×

We use cookies to help make LingQ better. By visiting the site, you agree to our cookie policy.


image

AJ+ كبريت, الجهبذ | هجرات اليمن السعيد

الجهبذ | هجرات اليمن السعيد

والآن مع اللحظة اللي انتظرها الكثيرين

إعلان التوب 3

الـ 3 المتبقيين

الـ 3 اللي راح يفوزوا باللقب

الترقب عم يزداد

التوتر عم يزداد

كلياتنا على أعصابنا

كلياتنا متوترين

مين هنن يا ترى؟

شكراً

وصلتنا النتائج

نتيجة عمل دؤوب لسنين

على أعصابنا

كلياتنا تعبنا

كلياتنا عم ننتظر

حتى نشوف النتيجة هون

والفائزين

الـ 3

لهاي السنة

سوريا والعراق واليمن

الفائزين للسنة العاشرة على التوالي

للقب أسوأ جوازات سفر

وأسوأ مدن للمعيشة بالعالم

للسنة العاشرة على التوالي

هاي نتيجة الإصرار

مبروك

مبروك يا جماعة

مبروك يا شباب

وبنتمنى من الفائزين

وأيضاً يعني بنتمنى حظ أوفر للخاسرين

أنه كلياتنا ندخل على العشاء

العشاء المتميز اللي حضرناه برعايتنا اليوم

شكراً كتير وأهلاً وسهلاً

أهلين وسهلين ومية مرحبتين

بنور العين

حبيباتي المتابعين والمتابعات

إذا قلت لكن وسألتكن عن الهجرات

اللي طلعت من منطقتنا

شو بتقولوا لي؟

الهجرات المغاربية باتجاه أوروبا

حكينا عنها بحلقة ماضية

إذا ما شفتوها

ما راح كون مسرور بنوب

الهجرات من بلاد الشام باتجاه الأمريكيتين

كمان عملنا عنها حلقة وإذا ما شفتوها

بده يصير فيه زعل بيناتنا

بقى عن شو جاي تحكي لنا يا جهبذ؟

عن أي هجرات جاي تحكي لنا أنت؟

اليوم سأفاجئكم متل العادة وأجيب لكن

فكرة من خارج الصندوق

وأحكي لكن عن هجرات ولا خطرت على

بالكن أبداً

هجرة شعب عربي عريق وباتجاه مناطق

بالعالم مو متعودين عليها

تكون مقاصد للهجرة

إنها هجرات اليمنيين

اليمنيين هاجروا يا جهبذ؟

هاجروا يا حمادة

ومن زمان كمان

الباحثين بيقولوا إنه هجرات اليمنيين

بلشت من بعد انهيار سد مأرب

بس مع ذلك المؤرخين بيقولوا إنه

هجرات اليمنيين ما كانت دائماً بسبب اقتصادي

متل انهيار سد مأرب متل ما حكينا مثلاً

أو الفيضانات أو الجفاف أو غيره

من الكوارث الطبيعية

بكتير أحيان كان سبب الهجرة هو حب أبناء

اليمن السعيد للمغامرة

المغامرة؟

بس قبل يا جهبذ أنا دائماً بسمع بمصطلح

اليمن السعيد من وين جاي هاد المصطلح؟

وأنا إنسان كحمادة فضولي بطبعي

أصل تسمية اليمن السعيد بالأساس

هي جاية من المنطقة العربية السعيدة

Arabia Felix

يعني معنى هالوصف كلياته

هو بلاد العرب السعيدة

أو المباركة

أو الخصبة

أو حتى الميمونة

هاللقب هاد انتشر من بعدما تعرفوا اليونانيين

وبعدهم الرومان على اليمن

سموها هيك ليفرقوها عن باقي المناطق

العربية التانية

يللي سموها مثلاً

Arabia Petraea

بلاد العرب الصخرية

يللي موجودة بالتحديد جنوب بلاد الشام

وشمال الحجاز وعاصمتها البتراء

ومناطق تانية مسمينها

Arabia Deserta

يللي بتشمل معظم أراضي شبه الجزيرة العربية

يللي كانت أراضيها عبارة عن صحاري قاحلة

ولهذا السبب سموا اليمن المنطقة

العربية السعيدة

مو بس لأنه فيها أمطار وأراضيه خصبة

وفيها زراعة

بل لأنه كان كمان يتاجر مع آسيا وأفريقيا

من هديك الأيام

كانوا يتاجروا بالبخور وبالمر وغيرها

من منتجات الرفاهية تبع هديك الأيام

وحتى لاحقاً

ضل اليمن يعتبر من أهم مراكز التجارة

العالمية لقرون كتيرة

حمادة أنا بعرفك ما بتقدر تبلش صباحك

بدون ما تحتسي كوب وترتشف منه

من قهوة الموكا

هل تعرف أنه الموكا جاية من كلمة المخا

ميناء المخا باليمن؟

بلى مخا

بس بإيطاليا هي وصلت لإيطاليا ما بيعرفوا

يقولوا موخا

بيقولوا موكا

اليمن كان مركز يعني طلعت منه القهوة

للعالم كلياته يا حمادة

شفت حمادة سألتني سؤال صغير

من وين أجا اليمن السعيد

شوف وين أخدتنا وجبتنا

ما علينا هلأ عرفت أنت اليمن السعيد

من وين جاي

المهم هلأ بشو كنا عم نحكي؟

آه موضوع الحلقة

كنا عم نحكي عن هجرات اليمن

اللي بلشت مع بداية التجارة قبل الميلاد

وبلشوا يهاجروا اليمنيين باتجاه الحبشة

والصومال وجيبوتي

ولما هاجروا أخدوا معهم ثقافتهم وأبجديتهم

الخط المسند

طريقة الكتابة تبعهن

وأخدوا معهم فن العمارة والفنون والثقافة

يللي عندهن

بتعرفي أنت يا سعاد حضارة اليمن والممالك

تبعها ضاربة بالقدم

مملكة معين وسبأ وحمير وممالك كتيرة تانية

طيب ليش كانوا يهاجروا من قديم الزمان

يا جهبذ؟

الباحثين والمؤرخين بيقولوا لنا

إنه اليمن كان هو مصدر الهجرات

بسبب كثافة السكان العالية فيه

مقارنة بباقي مناطق شبه الجزيرة العربية

لذلك على طول اليمنيين كانوا يحاولوا يطلعوا

ليلاقوا فرص حياة أحسن

ومن أبرز مناطق اليمن يللي طلعت منها

الهجرات هي منطقة حضرموت

بتقول لنا الكاتبة البريطانية ليلى إنغرامز

إنه هالمنطقة هاي يللي تعد الأمطار فيها أقل

من باقي مناطق اليمن

عانت دائماً من صراعات بين القبائل

ومن شح الأمطار

وهالشي ما كان يسمح لأبنائها أنهم يتعيشوا

من الزراعة

وبالتالي كانوا مضطرين يهاجروا لمناطق

متل جنوب شرق آسيا وشرق أفريقيا

وكتار من يللي هاجروا كانوا يكوّنوا

ثروات ويحولوا مصاري لحضرموت

وهالشي أثر على المدن التاريخية المهمة كتير

بمنطقة حضرموت متل مدينة شبام

هاي المدينة المشهورة بأبنيتها الطينية العالية

اللي ممكن يصل ارتفاعها لـ 6 أو 7 طوابق

حتى أنه الرحالة البريطانية فريا ستارك

لما زارت المنطقة بتلاتينات القرن الماضي

سمتها بمانهاتن الصحراء

Manhattan of The Desert

مدينة تانية مدينة تريم الشهيرة

يللي تم اختيارها كعاصمة الثقافة الإسلامية

لعام 2010

الرسام والمؤرخ المعماري أوزبيرت لانكاستر

لما زار المنطقة من حوالي 100 سنة

كان بيقول لحاله إنه هالمنطقة تبع حضرموت

هي آخر منطقة ممكن الواحد يروح

يعمل فيها سياحة

شو بدنا فيها

بس تفاجأ لما زارها بعبقرية معماريها

وتميز أبنيتها

بيقول لنا لانكاستر كمان

إنه الشباب اليمني بأيامه كانوا يروحوا يشتغلوا

بسنغافورة وملايو وشرق أفريقيا

ويجيبوا معهم مصاري ويرجعوا

ولكن هجرة الحضارمة إلى جنوب شرق آسيا

تعود إلى القرن السابع عشر والثامن عشر

فيه موجات هجرة من التجار الحضرميين طلعت

باتجاه جزر الملايو وسومطرة وبورنيو وجاوة

وصلوا هالتجار اليمنيين قام السكان الأصليين

تبع المنطقة اطلعوا عليهم قالوا والله هالتجار

اليمنيين كأنهم مختلفين عن التجار الأوروبيين

اللي جايين يفرضوا نفوذ بلادهن عليهن

يعني بينما كانوا التجار الأوروبيين مرتبطين

بحكوماتهم وبخطط السيطرة تبعهم

كانوا التجار اليمنيين الحضارمة مستقلين

كانوا التجار اليمنيين عم يجوا يختلطوا

بالمجتمعات الآسيوية

ما عم يحاولوا يسحبوا خيرها

عم يحاولوا يشتغلوا ويفيدوا ويستفيدوا

وفوق منها ساهموا ببناء وتنمية دول متل

إندونيسيا والدول المجاورة لإلها

يعني بتلاقي أثر الحضارمة اليوم بإندونيسيا

بيشمل معظم نواحي الحياة

السياسية والدينية والثقافية والفنية

وحتى بالطبخ

بتلاقي المندي

بتلاقي كعك

لك حتى بالموسيقى

جابوا معهم آلاتهم متل آلة القنبوس

اللي بيسموها بماليزيا

Gambus Hadhramaut

حضرموتي يعني

وحتى بآخر 500 سنة مرت على تاريخ إندونيسيا

لعبوا الحضارمة دور كتير مهم

وخصوصاً بعد وصول الاحتلال الهولندي إلها

اليمنيين بشكل عام والحضارمة بشكل خاص

شاركوا بالمقاومة المسلحة ضد الاحتلال

وأسسوا سلطنة بونتياناك اللي كانوا سلاطينها

من الحضارمة

وشاركوا بالنضال السياسي عن طريق الحزب

العربي الإندونيسي

indonesian Arab Association

بقيادة عبد الرحمن باسويدان الكاتب والصحفي

البارز الإندونيسي

وحفيده أنيس باسويدان

الأكاديمي والسياسي البارز كان حاكم مدينة

جاكرتا العاصمة

ومن الحضارمة المشهورين كمان حامد القدري

السياسي البارز اللي كان إله دور مهم باستقلال

إندونيسيا

وحفيده نديم أنور مكارم

هو وزير التربية والثقافة الإندونيسي الحالي

ووزير خارجية إندونيسيا الأسبق علي العطاس

ونائب رئيس البرلمان الإندونيسي الحالي

فاضل محمد الهدار

أصله يمني

ومرعي بن عمودة الكثيري

أول رئيس وزراء لتيمور الشرقية

بعد انفصالها عن إندونيسيا

وبماليزيا عندك عبد الله أحمد بدوي

اللي كان رئيس وزراء ماليزيا الأسبق

وسيد حامد البر وزير خارجية ماليزيا

وغيرهم كتير

هاد غير أثرهم الاقتصادي بإندونيسيا

بعدة مجالات

النفط والتجارة والاستيراد والتصدير وغيرهن

وبالتالي متل ما شفنا اليمنيين إلهن أثرهن

الكبير وإيدهم الواصلة بدول المنطقة تبع

جنوب شرق آسيا

ولكن لا توجد حالياً دراسات بتقول لنا قديش

أعداد اليمنيين بإندونيسيا مثلاً

في عالم بتقول إنه نسبتهم بين 2 و3%

يعني حوالي 5 ملايين نسمة

ولليوم عندهم عاداتهم المميزة بالزواج والولادة

وبعيد من هون حتى بالعزا

بالوفاة

وحافظوا على موسيقاهم وأغانيهم

اللي بيتميزوا فيها عن بقية الإندونيسيين

وكيف حافظوا على هاي العادات لمدة قرون؟

عن طريق التزاوج من بين بعضهم بس

من ضمن مجتمعهم

وأيضاً من خلال أنهم كانوا يبعتوا ولادهم

على حضرموت لحتى يتعلموا اللغة العربية

وهالشي استمر طيلة فترة الخمسينات

والستينات

بس لما صار فيه حكم شيوعي باليمن الجنوبي

بين 1967 والـ 1990

صاروا الأهالي يتخوفوا يبعتوا ولادهم لهونيك

لذلك بنلاقي يللي عمرهم 60 وطالع

لغتهم العربية منيحة

أما أولادهم وأحفادهم فلغتهم العربية شبه

معدومة وبلشوا يفقدوا صلتهم بثقافتهم الأم

ومتل ما كان تأثير اليمنيين كبير بجنوب

شرق آسيا

كان تأثير اليمنيين كبير بشرق أفريقيا

متل ما حكينا هجرات اليمنيين لشرق أفريقيا

بلشت من قبل الميلاد

ومن القرون الهجرية الأولى كانوا الرحالة

اليمنيين يركبوا بهالسفن تبعهم ويروحوا

للسواحل الشرقية بأفريقيا

من مدينة زيلع بالصومال شمالاً إلى مدينة

سفالة بموزمبيق جنوباً

وعملوا مدن على طول هالساحل هاد

وحكمها سلاطين يمنيين وساهموا إسهام كبير

بتطور المنطقة تبع ساحل شرق أفريقيا كلياته

وشبهوا دور اليمنيين بالدور اللي لعبوه

الفينيقيين على سواحل المتوسط

وهالحكي طبعاً ما بينطبق بس على اليمنيين

بينطبق على جيرانهم العمانيين اللي عملنا عنهم

حلقة

إمبراطورية عمان

وبعدين بنهايات القرن التاسع عشر وبداية القرن

العشرين طلعت موجات هجرة يمنية جديدة

باتجاه جيبوتي وإثيوبيا

وكان صيت العامل اليمني بوقتها هنيك أنه

عامل شاطر وذكي وبيفضلوه على غيره

وصارت هجرات تانية لإريتريا والصومال

وكينيا وتنزانيا

وجزر القمر

وحتى جزيرة زنجبار

متل ما حكينا بزماننا عن العمانيين بزنجبار

كمان اليمنيين كان إلهم أزياؤهم الخاصة

وطقوسهم الخاصة

وبجزر القمر وصلوا اليمنيين لأعلى المراتب

متل أحمد عبد الله عبد الرحمن

اللي صار أول رئيس لجزر القمر

كان من أصل حضرمي

وأحمد سامبي رئيس جمهورية جزر القمر السابق

كمان من أصل يمني

هاد كمان غير الهجرة الحضرمية باتجاه المملكة

العربية السعودية ببدايات تأسيسها

بالعشرينات والتلاتينات من القرن الماضي

ولعبوا المهاجرين الحضارمة يللي كانت مكة

المكرمة وجدة هي وجهتهم المفضلة

دور كبير بالاقتصاد تبع السعودية

متل عائلات بن لادن صاحبة مجموعة بن لادن

يللي تعتبر من أكبر شركات المقاولات

بالمنطقة

وبن محفوظ اللي أسسوا البنك الأهلي

السعودي

اللي يعتبر واحدة من أكبر المؤسسات المالية

بالمملكة

هاد غير عائلات باعشن وباخشب يللي يعتبروا

من أهم العائلات التجارية بالمملكة

لكل ما سبق طلعوا المؤرخين بمصطلح

Hadrami Diaspora

الدياسبورا الحضرمية

يللي انكتبت عنها دراسات كتير

الكاتب البريطاني هارولد إنغرامز

يللي عاش لسنين طويلة بحضرموت

كتب بتلاتينات القرن الماضي كتاب بيقول فيه

تلت سكان حضرموت هاجروا

وغالبية اللي بيهاجروا بيكونوا هدفهم يروحوا

يشتغلوا كم سنة يجمعوا مصاري ويرجعوا

حتى أنه اللغتين المالوية والسواحلية

بلشت تنتشر بحضرموت

بس بالمقابل كتار ظلوا بالغربة وما رجعوا

وشايف هدول اللي ظلوا بالغربة يا حمادة؟

قدروا يحققوا المعادلة الصعبة

قدروا يحافظوا على ثقافتهم ولغتهم وعاداتهم

وبنفس الوقت قدروا يندمجوا بالبلد اللي

هنن عايشين فيه

ويقدموا إسهامات كبيرة ويوصلوا

لأعلى المناصب

أما الهجرات التانية باتجاه أمريكا وبريطانيا مثلاً

فكان الجيل التاني عم يختلف عن الجيل الأول

من المهاجرين من ناحية تمسكه

بثقافته ولغته

لذلك لا يبدو أنه حيقدروا يحافظوا

على مجتمع متميز متماسك خاص فيهم هنيك

أما من حيث النجاحات فكمان كانت موجودة

وواضحة

برزت منهم أسماء مشهورة

متل البرنس

الملاكم نسيم حميد ذو الأصل اليمني

وكمان المستكشفة والعالمة والإعلامية

آلاء الشماحي

والكاتب والمخرج البريطاني بدر بن حرسي

طيب شو الوضع حالياً باليمن يا جهبذ؟

للأسف تلت أرباع اليمنيين يللي عايشين باليمن

ما فيهم يعيشوا بدون المساعدات الإنسانية

يللي بتقدمها المنظمات الأممية

حوالي 4 ملايين منهم مهددين بالمجاعة

وبسبب هالوضع المأساوي زاد كتير عدد

اليمنيين اللي تركوا بلدهم وانتشروا بكل

قارات العالم

فيه حوالي 3 ملايين بدول الخليج

وقريب المليون بمصر

والبقية متوزعين على أوروبا وأمريكا وأفريقيا

طبعاً عم نحكي عن اليمنيين اللي حاملين

الجنسية اليمنية وطلعوا من اليمن تازا

مو اليمنيين اللي مهاجرين من زمان

واللي بيزعل أكتر أنه هاد اليمني يللي كان طول

عمره بيحب المغامرة وبيحب يروح يجرب

حظه بهالدنيا

وكانت البلاد تفتح أبوابها لإله لأنه حامل معه

قيم وحضارة وثقافة وشغله

صارت هلأ الأبواب مسكرة بوجهه

جواز السفر اليمني ما بياخدك إلا على كم بلد

والسفارات مسكرة والأمور معقدة كتير

ولسا المحزن أكتر وأكتر

أنه أبناء 3 دول طلعت منها أهم الحضارات

بالعالم اللي هنن سوريا والعراق واليمن

بتلاقي جوازات سفرهم بين الأسوأ بالعالم

ومدنهم بتتنافس على لقب أسوأ مدينة

للعيش بالعالم

وعواصمهم صار ينضرب فيها المثل بظروف

الحياة الصعبة من فقر لفساد لمجاعات

لخراب لدمار

ليش برأيكم وصلت الحالة فينا لهون؟

كيف فينا نطلع من هالحالة هاي ويرجع اليمن

ليكون واحد من أهم مراكز التجارة بالعالم؟

اليمن اللي وصل الشرق بالغرب ولعب دور

مهم كتير بتاريخ المنطقة

جاوبني على هاد السؤال بالتعليقات

وإذا حبيتوا الحلقة أعطونا لايك إعجاب

وشاركوا الحلقة بين أصدقائكن

واشتركوا بالقناة وفعلوا زر الجرس

وشوفوا الحلقات السابقة

وانتظروا الحلقات القادمة

إلى اللقاء


الجهبذ | هجرات اليمن السعيد

والآن مع اللحظة اللي انتظرها الكثيرين

إعلان التوب 3

الـ 3 المتبقيين

الـ 3 اللي راح يفوزوا باللقب

الترقب عم يزداد

التوتر عم يزداد

كلياتنا على أعصابنا

كلياتنا متوترين

مين هنن يا ترى؟

شكراً

وصلتنا النتائج

نتيجة عمل دؤوب لسنين

على أعصابنا

كلياتنا تعبنا

كلياتنا عم ننتظر

حتى نشوف النتيجة هون

والفائزين

الـ 3

لهاي السنة

سوريا والعراق واليمن

الفائزين للسنة العاشرة على التوالي

للقب أسوأ جوازات سفر

وأسوأ مدن للمعيشة بالعالم

للسنة العاشرة على التوالي

هاي نتيجة الإصرار

مبروك

مبروك يا جماعة

مبروك يا شباب

وبنتمنى من الفائزين

وأيضاً يعني بنتمنى حظ أوفر للخاسرين

أنه كلياتنا ندخل على العشاء

العشاء المتميز اللي حضرناه برعايتنا اليوم

شكراً كتير وأهلاً وسهلاً

أهلين وسهلين ومية مرحبتين

بنور العين

حبيباتي المتابعين والمتابعات

إذا قلت لكن وسألتكن عن الهجرات

اللي طلعت من منطقتنا

شو بتقولوا لي؟

الهجرات المغاربية باتجاه أوروبا

حكينا عنها بحلقة ماضية

إذا ما شفتوها

ما راح كون مسرور بنوب

الهجرات من بلاد الشام باتجاه الأمريكيتين

كمان عملنا عنها حلقة وإذا ما شفتوها

بده يصير فيه زعل بيناتنا

بقى عن شو جاي تحكي لنا يا جهبذ؟

عن أي هجرات جاي تحكي لنا أنت؟

اليوم سأفاجئكم متل العادة وأجيب لكن

فكرة من خارج الصندوق

وأحكي لكن عن هجرات ولا خطرت على

بالكن أبداً

هجرة شعب عربي عريق وباتجاه مناطق

بالعالم مو متعودين عليها

تكون مقاصد للهجرة

إنها هجرات اليمنيين

اليمنيين هاجروا يا جهبذ؟

هاجروا يا حمادة

ومن زمان كمان

الباحثين بيقولوا إنه هجرات اليمنيين

بلشت من بعد انهيار سد مأرب

بس مع ذلك المؤرخين بيقولوا إنه

هجرات اليمنيين ما كانت دائماً بسبب اقتصادي

متل انهيار سد مأرب متل ما حكينا مثلاً

أو الفيضانات أو الجفاف أو غيره

من الكوارث الطبيعية

بكتير أحيان كان سبب الهجرة هو حب أبناء

اليمن السعيد للمغامرة

المغامرة؟

بس قبل يا جهبذ أنا دائماً بسمع بمصطلح

اليمن السعيد من وين جاي هاد المصطلح؟

وأنا إنسان كحمادة فضولي بطبعي

أصل تسمية اليمن السعيد بالأساس

هي جاية من المنطقة العربية السعيدة

Arabia Felix

يعني معنى هالوصف كلياته

هو بلاد العرب السعيدة

أو المباركة

أو الخصبة

أو حتى الميمونة

هاللقب هاد انتشر من بعدما تعرفوا اليونانيين

وبعدهم الرومان على اليمن

سموها هيك ليفرقوها عن باقي المناطق

العربية التانية

يللي سموها مثلاً

Arabia Petraea

بلاد العرب الصخرية

يللي موجودة بالتحديد جنوب بلاد الشام

وشمال الحجاز وعاصمتها البتراء

ومناطق تانية مسمينها

Arabia Deserta

يللي بتشمل معظم أراضي شبه الجزيرة العربية

يللي كانت أراضيها عبارة عن صحاري قاحلة

ولهذا السبب سموا اليمن المنطقة

العربية السعيدة

مو بس لأنه فيها أمطار وأراضيه خصبة

وفيها زراعة

بل لأنه كان كمان يتاجر مع آسيا وأفريقيا

من هديك الأيام

كانوا يتاجروا بالبخور وبالمر وغيرها

من منتجات الرفاهية تبع هديك الأيام

وحتى لاحقاً

ضل اليمن يعتبر من أهم مراكز التجارة

العالمية لقرون كتيرة

حمادة أنا بعرفك ما بتقدر تبلش صباحك

بدون ما تحتسي كوب وترتشف منه

من قهوة الموكا

هل تعرف أنه الموكا جاية من كلمة المخا

ميناء المخا باليمن؟

بلى مخا

بس بإيطاليا هي وصلت لإيطاليا ما بيعرفوا

يقولوا موخا

بيقولوا موكا

اليمن كان مركز يعني طلعت منه القهوة

للعالم كلياته يا حمادة

شفت حمادة سألتني سؤال صغير

من وين أجا اليمن السعيد

شوف وين أخدتنا وجبتنا

ما علينا هلأ عرفت أنت اليمن السعيد

من وين جاي

المهم هلأ بشو كنا عم نحكي؟

آه موضوع الحلقة

كنا عم نحكي عن هجرات اليمن

اللي بلشت مع بداية التجارة قبل الميلاد

وبلشوا يهاجروا اليمنيين باتجاه الحبشة

والصومال وجيبوتي

ولما هاجروا أخدوا معهم ثقافتهم وأبجديتهم

الخط المسند

طريقة الكتابة تبعهن

وأخدوا معهم فن العمارة والفنون والثقافة

يللي عندهن

بتعرفي أنت يا سعاد حضارة اليمن والممالك

تبعها ضاربة بالقدم

مملكة معين وسبأ وحمير وممالك كتيرة تانية

طيب ليش كانوا يهاجروا من قديم الزمان

يا جهبذ؟

الباحثين والمؤرخين بيقولوا لنا

إنه اليمن كان هو مصدر الهجرات

بسبب كثافة السكان العالية فيه

مقارنة بباقي مناطق شبه الجزيرة العربية

لذلك على طول اليمنيين كانوا يحاولوا يطلعوا

ليلاقوا فرص حياة أحسن

ومن أبرز مناطق اليمن يللي طلعت منها

الهجرات هي منطقة حضرموت

بتقول لنا الكاتبة البريطانية ليلى إنغرامز

إنه هالمنطقة هاي يللي تعد الأمطار فيها أقل

من باقي مناطق اليمن

عانت دائماً من صراعات بين القبائل

ومن شح الأمطار

وهالشي ما كان يسمح لأبنائها أنهم يتعيشوا

من الزراعة

وبالتالي كانوا مضطرين يهاجروا لمناطق

متل جنوب شرق آسيا وشرق أفريقيا

وكتار من يللي هاجروا كانوا يكوّنوا

ثروات ويحولوا مصاري لحضرموت

وهالشي أثر على المدن التاريخية المهمة كتير

بمنطقة حضرموت متل مدينة شبام

هاي المدينة المشهورة بأبنيتها الطينية العالية

اللي ممكن يصل ارتفاعها لـ 6 أو 7 طوابق

حتى أنه الرحالة البريطانية فريا ستارك

لما زارت المنطقة بتلاتينات القرن الماضي

سمتها بمانهاتن الصحراء

Manhattan of The Desert

مدينة تانية مدينة تريم الشهيرة

يللي تم اختيارها كعاصمة الثقافة الإسلامية

لعام 2010

الرسام والمؤرخ المعماري أوزبيرت لانكاستر

لما زار المنطقة من حوالي 100 سنة

كان بيقول لحاله إنه هالمنطقة تبع حضرموت

هي آخر منطقة ممكن الواحد يروح

يعمل فيها سياحة

شو بدنا فيها

بس تفاجأ لما زارها بعبقرية معماريها

وتميز أبنيتها

بيقول لنا لانكاستر كمان

إنه الشباب اليمني بأيامه كانوا يروحوا يشتغلوا

بسنغافورة وملايو وشرق أفريقيا

ويجيبوا معهم مصاري ويرجعوا

ولكن هجرة الحضارمة إلى جنوب شرق آسيا

تعود إلى القرن السابع عشر والثامن عشر

فيه موجات هجرة من التجار الحضرميين طلعت

باتجاه جزر الملايو وسومطرة وبورنيو وجاوة

وصلوا هالتجار اليمنيين قام السكان الأصليين

تبع المنطقة اطلعوا عليهم قالوا والله هالتجار

اليمنيين كأنهم مختلفين عن التجار الأوروبيين

اللي جايين يفرضوا نفوذ بلادهن عليهن

يعني بينما كانوا التجار الأوروبيين مرتبطين

بحكوماتهم وبخطط السيطرة تبعهم

كانوا التجار اليمنيين الحضارمة مستقلين

كانوا التجار اليمنيين عم يجوا يختلطوا

بالمجتمعات الآسيوية

ما عم يحاولوا يسحبوا خيرها

عم يحاولوا يشتغلوا ويفيدوا ويستفيدوا

وفوق منها ساهموا ببناء وتنمية دول متل

إندونيسيا والدول المجاورة لإلها

يعني بتلاقي أثر الحضارمة اليوم بإندونيسيا

بيشمل معظم نواحي الحياة

السياسية والدينية والثقافية والفنية

وحتى بالطبخ

بتلاقي المندي

بتلاقي كعك

لك حتى بالموسيقى

جابوا معهم آلاتهم متل آلة القنبوس

اللي بيسموها بماليزيا

Gambus Hadhramaut

حضرموتي يعني

وحتى بآخر 500 سنة مرت على تاريخ إندونيسيا

لعبوا الحضارمة دور كتير مهم

وخصوصاً بعد وصول الاحتلال الهولندي إلها

اليمنيين بشكل عام والحضارمة بشكل خاص

شاركوا بالمقاومة المسلحة ضد الاحتلال

وأسسوا سلطنة بونتياناك اللي كانوا سلاطينها

من الحضارمة

وشاركوا بالنضال السياسي عن طريق الحزب

العربي الإندونيسي

indonesian Arab Association

بقيادة عبد الرحمن باسويدان الكاتب والصحفي

البارز الإندونيسي

وحفيده أنيس باسويدان

الأكاديمي والسياسي البارز كان حاكم مدينة

جاكرتا العاصمة

ومن الحضارمة المشهورين كمان حامد القدري

السياسي البارز اللي كان إله دور مهم باستقلال

إندونيسيا

وحفيده نديم أنور مكارم

هو وزير التربية والثقافة الإندونيسي الحالي

ووزير خارجية إندونيسيا الأسبق علي العطاس

ونائب رئيس البرلمان الإندونيسي الحالي

فاضل محمد الهدار

أصله يمني

ومرعي بن عمودة الكثيري

أول رئيس وزراء لتيمور الشرقية

بعد انفصالها عن إندونيسيا

وبماليزيا عندك عبد الله أحمد بدوي

اللي كان رئيس وزراء ماليزيا الأسبق

وسيد حامد البر وزير خارجية ماليزيا

وغيرهم كتير

هاد غير أثرهم الاقتصادي بإندونيسيا

بعدة مجالات

النفط والتجارة والاستيراد والتصدير وغيرهن

وبالتالي متل ما شفنا اليمنيين إلهن أثرهن

الكبير وإيدهم الواصلة بدول المنطقة تبع

جنوب شرق آسيا

ولكن لا توجد حالياً دراسات بتقول لنا قديش

أعداد اليمنيين بإندونيسيا مثلاً

في عالم بتقول إنه نسبتهم بين 2 و3%

يعني حوالي 5 ملايين نسمة

ولليوم عندهم عاداتهم المميزة بالزواج والولادة

وبعيد من هون حتى بالعزا

بالوفاة

وحافظوا على موسيقاهم وأغانيهم

اللي بيتميزوا فيها عن بقية الإندونيسيين

وكيف حافظوا على هاي العادات لمدة قرون؟

عن طريق التزاوج من بين بعضهم بس

من ضمن مجتمعهم

وأيضاً من خلال أنهم كانوا يبعتوا ولادهم

على حضرموت لحتى يتعلموا اللغة العربية

وهالشي استمر طيلة فترة الخمسينات

والستينات

بس لما صار فيه حكم شيوعي باليمن الجنوبي

بين 1967 والـ 1990

صاروا الأهالي يتخوفوا يبعتوا ولادهم لهونيك

لذلك بنلاقي يللي عمرهم 60 وطالع

لغتهم العربية منيحة

أما أولادهم وأحفادهم فلغتهم العربية شبه

معدومة وبلشوا يفقدوا صلتهم بثقافتهم الأم

ومتل ما كان تأثير اليمنيين كبير بجنوب

شرق آسيا

كان تأثير اليمنيين كبير بشرق أفريقيا

متل ما حكينا هجرات اليمنيين لشرق أفريقيا

بلشت من قبل الميلاد

ومن القرون الهجرية الأولى كانوا الرحالة

اليمنيين يركبوا بهالسفن تبعهم ويروحوا

للسواحل الشرقية بأفريقيا

من مدينة زيلع بالصومال شمالاً إلى مدينة

سفالة بموزمبيق جنوباً

وعملوا مدن على طول هالساحل هاد

وحكمها سلاطين يمنيين وساهموا إسهام كبير

بتطور المنطقة تبع ساحل شرق أفريقيا كلياته

وشبهوا دور اليمنيين بالدور اللي لعبوه

الفينيقيين على سواحل المتوسط

وهالحكي طبعاً ما بينطبق بس على اليمنيين

بينطبق على جيرانهم العمانيين اللي عملنا عنهم

حلقة

إمبراطورية عمان

وبعدين بنهايات القرن التاسع عشر وبداية القرن

العشرين طلعت موجات هجرة يمنية جديدة

باتجاه جيبوتي وإثيوبيا

وكان صيت العامل اليمني بوقتها هنيك أنه

عامل شاطر وذكي وبيفضلوه على غيره

وصارت هجرات تانية لإريتريا والصومال

وكينيا وتنزانيا

وجزر القمر

وحتى جزيرة زنجبار

متل ما حكينا بزماننا عن العمانيين بزنجبار

كمان اليمنيين كان إلهم أزياؤهم الخاصة

وطقوسهم الخاصة

وبجزر القمر وصلوا اليمنيين لأعلى المراتب

متل أحمد عبد الله عبد الرحمن

اللي صار أول رئيس لجزر القمر

كان من أصل حضرمي

وأحمد سامبي رئيس جمهورية جزر القمر السابق

كمان من أصل يمني

هاد كمان غير الهجرة الحضرمية باتجاه المملكة

العربية السعودية ببدايات تأسيسها

بالعشرينات والتلاتينات من القرن الماضي

ولعبوا المهاجرين الحضارمة يللي كانت مكة

المكرمة وجدة هي وجهتهم المفضلة

دور كبير بالاقتصاد تبع السعودية

متل عائلات بن لادن صاحبة مجموعة بن لادن

يللي تعتبر من أكبر شركات المقاولات

بالمنطقة

وبن محفوظ اللي أسسوا البنك الأهلي

السعودي

اللي يعتبر واحدة من أكبر المؤسسات المالية

بالمملكة

هاد غير عائلات باعشن وباخشب يللي يعتبروا

من أهم العائلات التجارية بالمملكة

لكل ما سبق طلعوا المؤرخين بمصطلح

Hadrami Diaspora

الدياسبورا الحضرمية

يللي انكتبت عنها دراسات كتير

الكاتب البريطاني هارولد إنغرامز

يللي عاش لسنين طويلة بحضرموت

كتب بتلاتينات القرن الماضي كتاب بيقول فيه

تلت سكان حضرموت هاجروا

وغالبية اللي بيهاجروا بيكونوا هدفهم يروحوا

يشتغلوا كم سنة يجمعوا مصاري ويرجعوا

حتى أنه اللغتين المالوية والسواحلية

بلشت تنتشر بحضرموت

بس بالمقابل كتار ظلوا بالغربة وما رجعوا

وشايف هدول اللي ظلوا بالغربة يا حمادة؟

قدروا يحققوا المعادلة الصعبة

قدروا يحافظوا على ثقافتهم ولغتهم وعاداتهم

وبنفس الوقت قدروا يندمجوا بالبلد اللي

هنن عايشين فيه

ويقدموا إسهامات كبيرة ويوصلوا

لأعلى المناصب

أما الهجرات التانية باتجاه أمريكا وبريطانيا مثلاً

فكان الجيل التاني عم يختلف عن الجيل الأول

من المهاجرين من ناحية تمسكه

بثقافته ولغته

لذلك لا يبدو أنه حيقدروا يحافظوا

على مجتمع متميز متماسك خاص فيهم هنيك

أما من حيث النجاحات فكمان كانت موجودة

وواضحة

برزت منهم أسماء مشهورة

متل البرنس

الملاكم نسيم حميد ذو الأصل اليمني

وكمان المستكشفة والعالمة والإعلامية

آلاء الشماحي

والكاتب والمخرج البريطاني بدر بن حرسي

طيب شو الوضع حالياً باليمن يا جهبذ؟

للأسف تلت أرباع اليمنيين يللي عايشين باليمن

ما فيهم يعيشوا بدون المساعدات الإنسانية

يللي بتقدمها المنظمات الأممية

حوالي 4 ملايين منهم مهددين بالمجاعة

وبسبب هالوضع المأساوي زاد كتير عدد

اليمنيين اللي تركوا بلدهم وانتشروا بكل

قارات العالم

فيه حوالي 3 ملايين بدول الخليج

وقريب المليون بمصر

والبقية متوزعين على أوروبا وأمريكا وأفريقيا

طبعاً عم نحكي عن اليمنيين اللي حاملين

الجنسية اليمنية وطلعوا من اليمن تازا

مو اليمنيين اللي مهاجرين من زمان

واللي بيزعل أكتر أنه هاد اليمني يللي كان طول

عمره بيحب المغامرة وبيحب يروح يجرب

حظه بهالدنيا

وكانت البلاد تفتح أبوابها لإله لأنه حامل معه

قيم وحضارة وثقافة وشغله

صارت هلأ الأبواب مسكرة بوجهه

جواز السفر اليمني ما بياخدك إلا على كم بلد

والسفارات مسكرة والأمور معقدة كتير

ولسا المحزن أكتر وأكتر

أنه أبناء 3 دول طلعت منها أهم الحضارات

بالعالم اللي هنن سوريا والعراق واليمن

بتلاقي جوازات سفرهم بين الأسوأ بالعالم

ومدنهم بتتنافس على لقب أسوأ مدينة

للعيش بالعالم

وعواصمهم صار ينضرب فيها المثل بظروف

الحياة الصعبة من فقر لفساد لمجاعات

لخراب لدمار

ليش برأيكم وصلت الحالة فينا لهون؟

كيف فينا نطلع من هالحالة هاي ويرجع اليمن

ليكون واحد من أهم مراكز التجارة بالعالم؟

اليمن اللي وصل الشرق بالغرب ولعب دور

مهم كتير بتاريخ المنطقة

جاوبني على هاد السؤال بالتعليقات

وإذا حبيتوا الحلقة أعطونا لايك إعجاب

وشاركوا الحلقة بين أصدقائكن

واشتركوا بالقناة وفعلوا زر الجرس

وشوفوا الحلقات السابقة

وانتظروا الحلقات القادمة

إلى اللقاء