我哋 要 永遠 喺 埋 一齊 ！
心心 喺 孤兒院 長大 ， 佢 最 好 嘅 朋友 就 係 孤兒院 養 嘅 狗仔 旺財 。
旺財 肥嘟嘟 ， 眼仔碌碌 ， 每 次 見到 心心 都 會 好 開心 噉 汪汪 叫 ， 又 跟岀 跟入 。
今日 晏晝 ， 心心 如常 準備 好 狗糧 ， 打算 餵 旺財 食 午餐 。
咦 ？ 旺財 呢 ？ 唔見 咗 嘅 ？
心心 大 嗌 ： 「 旺財 ！ 旺財 ！ 夠鐘 食飯 喇 ！ 」
佢 四圍 揾 旺財 ， 最後 發現 旺財 瞓 咗 喺 花園 地下 ， 好 唔 舒服 噉 。
院長 先生 即刻 帶 旺財 去 睇 獸醫 。
獸醫 托 一 托 眼鏡 ， 話 ： 「 旺財 已經 二十 歲 ， 好 老 喇 。 狗 一 老 ， 就 會 易 病 。 我 估計 ， 佢 應該 仲 有 幾 個 月 生命 。 」
心心 好 唔開心 ， 夜晚 一 個 人 睇 電視 ， 唔肯 同 其他 小朋友 講嘢 。
電視 做 緊 旅遊 節目 。 主持人 話 ： 「 傳說 喺 喜瑪拉雅山頂 有 一 種 藥 ， 食 完 之後 咩 病 都 醫 得 好 ， 仲 會 長生不老 ！ 」
心心 即刻 上網 搜尋 喜瑪拉雅山 嘅 資料 ， 執 齊 食物 ， 放 埋 旺財 入 書包 ， 準備 岀發 。
去 到 門口 ， 居然 撞 到 院長 ！
「 你 咁 急 趕住 去 邊 呀 ？ 」 院長 攔 住 心心 。
心心話 ： 「 我 要 上山 揾 藥 救 旺財 ！ 」
院長 好 有 耐性 噉 同 心心 講 ： 「 嗰啲 只係 傳說 ， 唔係 真 㗎 ！ 老咗 就 會 病 ， 病咗 就 會 死 —— 人 又 好 ， 狗 又 好 ， 大家 都 一樣 ！ 」
心心 唔忿氣 ， 佢 唔理 院長 ， 一 枝 箭 衝 去 火車站 。 就 噉樣 ， 佢哋 一 人 一 狗 開始 咗 揾 萬能藥 嘅 旅程 。
佢哋 喺 山腳 租 咗 一 隻 牛 。 隻 牛 揹 住 旺財 ， 心心 拖 住 隻 牛 ， 行 咗 一 個 星期 ， 終於 由 山腳 行 到 山頂 。
山頂 有 個 和尚 。
心心 問 和尚 ： 「 你 好 ， 我哋 係 上嚟 求 藥 㗎 。 請問 呢度 係咪 有 萬能藥 ？ 」
和尚 話 ： 「 係 。 請 施主 過嚟 呢邊 …… 」
佢哋 去到 一 個 公園 ， 入面 有 好 靚 嘅 花 ， 有 一 群 黑鼆鼆 嘅 禿鷹 ， 地 上面 仲 有 隻 死 咗 嘅 貓仔 。
和尚 話 ： 「 呢 隻 貓仔 啱啱 死 咗 冇耐 ， 啲 禿鷹 好 快 就 會 食 咗 佢 。 」
心心 既 愕然 又 震驚 ， 話 ： 「 點解 要 噉做 ？ 」
和尚 話 ： 「 呢個 就 係 長生不老藥 。 禿鷹 食 咗 貓 ， 貓 嘅 一 部分 就 變 咗 禿鷹 ， 另 一 部分 變 咗 泥土 ， 最後 會 開花 。 」
心心 眼濕濕 ， 話 ： 「 我 想 永遠 同 旺財 一齊 ， 唔想 佢 變成 禿鷹 ！ 唔 想 佢 變成 花 ！ 」
和尚 話 ： 「 人 會 老 ， 會 病 ， 病 就 會 死 。 狗 都 一樣 ， 冇 辦法 改變 。 」
心心 好 失望 ， 最後 同 旺財 一齊 落山 。
喜瑪拉雅山 風景 優美 ， 空氣 清新 ， 白雪雪 噉 。 旺財 見 到 好 開心 ， 喺 雪地 上面 跑 嚟 跑 去 ， 好似 突然 精靈 咗 好多 。
回程路上 ， 心心 見到 雪地 上面 多 咗 好多 腳印 —— 有 自己 嘅 ， 有 旺財 嘅 。
返 到 孤兒院 ， 心心 離遠 就 見到 院長 喺 門口 。
院長 好 緊張 噉 跑 出嚟 ， 大 嗌 ： 「 心心 ！ 旺財 ！ 你哋 終於 返嚟 喇 ， 我 好 擔心 你哋 呀 ！ 」
心心 忍唔住 眼淚 ， 話 ： 「 院長 你 講得 啱 ， 呢個 世界 根本 就 冇 萬能藥 …… 」
院長 聽到 都 心有戚戚焉 ， 佢 攬 住 心心 ， 心心 攬 住 旺財 ， 三 個 攬 住 一齊 喊 ， 喊 咗 好 耐 。
幾 個 月 後 ， 旺財 病死 ， 院長 將 佢 埋葬 喺 花園 。 冇 幾耐 ， 花園 開 咗 新 嘅 花 。
「 我 會 永遠 記得 旺財 。 」 院長 話 。
同樣 ， 心心 永遠 都 會 記得 ， 佢 同 旺財 去 過 喜瑪拉雅山 ， 好 開心 ， 好 幸福 ， 雪地 上面 有 過 佢哋 兩 個 嘅 腳印 。
