الجهبذ | من هو رئيس الأرجنتين؟ وماذا تعرفون عن دولة أبطال كأس العالم؟ (2)
كيس المتة رفعوه 5 بيزوس
ما بيشبعوا الله لا يوفقهن
وهون بالذات ممكن تكون كرة القدم
والانتصار الأرجنتيني بكأس العالم
مخرج للجميع
مخرج للسلطة تخفف شوي من كآبة
الوضع الاقتصادي بالبلد
وخاصة إنه مو طالع بإيدها شي
بهالسياق العالمي الصعب
حروب وأزمات اقتصادية وتضخم عالمي
ومخرج للشعب الأرجنتيني المطحون
يللي بتمشي كرة القدم بدمه
مشان هيك يعني خلونا نفكر سوياً
يا حمادة ويا سعاد
إنه هل يا ترى ميسي وكرة القدم
وفوز الأرجنتين ممكن يصلح
ما أفسدته السياسة؟
شفنا الأرجنتينيين نزلوا إلى الشوارع
وهنن فرحانين وعم يرقصوا التانغو
ومبسوطين وطاير عقلهم
رغم إنهم عم يعانوا من غلاء الأسعار
والأزمة الاقتصادية الكبيرة اللي تسببت فيها
الأغلاط السياسية تبع الحكومة
وهنا يتساءل مراقبون
هل يا ترى الفوز بكأس العالم
ممكن يساهم بحل الأزمة
وهيك تحسين الأوضاع بالأرجنتين بشكل عام؟
وللا كلها كم يوم وبترجع الناس عندهم
للهم والغم والنكد؟
طيب ونحنا شو وضعنا مع النكد؟
كم كأس عالم يجب علينا أن نحرز
لحتى تتحسن الأوضاع ببلادنا؟
وللا نحنا أصلاً مو لحتى نوصل لكأس العالم
وللا حكوماتنا ما عاد عندها أي انتصار
أو فرحة تخدر الشعب فيهن؟
جاوبوني على هدول الأسئلة بالتعليقات
وإذا حبيتوا الحلقة أعطونا لايك إعجاب
واشتركوا بالقناة
وفعلوا زر الجرس
وشاركوا الحلقة بين أصدقائكم
وشوفوا الحلقات السابقة
وانتظروا الحلقات القادمة
المليئة بالمفاجآت التي.. سلام
