الفصل السادس وعشرين - الدرس التاني - حوار ١
المذيع: يعني مشكلة مصر منذ فترة طويلة يعني مشكلة الزيادة السكنية المطردة كيف ترى الحلول الواقعية لحل هذه المشكلة؟
الضيف: أول حل لهذه القضية إن المجتمع يعرف إن هذه الظاهرة السلبية هي أسوأ ما في عندنا حالياً، فالمشكلة اللي عندنا ايه دلوقتي إن احنا السكان الكويسين دول ما يبقوش كويسين إلا إذا كان تم الصرف عليهم عشان تحسين خصائصهم يبقوا متعلمين ويبقى عندهم رعاية صحية ويبقى عندهم فرص للعمل ويبقى عندهم....
المذيع: خدمات....
الضيف: مساكن ويبقى عندهم خدمات. فحنا نقول في اللحظة دي إن نمونا الاقتصادي ما هواش مناسب أو متوازن مع نمونا السكاني بالتحكم في النمو السكاني، علشان يبقى الموارد كافية إن تدخل الناس فصل فيه تلاتين أربعين تلميذ مش فوق ال ١٠٠ تلميذ إما يروحوا المستشفى يلاقوا علاج ويلاقوا دكتور ويلاقوا ممرضة.
