرفوا
انه عنجد اللهجة اسهل بكتير
من اللغة لانه فيه اختلاف
يعني احنا لما نحكي باللهجة
مش بحاجة نستعمل الحركات صح
انه اكلت التفاحةَ حتى او
هذا ولدٌ هولي كلهم احنا
ما بنستعملهم هيدا اللهجة اسهل
اللهجة اسهل بكتير من شو
اسمه من الفصحى نحنا مش
رح نعمل اعراب يعني وكذا
لما نحكي وشغلة تانية انه
متل ما قلت الدافع كتير
مهم يعني كده فيه تلميذ
بيبلشوا انا شفتهم يعني عندي
بيوصلوا لمحل بيحسوا انه اول
شي اتعلموا كتير اشياء بفترة
قصيرة لانهم ما كانوا بيعرفوا
شي وبس بيبلشوا انه مثلا
صاروا بيعرفوا لنقول خمسين كلمة
بتبلش الكلمات شو تختلط ببعضها
وبيصير بدهم يركزوا اكتر ليقدروا
يكفوا يعني يستمروا فهون بيخف
شوي الدافع بيحسوا حالهم انه
وصلوا لمرحلة ما عاش بيستفيدوا بسرعة
يعني متل قبل اكيد الواحد
ما رح يتعلم لغة بيوم
وليلة معروف يعني اذا بدك
تتعلم لغة بدك تصبر كتير
بدك تحط براسك انه هيدا
رحلة يعني هيدا ما رح
تخلص حتى بسنة ما بتخلص
على القليل يعني انا صارلي
قدي عم بدرس شي ثلاث
سنين يمكن وبعدني ما وصلت
على الـ B2 وماشي الحال مش
زعلانة كان لأنه ما كنت
عم بدرس يعني مثل ما
لازم بس على القليل ما
وقفت بوقف فترات هيك يوم
برجع بكفي لأنه ما لازم
نوقف عن جد ما لازم
نستسلم لازم دايما نتذكر الدافع
انه احنا ليه عم نتعلم
و وشو بدي قول بعد شغلة
نسيتها، هيي الكونستنسي عن جد
يعني الاستمرارية أهم بكتير من
اي شي تاني حتى لو
عم نعمل شي وقت قصير
مهم انه ما نوقف مهم
ما نوقف مها بالحقيقة يعني
محادثة كتير ممتعة انا كتير
انبسطت بحديثنا اليوم شكرا كتير
الك لوقتك قبل ما نختم
بس وين فيهم الناس المتابعين
يلاقوكي؟ و ميرسي
الك كمان انبسطت كتير بهالاجتماع
وما بعرف شو بدنا نسميه
بهالاتصال انا فيهن يلقوني الناس
متل ما قلت لك على
اليوتيوب شو اسمه Levantine Arabic
with Maha اسمها التشانل وكمان
انا عندي البودكاست حطيتو على
سبوتيفاي في كتير تلاميذ بتفضل
سبوتيفاي تفضلوا يسمعوا هنيك وبس
ماني موجودة بمحل تاني واذا
حدا بحب ياخد معي دروس
يعني على برابلي ف ايه
حلو جميل جدا اذا اذا
اي حدا مهتم بتعلم العربي
عن طريق الاستماع وتحديدا اللهجة
اللبنانية ففيكن تزورو Levantine Arabic
with Maha رح نحط الرابط
في الوصف الفيديو شكرا كتير
مها ان شاء الله منحكي
إلنا حلقات تانية شكرا لوقتك
وشكرا لكل اللي تابعونا اليوم
نشوفكن في حلقة تانية مع
السلامة
