يوم جميل - A Lovely Day
يوم جميل
الجزء الأول
عيد حب سعيد أحبائي المشاهدين، زي كل سنة إحنا بنزور محلات الورد والهدايا وبنتكلم مع الناس. الورد الأحمر رمز عيد الحب، المرتبطين بيدوا هدايا لبعض، وبيحتفلوا باليوم ده. زي ما إنتم شايفين ديكور المحل بالقماش و التول الأحمر، وكمان المحل فيه هدايا كتير غير الورد.
الجزء التاني:
المذيعة: أهلا وسهلا، صباح الخير.
سونيا: صباح النور، أهلا وسهلاً،
المذيعة: شكرا، عيد حب سعيد.
سونيا: وحضرتك كمان، عيد حب سعيد.
المذيعة: قدمي نفسك؟
سونيا: إسمي سونيا، بشتغل بياعة في محل الورد ده.
المذيعة: الله ياسونيا، ده بوكيه ورد جميل وكبير.
سونيا: مرسي، بشتغل الورد ده لزبون، المحل هيبعته ديليفري.
المذيعة: المحل زحمة أوي !
سونيا: ده أكتر يوم في السنة المحل بيبيع فيه ورد.
المذيعة: ليه الناس بيشتروا ورد أحمر في عيد الحب؟
سونيا: الزبون بيحب بيشتري الورد الأحمر علشان هو رمز لعيد الحب.
المذيعة: إيه كمان الزبون بيشتري؟
سونيا: الزبون بيحب يشتري الدباديب الحمرة، والشموع، والشيكولاتة وكمان الماجات اللي مرسوم عليها ورد أحمر.
المذيعة: إيه نوع الزباين في اليوم ده؟
سونيا: طبعا، المرتبطين، وفيه زباين بيشتروا هدايا لمامتهم ولإخوتهم ولأصحابهم.
المذيعة: ليه الورد أسعاره غالية؟
سونيا: علشان عيد الحب بييجي في 14 فبراير، وفي الشتا الورد بيكون أسعاره غالية.
المذيعة: وإيه هي طبيعة أسعار المحل؟
سونيا: المحل بيقدم عروض كويسة وأسعار رخيصة.
المذيعة: سونيا، الكلام معاكي جميل، وشكرا ياسونيا.
سونيا: العفو.
الجزء التالت
ا: صباح الخير.
ب: صباح النور.
ا: عيد حب سعيد.
ب: وحضرتك كمان،عيد حب سعيد.
ا: إنتي بتعملي إيه؟
ب: أنا ببشتغل الورد ده لزبون.
ا: لمين بتعملي البوكيه ده؟
ب: ده لزبون المحل هيبعته ديليقيري.
ا: إزي الشغل النهارده؟
ب: ده أكتر يوم في السنة المحل بيبيع فيه ورد.
ا: ليه الناس بيشتروا ورد أحمر في عيد الحب؟
ب: الزبون بيحب يشتري الورد الأحمر علشان هو رمز لعيد الحب.
ا: إيه كمان الزبون يشتري؟
ب: الزبون بيحب يشتري لدباديب الحمرة، والشموع ، والشيكولاتة وكمان الماجات اللي مرسوم عليها ورد أحمر.
ا: شكرا، مع السلامة.
ب: العفو.