الجهبذ | هل يحكم العالم مجلس سري؟ وهل هناك مؤامرة كبرى علينا؟ (1)
وكل قسم مختص بشي
هاد القسم مثلاً
آها
مختص بإصدار
المؤامرات
الصحية
والمرضية
ما شاء الله شغل كتير حلو
يعطيكم ألف عافية
مثلاً عندك أوبئة
أمراض
الكورونا
إنه أو مؤامرة من الصين
طلعت من هنيك
الإيدز
مؤامرة على شبابنا العربي وصحته
كمان طلع من هنيك
هاي كلها الحمد لله من شغلنا
من هداك القسم
عندك هاد المكتب
هو مكتب حياكة المؤامرات
على نسيج الوطن والمواطن
شلون يعني؟
مثلاً فترة من الفترات بيصير فيه
أزمة اقتصادية
الناس بتضوج
بدها تطالب بحقوقها
بتطلع مظاهرات
هاد المكتب بتلاقيه صار عنده موسم
عم يغلي غلي هيك أبداً
بتلاقيهم ما عم يهدوا
خلية نحل يخزي العين
ما بيلحقوا
تفضل
شو هالمكتب الحلو هاد؟
هاد
هاد مكتبي المفضل
هاد مكتب إصدار المؤامرات المتفرقة
شو يعني؟
مؤامرة ع الطفل
على الصحة الإنجابية لشبابنا
مشان شبابنا ما يجيبوا أولاد
مؤامرة على ماركات عالمية
براندات مشهورة
كله من هون بيطلع
مثلاً مؤامرة البوكيمون
بتعرفها مؤامرة البوكيمون
طلعت من هالمكتب المتواضع هاد الصغير
مؤامرة الكوكاكولا
تقلبها بيطلع
أخدت جائزة السعفة الذهبية
بتفوت لعندهن ع المكتب
بتلاقي جائزة السعفة الذهبية
عندهن منهن هون جوا
هداك المكتب بالله
شو هداك المكتب؟
هاد المكتب هو مكتب إصدار المؤامرات
على سيادة الوطن
وسيادته فخامته يعني
أنا فيني أشتغل بهاد القسم أو أستلمه مثلاً؟
لا لا لا لا
والله العظيم
لك يا بني هاد المكتب ما حدا بيستلمه
لك اوع
بدك تخرب بيتنا
هاد المكتب ما حدا بيقرب عليه بنوب
ها لكان
فيه مدير مستلمه صار له فترة طويلة كتير
مين هو؟ معروف اسمه؟
سيادته ذات نفسه
هداك الناح وراك
مكتب حياكة المؤامرات على تراث بلدنا وتاريخها
ما فيه شي بالبلد بده يطلع
إلا ما يكون عامل..
أهلين وسهلين ومرحبتين بنور العين
أحبائي وحبيباتي المتابعين والمتابعات
تعال لأقول لك
شايف هالتطور التكنولوجي والذكاء الصناعي
والصواريخ الذكية والتقدم كلياته
اللي موجود بأمريكا
خدعوك
خدعوك وقالوا لك إنه هاد بسبب الجامعات
والمراكز تبع الأبحاث
كله هاد قيمه على جنب
أنت قاعد عم تتفرج ع الأخبار
ومصدق شو ما بينقال لك؟
الشباب بأمريكا من حركة 50 - 60 سنة
تواصلوا مع الشباب اللي فوق
لك لا مو المسؤولين والمخابرات
تواصلوا مع الفضائيين
والفضائيين قالوا لهم عاوزين تكنولوجيا
خدوا تكنولوجيا
عاوزين تقدم
خدوا تطور
عاوزين سبيكر
خدوا "سبيكر"
دللوهن
قام أمريكا تقدمت على هالبشر وتطورت
وأنت قاعد مفكر لي قال شو
ومتل مالك شايف سيطرت أمريكا على هالعالم
وصارت القوة رقم 1
بدك تسألني من وين سمعت هاد الحكي؟
أنا يعني عندي معارف قراب كتير
بنت عمة خالة جارة سلفة ضرتي
حكت تلفون بشكل مباشر مع واحدة
من بنات أحماء سلفة خالة جارتها
اللي بتكون أنا تماماً بشكل مباشر
خالتها مرت أبوها
أنا بجيب هالمعلومات والخبر اليقين كلياته
من هونيك
وما بتاخدوا غير من عندي هالشغلات
وإذا حابين تعرفوا كل العالم كيف ماشي
والنظام العالمي كيف حاكم
فيكن تتابعوني على وسائل التواصل الاجتماعي
بتمنى تكون هالحلقة عجبتكن
ولا تنسوا اللايك والشير
حمادة العزيز
سعاد العزيزة
من الواضح أني كنت عم أمزح معكن
وإذا صدقتوا اللي قلت لكم إياه
قبل ما قول لكم أني عم أمزح معكن
فيه مشكلة يعني ما بعرف شو بدنا نعمل
لازمها حل بصراحة
أكيد من وقت ما كنا صغار
كنا نشوف بالجرايد بعدين بالسوشيال ميديا
وبالتلفزيون عناوين كتير من تبع كشف المستور
وما لا يريدونك أن تعرفه
وهالقصص هاي كلياتها
شفناها كتير
طفولتنا مليئة يا حمادة
البوكيمون
يللي كان مدسوس على ثقافتنا
لحتى ينهش بعقول أطفالنا
القشاط
الحزام
يللي فيه مغناطيس بقلبه شوفه
يللي بيمنع شبابنا من الإنجاب
بيقضي على الصحة الإنجابية للشباب العربي
"الكاتشاب" اللي فيه الإيدز
قليل هاد "الكاتشاب" اللي فيه الإيدز؟
شو بك؟
كوكاكولا اقلبها مدري شو بتلاقي محلها
الكثير من المؤامرات والعناوين
اللي قرأناها بطفولتنا وبشبابنا
وطبعاً هالحكي مو بس عندنا
موجود بكل العالم
أمريكا والفضائيين مثلاً
بيحكوا عن مؤامرة الكورونا
كل هالأمور هاي اللي حكيت لكن عنها
وغيرها كتير بيطلقوا عليها زملائي
العلماء والباحثين
نظرية المؤامرة
وأنا جاي جهبذ لكم إياها اليوم
حتى نفهمها أكتر
بادئ ذي بدء
صحيح أنا يا سعاد عم قول لك فضائيين
وتكنولوجيا وسوشيال ميديا
ولكن الحديث بنظرية المؤامرة
والأفكار هي تبع إنه فيه مؤامرة علينا
وفيه مؤامرة.. موجود منذ قدم التاريخ
حيثما وجد الإنسان مع مجموعة بشر تانيين
صار يحس إنه فيه ناس عم يتآمروا عليه
مين هداك؟
هداك عم يتآمر علي
فلنعد سوياً إلى واحد من الأحداث
اللي كان من أوائل الأحداث
اللي قالوا عنها إنه مؤامرة
وهي حريق مدينة روما
الحريق يللي التهم معظم هي المدينة
يللي كانت عاصمة الإمبراطورية الرومانية
سمعت مين حرق روما يا حماديوس؟
مين يوس؟
الإمبراطور العربيد الماجن نيرون
كان قاعد عم بيحتسي النبيذ وياكل العنب هيك
بكل عربدة وشر ومجون
هيك
قام راح حرق
قداحة
حرق روما
بيقول هيك إنه
عربيد
عنب وقداحة
هلأ هاد الحكي كمان رجحوه كتير من
مؤرخين روما القدماء ومنهن المؤرخ
تاكتيوس
يللي قال إنه نيرون هو اللي حرق روما
بس ليش؟
بيقول تاكتيوس إنه نيرون هو اللي حرقها
ولزقها بجماعة اسمهن كريستياني
مين هدول كريستياني؟
هنن مجموعة المسيحيين الأوائل
لزقها فيهن وجابهن عذبهن وقتلهن
واعتبروا من أوائل شهداء المسيحية
ولليوم المؤرخين بيتناقشوا وبياخدوا وبيعطوا
إنه هل كان هاد الحريق هو فعلاً بفعل فاعل
من نيرون
وللا حدا تاني
وللا كان حادث بسيط
المهم هاد مو موضوعنا
بس الزبدة إنه بوقتها من طرف الرومان
قالوا إنه هاد نيرون متآمر على روما
وحرقها
ومن طرف تاني نيرون
قال إنه هدول المسيحيين الأوائل
هنن اللي حرقوا المدينة
وأنا بدي عذبهن وأقتلهن ونكل فيهن
ومن روما ننتقل إلى العصور الوسطى
في أوروبا
لنرى إنه أوروبا وكأنه كانت تحب هديك الأيام
كمان نظرية المؤامرة
يعني كانت تفوتها
كانوا يشوفوا جماعة مختلفة عنهن
يروحوا يتهموها بالمؤامرة
مثلاً من حوالي 700 سنة
سنة 1321 بفرنسا
صار حالات تسمم وراح ضحايا كتير
مين عملها يا فرانسوا؟
أنا برأيي مو مصادفة
برأيي هاي مؤامرة
ويللي عملوها هنن المصابين بمرض الجذام
أنا هيك بتوقع
كفرانسوا
سمعت لك من بياع الكرواسان يللي تحت بيتنا
إنه هنن اللي سمموا المي
وهنن اللي عم يقتلونا
قام ملك فرنسا فيليب الخامس ما كذب خبر
سمح بقتلهم ومصادرة ممتلكاتهم
ولليوم إذا بتروح على بعض الأديرة بفرنسا
بتلاقي مكتوبة اعترافاتهم
بتحس حالك هربان من شي تلفزيون عربي
تبع إنه وهكذا واعترفت مجموعة
قالوا بوقتها إنه هدول المجذومين
كان بدهم ينتقموا من الناس الأصحاء
ويقتلوهم ويسيطروا على العالم
وهالموال مو من راسهم
عدم المؤاخذة
هدول أكيد متحركين بأوامر خارجية
من معلمهم الكبير
سلطان غرناطة
أنا بعرف
أنا أنا كمشت.. شفته عم يحكي عالتلفون معه
حمادة عن جد هيك صار ما عم أخترع
بالمصادر روح شوفها
هنن قالوا إنه هنن مدفوعين
من سلطان غرناطة
لحتى يسمموا المي لحتى يقتلوا الفرنسيين
وين سمعان هالكلام أنا؟
كتير سمعانه
كتير
طبعاً سعاد هاد الحكي كلياته
بدك تحطيه بالخرج
متل ما هو
بتمسكيه بتكبيه بالزبالة
المؤرخين اليوم بيتفقوا إنه فرنسا
كان الوضع فيها مأزوم بهديك الفترة
وتم استخدام موضوع المجذومين
وارتباطهم بجهات خارجية وتآمرهم
ككبش فداء
ليمتصوا غضب الناس
ومنذ ذلك الحين
وخصوصاً بعد دخولنا بالعصر الحديث
والثورة الفرنسية
كثر الحديث عن مؤامرات كتير عم بتصير
بالعالم كلياته مشان كتير شغلات
قام هدول العلماء احتاروا
شافوا لك أخي شو هي القصة؟
كتير ناس بيفكروا إنه فيه مؤامرة
راحوا درسوا الموضوع وحللوه
وطلعوا بمصطلح نظرية المؤامرة
حتى يحللوا طريقة التفكير هاي
لأنه كل واحد كل شوي بيقول لك
هاي مؤامرة لحتى مدري شو يساووا فينا
هاي مؤامرة
درسوها وقالوا هاي نظرية المؤامرة
وفي السنوات الأخيرة ومع انتشار وسائل
التواصل الاجتماعي
بلشوا العلماء والإعلام يركزوا على موضوع
نظرية المؤامرة وأضرارها وكيف بتنتشر
عم يقولوا العلماء إنه نظرية المؤامرة
صارت أفيون للناس
صار الناس عندهم خوف وقلة ثقة بحكوماتهم
مثلاً بأمريكا بيقولوا لك إنه في حوالي
12 مليون نسمة مؤمنين
إنه حكومتهم محكومة بفضائيين
أو نسبة 50 لـ 80% من الشعب الأمريكي
بيقول لك أنا متأكد مليون بالمية
أكيد متأكد
إنه حكومتنا على تواصل مع الفضائيين
وبلشوا العلماء والباحثين يدرسوا
نظرية المؤامرة بعدة علوم
بالأنتروبولوجيا
بالعلوم السياسية
بالفلسفة
والفلسفة الاجتماعية
وعلم النفس
وعلم الإدراك
والاقتصاد وغيرها كتير
بس للأسف يا حمادة ويا سعاد
أبحاث العلماء والعلماء عموماً
بيكونوا عم بيشتغلوا بشكل منعزل
ما بتوصل أعمالهم وأبحاثهم هاي للناس
ولكن لحسن الحظ
لحسن الحظ يوجد الجهبذ
الحمد لله رب العالمين
وأنا بوجه لي تحية بصراحة بهاي الحلقة
يعني مناسبة إني وجه لي تحية
وأتشكرني
على أني أنا عم بعمل
شو عم بعمل أنا؟
بروح بجيب حكي هالعلماء
وبوصله للجمهور
وكيف كانت حتكون حالة الجمهور
لولا وجودي؟
طيب كيف يتميز التفكير تبع نظرية المؤامرة؟
هاها أنتو عيني
مثلاً بتصير أزمة اقتصادية ما
أو بينتشر مرض أو وباء
متل الإيدز
فيه إله تفسير طبي واضح
لا شو بدك بهالحكي
أنا سمعت لك من جوز خالة
مرة عمة خالة عمتي
إنه هاد الحكي كلياته غلط
هاد المرض تطور بمختبرات الـ سي آي إيه
لحتى يتخلصوا من سكان العالم التالت
ملوا من الاكتظاظ السكاني
بدهن يقللوا عدد البشر على الكرة الأرضية
قام اخترعوا لنا الإيدز وزتوه
وأبصر شو مخترعين لنا أمراض
إن شاء الله صدقت حكيهن؟
كله مؤامرة وكذب
أنا كاشفهن وبعرفهن
واحد واحد
يعني بدك تقول لي يا جهبذ إنه ما فيه
مؤامرات بنوب؟
هيك كله ملائكة وحملان بيض؟
ما حدا بيتآمر على حدا؟
له يا حمادة
التاريخ يعج بالمؤامرات
بالانقلابات وبالمكائد وبالاغتيالات
وبالعلاقات السياسية بين الدول
مليان مؤامرات
لك له يا حمادة
بس الفرق يا سعاد متل ما بيقول لنا
الباحث الفرنسي ليون بولياكوف
إنه أنتِ بحالة نظرية المؤامرة
بتصيري بتشوفي التاريخ بشكل بوليسي
كيف؟
يعني بتصيري بتشوفي كل حدث تاريخي
على إنه جريمة
بتدوري ع المستفيدين منها
وبتتهميهن
بتطلعي المحقق كونان يللي جواتك
وهالتفكير هاد ما بيكون على حادثة واحدة
غالباً ما يكون تفكير عام
بتدور على المؤامرة بكل شي حواليك
التاريخ كله تحركه مؤامرة
كما يقول المؤرخ الأمريكي
هوفستادتير
والمتآمرين كلياتهن قاعدين بغرفة مظلمة
وعم يرتبوا مؤامرة ورا التانية
مؤامرة ورا التانية
عطيني.. خلصت مؤامرتك
عطيني حطها فوق مؤامرتي
بدنا نسلم اليوم مؤامراتنا بنهاية الدوام
هلأ لفترة قريبة كانوا العلماء الزملاء
متسرعين بصراحة بإطلاق الأحكام
على نظرية المؤامرة
يعني كانوا يتسرعوا بالحكم على
المؤمنين بنظرية المؤامرة
كان أي واحد مؤمن بنظرية المؤامرة
العلماء يقولوا عليه
هاد الشخص مصاب بالبارانويا
جنون الارتياب باللغة العربية
ناس موهومين بيدوروا على المكائد
بكل مكان
أو ممكن يكون شخص مغرور نرجسي
هاد أنا شخصياً كتير بحبه
كيف؟
هاد بيجي بيقول لك
أنا مو متلك
هيك بيبلش الجملة دغري
يعني بيقول لك إنه أنا مو متلك
أنا مو متلك
أنت واحد من هالقطيع يللي بتصدق أي شي
بيطلع بالتلفزيون
بيقولوا لك روح يمين
بتروح يمين
بيقولوا لك روح شمال
بتروح شمال
أنا مختلف
أنا بكشف الأمور كلياتها
بنظرتي الثاقبة
بتقول لي أزمات سياسية وأزمات اقتصادية
بتروح بتسمع لي باحثين ومحللين
لحتى يحللوا لك هالأزمات
وللا منتشر شي وباء بتروح بتسمع طبيب
اسمع مجرب
ولا تسمع حكيم
كيف إذا كان المجرب حكيم
وبعد ظهور وسائل التواصل الاجتماعي
مؤخراً يعني
طلع علماء تانيين
قالوا للعلماء الأولانيين
أننا معكم
فيه كتير ناس مؤمنين بنظرية المؤامرة
بس كمان روقوا شوي
مو أي حدا مؤمن بنظرية المؤامرة
تقعدوا تشوفوا حالكن عليه
تقولوا عليه بارانويا وجنون الارتياب
وإنه زلمة ما بيفهم
روقوا شوي
والأخطر من هيك إنه العلماء عم يقولوا
إنه صار فيه حالة فقدان ثقة بين الحكومات
والشعب
بين النخب والناس
وبين الخبراء والمواطنين العاديين
العلماء بيقولوا إنه عصرنا اليوم
هو عصر التضليل
عصر القلق
وهالحكي حتى عم نشوفه بالبلدان المتقدمة
اللي بتحكمها حكومات ديموقراطية
الناس ملوا من الأزمات اللي بتيجي
واحدة ورا التانية
من السياسيين اللي بيعتبروهم مراوغين
وهالشي شفناه بالبريكست ببريطانيا مثلاً
أو باحتجاجات السترات الصفراء بفرنسا
أو عند مناصري الرئيس السابق
دونالد ترمب بأمريكا
وببلدان أوروبية تانية كتيرة
وللي يا جهبذ
إذا الأجنبي عايش أزمة ثقة
وبحكومته ما بيوثق بقى
نحن شو بنعمل؟
بالبداية بمجتمعنا الدراسات كانت تقول
إنه انتشار نظرية المؤامرة بيرجع
لتخلف المجتمع
وعدم انتشار الثقافة العلمية
ومشاكل جذرية يعني صعب حلها
بس لاحقاً صاروا الباحثين يفهموا
الأسباب أكتر
أخي شعوبنا بصراحة بتحس حالها مهمشة
بعيدة عن مركز القرار وما حدا بياخد رأيها
وأجهزة الإعلام الرسمية بتكذب حتى
بأحوال الطقس
متل ما كان يقول الكاتب ممدوح عدوان
والأهم من هيك إنه فيه أسباب كتيرة
بتخلي المواطن يظل عم يشك
إنه فيه مؤامرة من السلطة
وإنه فيه شي راح يصير
متل ما بيقول لنا الباحث الأسترالي
ماثيو غراي
شو هي هالأسباب؟
واسطات ورشاوي وفساد وقمع وخوف
ليش موجودين هدول أصلاً؟
لأنه بكتير حالات بلداننا تحت حكم
أنظمة عسكرية
وصلت للحكم بانقلابات عسكرية
والانقلابات العسكرية هي أماكن طبيعية
مرتع للمؤامرات والمؤامرات المضادة
والأخطر من هيك هو الخطاب تبع السلطة
لما بيكون فيه شي أزمة سياسية
أو أزمة اقتصادية
بتطلع هيك
بتقول لك هي مؤامرة على البلد
مؤامرة على الوطن
مؤامرة على المواطن
وقائد الوطن عم يحاول بكل شي
ويستجمع ويعصر كل الذكاء اللي عنده
ليواجه هاي المؤامرة ويئدها
مشان هيك
ولاه مواطن
شو جاي تقول لي هلأ
الأسعار غالية وما فيه شغل
وما فيه وقود وما فيه كهرباء
