2. Pliny 17-32 Ummidia, FINAL

16 cum studia nepotis sui mihi mandaret, dixit se solere, ut feminam in illo otio sexus, laxare animum lusu calculorum, solere spectare pantomimos suos, sed cum factura esset alterutrum, semper se nepoti suo imperavisse ut abiret studeretque;

21 quod mihi non solum amore facere sed etiam reverentia videbatur.

22 miraberis, ut ego miratus sum: proximis sacerdotalibus ludis, productis in commissione pantomimis, cum simul ego et Quadratus theatro egrederemur, dixit mihi:

25 “scisne me hodie primum vidisse saltantem aviae meae libertum?”

26 hoc nepos.

27 at Hercle alienissimi homines in honorem Quadratillae (pudet me dixisse honorem) adulatione in theatrum cursitabant exsultabant plaudebant mirabantur; deinde singulos gestus dominae cum canticis reddebant;

31 qui nunc minima legata pro praemio accipient ab herede, qui eos numquam spectabat.

Vale.