I have a problem part 2 (radio fragment family show)
عندي مشكلة، الجزء الثاني
سلافا: هاي كانت مشكلة محمود، بدنا رأيك فيه
استاذة عابدة. وصل لمرحلة انو "انا بدي حدا
يقلّو لأبي شو مشكلتي".
عابدة: اكيد هاي صايرة مشكلة اجتماعية موجودة
بحاجة لحل كبير، وانا بنصح هذا الشب انو
يجرب، اذا في الو عم، اذا في الو جد، اذا في الو
خال، اذا في شيخ ابوه بيثق فيه، اي حدا اذا ممكن
يحاكي الاب.
وما دام الابن ما عاد يقدر، في طرف تالت ممكن
انه يتدخل ويساعد على حل هاي المشكلة. بس
الطرف التالت يصلح ما بينه وما بين ابوه، ما
يكون الطرف التالت بديل لأبوه.
سلافا: تماما،ً ويكون هادا الشخص اول شي الابن
عندو ثقة فيه يحكيلو مثلا شو مشاكله وبنفس
الوقت الاب بيكون عنده ثقة فيه.
عابدة: وانا بنصح الابن انو بالأول ما يقلّو
مشاكله بس يطلب منه، من الشخص التالت انه
يكون واسطة لحتى ابوه يلين ويتفهمه ويسمع
مشاكله.
اذا ما مشي الحال، ممكن بقي يستعين بالطرف
التالت انو يقلو مشاكله لحتى هو يوصلها للأب،
بس هاي الطريقة يعني غير جيدة ابدا
لأنه عم تقطع التواصل بين الأهل المقربين وهذا
الشي سيء كتير.
وبعدين لا تنسي الوسيط ما بينقل الفكرة كما هي،
صاحب الفكرة هو اقدر على نقلها للطرف التاني،
بعدين الاب والابن بظل في بينن عاطفة الابوة، لما
الابن يشرح الموضوع لأبوه، ابوه حيلين اكتر مما
يسمع من الشخص التالت.
سلافا: شكرا كتير لألك الاستاذة عابدة العضم،
كنت معاكن انا سلافا من راديو الكل بدي اقلكن
سلام.
