وجهات نظر
المذيع: مساء الخير لجميع مستمعي اذاعة بلدنا.
محدثكم رامي درويش يحييكم على هوا اذاعة بلدنا.
اليوم معي للحديث عن الموضوع شب وصبية من
قلب الشارع. معي سمر من الصبايا المؤيدين لنظام
بشار الاسد ومعي وائل من الشباب المعارضين
للنظام.
طب بدي انتقل لعندك وائل وأسألك...بالثورة صارة
صارت ازمة مازوت صارت أزمة غاز صارت أزمة
بنزين أزمة كهرباء حتى إذا بدنا نحكي من ناحية
اقتصادية ومن ناحية الرواتب والأسعار والغلاء
اللي عم بصير كيف انعكست عليك انت كمواطن
سوري معارض عايش يمكن جارك مؤيد؟
وائل: هلا خيي أولاً بدي أنا أهدي تحياتي لألك
وأترحم على كل الشهداء وأهدي تحية كبيرة لكل
المناضلين الموجودين بالمخيمات وخصوصا مخيم
الزعتري. والشي اللي عم بمر علينا هلا من برد
ومطر وثلج أنا بحب وجهلهن تحية كبيرة لكل مين
تحمل ولكل مين عم بعاني داخل المخيمات
وخصوصا مخيمات الزعتري هادا بداية.
ثانيا نحن خيي.... مضغوطين من قبل ما تبلش
هالثورة المجيدة، نحن مضغوطين من كل
الجهات...
نحنا.... توزع الثروات بهالبلد مو بس اه....صار
بعد الثورة ...توزع الثروات بهالبلد محصور ضمن
عالم معينين هادا الحكي من قبل ما تقوم الثورة
والثورة قامت كرمال هالحكي هاد.
أنا خيي متأكد مائه بالمائة أنه... كل شي عم يصير
هو عبارة عن ضغط على العالم عبارة عن ... مثل
ما بقولوا بالجيش العقوبة جماعية والمكافأة فردية.
يعني ... أنا... لحتى... خلي العالم كلياتها تفهم انه
أنا عم بعاقب فبعاقب الكل، وبخلي الكل ... واضغط
عليهن لحتى يتأثر الفرد الواحد...
المذيع: طيب بس هيك العقوبة صارت للمؤيد
والمعارض مع بعض...
وائل: تمام... فكرك هالنظام بفرق؟ لا خيي ما
بفرق. حتى دباباته وقصفه ما بقى يفرق ...يعني
أنت ... هالبراميل الموت اللي عم بتنزت من
الطيارات عم بتفرق معارض ومؤيد؟...
أنا بعتب على كل مؤيد لحد الآن مع النظام... لأنه
هو... عم بشارك بقتل اخواته... وعم بشارك
بقتل... اللي هو عم بتقول أنه نحنا ضد... انه
نحنا...انه الثورة عملت.... عم بتقوم بشي ضده
هادا....هادا النظام خيي ما بفرق بين حدا.
هادا النظام عم بقتل الكل عم بيقتل مؤيد وعم بيقتل
معارض مانه ... عم ... عم يمنع ... سيارات
اسعاف وعم يمنع عنايات طبية عم بيمنع شغلات
كثير انسانية عن عالم مانو عرفانة شو هي ...
وفي كثير مواقف بتنحكى عن الموضوع هاد.
المذيع: سمر شو رأيك بالكلام اللي حكاه وائل أنه
النظام ما عم بفرق لا بين مؤيد ولا بين معارض؟
بيقطع المازوت... بيقطع الكهرباء.... قطع
الكهرباء... كلياتنا بسوريا عم بنعاني منه وحتى
نحنا بهاي اللحظات عم بنسجل والكهرباء
مقطوعة.
برأيك وقت عم بيقطع ...علي وعليكي وأنا وإياكي
جيران وأنت ووائل جيران... طب انتو...نحن
الثلاثة لنفترض أنه نحن الثلاثة عايشين بنفس
الحي ونحن الثلاثة بيوتنا بنفس البناية حتى...
طيب عم بتنقطع علي وعم بتنقطع عليكي وعم
تنقطع على وائل...
شو المغزى من قطع الكهرباء وفي مناطق ما عم
تنقطع عنها الكهرباء نهائي ا.ً.. وأنا واياكي
بنعرفها... وكل انسان بيعرفها... طيب ليش
المناطق...ليش الكهرباء عم تنقطع علينا وما عم
تنقطع علهين؟ ليش المي عم تنقطع علينا ما عم
تنقطع عليهن؟ ليش المازوت عم بينقطع علينا ما
عم بينقطع عليهن؟ ليش الغاز نفس الموضوع؟
سمر: هلا أنا... ما ... أنا بعرف انه كل الناس عم
بتعاني نفس المعاناة. وأنا مع الأستاذ هون أنه
الاثنين عم بعانوا. فعلاً المعارض والمؤيد عم
بعانوا. الكهرباء وقت عم تنقطع عم تنقطع عن
المعارض وعم بتنقطع عن المؤيد. الطفل المؤيد
عم....اللي أهله مؤيدين واللي هو مؤيد عم بعاني
ونفس الشي المعارض بنفس الشي أنا ما عم بنكر
هالموضوع كله... معه مائة بالمائة.
بس انو أنا حمل بس الدولة هالموضوع كمان أنا
برفض هالشي. لأنه في ناس عم تسرق... في ناس
عم....يعني... هلا صار في وصوليين كثير يعني...
في ناس عم تقطع بكون حتى مو وقت القطع.
أنا بعرف ناس عم تتعرض لهالموضوع وقت راحت
اشتكت طلع في ناس عم تقطع بس مشان
ترتشي... مشان يندفع لها مصاري... الموضوع...
هالأزمة هاي... خلقت ناس كثير نحنا ما كنا
بصورتهن يعني...
المشكلة أنه نحنا... أنا... أنا... يعني مو ماني
إنسانة لو مؤيدة أنا مو ماني إنسانة، أنا إنسانة بكل
معنى الكلمة.
