I have a problem part 1 (radio fragment family show)
عندي مشكلة، الجزء الأول
سلافا: بيت بيوت هو برنامج مخصص للأسرة،
حنعرض بكل حلقة مقولة شائعة او متل شعبي
وناقشه، اليوم اخترنا انو يكون المتل "ان كبر
ابنك خاويه".
يُعد هذا المتل احد اهم الأمتال اللي بنرددها
وبنعيدها، هذا المتل ... شو مدى الحاجة لألو
وشو مدى اهميته ... رح نعرف هالشي من خلال
التجربة الشخصية اللي كتبها عن نفسه شاب
اسمه محمود، وبيقول محمود برسالته:
سلافا تقرأ الرسالة: انا شاب عمري سبعتعشر
سنة بالصف الحادي عشر علمي، دخلت علمي مع
انو ميولي مالا علمية بنوب، ولا بحب الرياضيات
ولا الفيزيا ولا الكيميا. بس ابي الله يسامحه خلاني
ادخل علمي.
مشكلتي مع ابي انو دايما بيفكر عني وبقرر عني،
دايما بحس اني زغير ومستحيل اكبر ومستحيل
اختار صح.
دايما بقلي "لازم تسمع كلمتي انا ابوك" وبظل
يكرر وبيقول بكل المناسبات "وقت كنت قدك كنت
اسمع كلمة ابي".
بحياتو ما تقبل خطأي ولا فهم اسبابي، احيانا
بقول لحالي "تعال يا ولد احكي لأبوك كل وجعك،
وقولو انو انت مقهور لأنو هو بعيد عنك وانك
بتحس انو ما لو فاهم مشاعرك ولا مقدر
افكارك"، بحاول احكيله بس للأسف ما بقدر.
من اول ما بقلو "بابا" وبقلي بصوته الخشن
وطريقته الجدية "شو بدك؟" طبعا بتبلكم وبقولو
"لا، لا، ما في شي".
بتعرفوا شو بتمنى؟ بتمنى كون رفيق ابي، رفيقه
وقريب منه. لا عندي صلاحية فكر ولا اخذ قرار،
وبتمنى حدا يقلو اياه، هذا اللي بتمناه.
سلافا: هاي كانت مشكلة محمود، بدنا رأيك فيه
استاذة عابدة.
