المُخبر الاقتصادي+ | هل خسر إيلون ماسك نصف ثروته بسبب لعنة تويتر؟ كيف ضاعت أموال تسلا؟ (2)
عليها ديون بـ 13 مليار دولار
غير الفوايد
والكارثة بقى هو إن بيع ماسك لأسهمه
في تسلا والدوشة بتاعة تويتر
جايين في وقت حساس جداً بالنسبة للشركة
ودا بيزود الشكوك حوالين مستقبلها خصوصاً
في ظل المنافسة الشرسة اللي بقت بتواجهها
الشركة في أسواقها
وخصوصاً في السوق الصيني اللي بيعتبر أكبر
سوق للسيارات الكهربائية في العالم
BYD الصينية طالعة في سوق
السيارات الكهربائية
زي الصاروخ
ودا خلى تسلا تبدأ مؤخراً تبيع السيارات
بتاعتها بخصومات بتوصل لـ 20%
علشان تحرك الطلب على السيارات بتاعتها
تسلا في نتايجها للربع الرابع من 2022
اللي أعلنتها في بداية يناير
أعلنت عن إنها سلمت 405 ألف سيارة
ودا أقل من توقعات المحللين
اللي فات دا كله خلى واحد زي الملياردير
ليو كوجان
اللي بيعتبر تالت أكبر مستثمر فردي في تسلا
يقول إن إيلون ماسك تخلى عن تسلا
وإن الشركة فعلياً ما لهاش مدير تنفيذي
وطلب من مجلس إدارة تسلا إنه يبدأ
يشوف بديل لماسك
في نفس الوقت المساهمين في تسلا
راحوا رفعوا قضية على ماسك
علشان يجبروه إنه يرجع الأسهم اللي أخدها
ضمن خطة الأجور اللي تم إقرارها في 2018
اللي حكيت لكم عنها من شوية
عاوزينه يرجع ما قيمته حوالي 55 مليار دولار
خلاصة الكلام ماسك ماشي بتويتر وتسلا
لمصير مجهول
ودا ياخدنا لسؤال الحلقة
إيلون ماسك حالياً هو الرئيس التنفيذي لتسلا
والرئيس التنفيذي لتويتر
برأيك لو هيتخلى عن منصب من الاتنين
علشان يركز على التاني
يتخلى عن تويتر وللا تسلا؟
هتابع إجاباتكم في التعليقات
وفي النهاية يا ريت لو عجبتكم الحلقة دي
وحابين تشوفونا تاني
اشتركوا في القناة
واستنونا في حلقات جديدة بإذن الله
سلام